一張停車場收費顯示屏的照片近日在社交平台瘋傳，畫面顯示有私家車以「時租車」身份停泊長達約142天，離場時結欠金額高達68,160港元，事件隨即在網上掀起熱議。
網上圖片
根據網民上載至社交平台的照片顯示，涉事車輛的入場時間為2026年4月28日下午4時08分，出場時間為2026年9月17日下午3時38分，總停泊時間接近5個月。車主最終須支付的「結欠金額」為68,160港元，換算下來平均每日停車費接近480港元，且需以八達通拍卡付款。
資料圖片
這個「天價時租泊車」個案引起網民熱烈討論，不少人認為車主索性棄車更划算，紛紛留言「夠買二手車」、「邊個叫你泊咗咁耐」、「買過架新車／二手車好過，架車都不值這個價」、「幾個月都唔揸，分分都係啲爛鬼錢7，買過架啦」。亦有人提出各種「甩身」妙計，包括「不如上網放二手車，註明『停車場交收』，叫買家自己找數出閘」，甚至建議「直接走人不要架車，當垃圾車由政府或停車場拖走，可能還比較便宜」。不過也有網民從另一角度計算，認為「泊咗幾個月咩都抵啦」、「4個半月，除返開21蚊個鐘，抵到爛啦」。
資料圖片
對於車輛何以長期停放，網民同樣議論紛紛，有人直接問「點解會泊幾個月」，隨即有人推測「車主坐監?」、「可能佢有好多架車！自己都唔知自己泊咗去邊？貧窮果然限制咗我嘅想像」，亦有留言估計「係有人搵咗車房代揸架廢車去劏，點知車房no show，由得架車泊晌時租停車場」。
《愛回家》劇照。示意圖片
除猜測原因外，不少網民更關心實際付款問題，連番追問「佢要拍幾多次八達通先至交得晒所有停車場費」、「要拍23次八達通先出到去」、「就算自動增值，八達通一日內無上限㗎咩？」。另有網民獻計，建議車主向停車場管理處交涉，「去同管理處傾傾啦，呢個數實有得減」，或提出「改用當區月租價錢計算」。
