曾傲棐Arvin港鐵站為城市配樂 黃凱逸Zelos自認「學霸」鼓勵考生

港鐵藝術舞台一直為繁忙的香港人紓緩壓力，DSE放榜在即特意舉行快閃演出，邀請歌手曾傲棐和黃凱逸Zelos演出，為一眾DSE考生打打氣！曾傲棐Arvin就話平時以港鐵出入，平時只可以「收收埋埋」哼歌，今次可以在站內表演實屬難得：「今次揀咗啲活力、R&B嘅歌，感覺就好似幫『香港』配樂，因為站內充滿人生百態，想為大家添加啲音樂，咩都想唱比大家聽！」

曾傲棐Arvin

黃凱逸Zelos

提到呢次活動為DSE考生打氣，Arvin乘機「Tag」歌呼籲考生不要回望過去：「我地學識啲教訓就記低佢，下次唔好再犯！不過人係要向前望，每一日都會變得更加好，即使有啲野我地唔可以控制，但每一次經歷都會令人成長，希望大家好似歌詞咁，即使被潑冷水都要捱落去、飲咗佢就得！」

Arvin IG圖片

Arvin IG圖片

而Zelos就自爆為「鐵路迷」，早前MV更走訪各大港鐵車站打卡：「今次喺地鐵嘅舞台到演出非常之期待，冇諗過因為宣傳新歌《心的車站》去勻晒所有港鐵站，吸引大會注意，會帶到我嚟呢個舞台。呢個藝術舞台大家都來去匆匆，希望我嘅歌聲可以吸引佢地放慢腳步聽我唱歌，因為剛剛出咗新唱片《ZILLOW TALK》，所以可以慢慢揀歌！」

《ZILLOW TALK》

作為鐵路迷，Zelos不時賣口乖大讚「客戶」：「我都算係鐵路迷，以前細個都成日搭港鐵，覺得好方便同埋好乾淨！我本身係有少少強逼症，好鍾意準時出門，所以地鐵係永遠唔會遲到嘅！今次要同DSE考生打氣，我都明白對考生嚟講係一件大事，叫佢地唔好緊張，即係等於叫佢初戀唔洗大投入咁解！不過睇翻轉頭，DSE其實係人生一小步，前面充滿無限可能，例如我入咗行做創作歌手咁，所以努力做好就夠，其他嘢都係順其自然！」佢仲自爆當年係學霸，DSE時不時出入自修室，幸好有不錯的成績。Zelos表示將為新派台歌做宣傳，但要維持古銅色肌膚，不時抽時間曬太陽「補色」。

Zelos IG圖片

「港鐵藝術舞台」夏日快閃音樂表演詳情如下：
日期：2025年06月27日（星期五）
地點：香港站中環行人隧道（已付車費區域近香港站C出入口）
時間：下午6時至6時30分
歌手：黃凱逸Zelos

日期：2025年07月04日（星期五）
地點：香港站中環行人隧道（已付車費區域近香港站C出入口）
時間：下午6時至6時30分
歌手：曾傲棐Arvin

去年曾傲棐（Arvin）跟女團Lolly Talk成員Sinnie合作年度Medley，影片上架後，即一度停留Youtube熱門音樂影片二十大。今年Arvin再下一城，他的「年度歌曲精選Medley」企劃，找來今年殺入「叱咤2025我最喜愛組合」五強之一的樂隊「晚安莉莉」一齊玩，將2025年的年度歌曲一次過大晒冷！

今年與「晚安莉莉」一齊玩

去年影片成績亮眼，今年更犀利！影片上架未夠24小時，已經極速衝上YouTube香港區熱門影片榜二十大，兩日內更升至第九位，不少網民都話要瘋狂重溫，又謂是每年最期待的影片之一。問到是否想將這個Medley變成年度指定動作，Arvin話：「希望有呢個能力啦！每年都有好多好歌，有啲係Greatest Hit，有啲係遺珠。做呢個Project除咗想大家回顧一年嘅作品，都想自己聽返啲聽漏咗嘅好歌。」

做呢個Project除咗想大家回顧一年嘅作品，都想自己聽返啲聽漏咗嘅好歌。

找來「晚安莉莉」合作，原來他們早於今年八月的「JFFTLIVE音樂擂台現場版」已經結緣，「演唱會搵咗佢哋，然後上年又搵咗Sinnie（晚安莉莉主音），佢哋（晚安莉莉）又作為今年新人單位，成件事就好自然咁樣走埋咗一齊。」佢就超級興奮：「唔理大家覺得夾唔夾硬，啲歌編排夾唔夾，或者出嚟效果好唔好聽，我哋就玩得好爽！好少有呢種一齊Produce件作品出嚟嘅感覺。」一年下來有不少歌曲推出，Arvin揀歌準則直接又霸氣，「每年都係一樣：我哋中意。」問到眾多歌曲中他最喜歡哪一首？他笑着說：「《第三人稱》，唔係唔推自己歌下話！」

玩得好爽

影片出街後，除了獲得不少網民大讚「好正」，同時亦有網民留言指Arvin跟Sinnie合作很有火花，畫面好Sweet，Arvin搞笑回應：「我係清白的。」唔知fans收唔收貨呢？除此之外，Arvin又透露正在籌備拍攝更多音樂向的影片，目的是自肥一番，「俾自己過多啲歌癮，但講到年度歌曲咁就梗係keep返一年做一次就夠晒數，哈哈。」

有網民留言指Arvin跟Sinnie合作很有火花