曾傲棐（Arvin）日前舉行粉絲見面會兼生日會，難得有機會跟fans聚首，Arvin當然有不少心底話想講，他的真情分享，絕對是這次生日會送給fans的「隱藏彩蛋」！
Arvin日前舉行粉絲見面會兼生日會。
Arvin第一時間多謝「行動力滿滿」的fans，「真係好多謝佢哋出錢出力，有啲咩出啲咩。」隨後他自爆其實自己「好難搞」，「平時放假要我行出門口都唔肯㗎！」所以見到fans以行動說話，報名、承諾會出席，最後真的現身，十分感動，「Even可能唔係嚟聽我唱歌，純粹聽我講幾句廢話，大家一齊慶祝我生日，我已經好感恩。」
曾傲棐
粉絲反應熱烈。
提到粉絲送的禮物，Arvin即指每份都好深刻。他特別喜歡收信，「信好有溫度，每一封手寫信我都好珍惜。」至於粉絲的手作仔，就直接令他「自愧不如」，「佢哋嘅心機、時間，完全喺份禮物入面體會到。我反問自己，有幾可會對一啲同我有血緣關係嘅人，咁有心機準備禮物？」他指雖然fans是緣份相遇的人，但這份心意令他超級感激，就算並非親手製作，只要係花過心思想「送咩俾Arvin好？」他已經十分開心。
曾傲棐
曾傲棐
回顧剛過去的一年，Arvin直言過得豐盛。而今年他目標明確，「要完成番2025年未完成嘅show，希望可以出到自己第一隻專輯，喺作曲上面再進一步，遇到一隻自己嘅小小代表作。」至於今年有甚麼想挑戰，Arvin答案出人意表！他說今年想挑戰「唔做嘢」，「我反而覺得個人越嚟越大，學識『唔做啲乜嘢』都係一個挑戰。」具體行動是於音樂上要「放售」一部份，「今年所有歌曲部份，我好純粹做返一個唱歌嘅人。唱咩歌、創作、路線、歌詞講咩，交俾大家（團隊）去諗。我嘅挑戰就係做一個好單純、唱好每一粒音同每一份歌詞嘅歌手，多啲時間享受唱歌嘅過程同音樂。」
曾傲棐
2026年農曆新年年宵市場於周三（2月11日）正式開鑼，英皇歌手曾傲棐（Arvin）即日挑戰一日只乘搭地鐵，行均全港九新界及離島14個年宵市場！
曾傲棐挑戰一日行均全港九新界及離島14個年宵市場！
觀看相關影片按連結：https://youtu.be/5IpIJmwHS_k
Arvin由早上8點開始，第一站到去到離島唯一一個年宵市場—達東涌達東路年宵市場，雖然官方寫年宵市場8點開門，但Arvin到達時仍未開門，他只好在外圍行一圈，之後就去第二站屯門年宵市場，雖然已經開門，但只有賣花的檔攤開了，他亦發現現時的年宵市場很像美食嘉年華，很多不同國家的美食攤位，沒有太多香港地道的食物。
影片截圖
影片截圖
影片截圖
接着，Arvin就轉到對他來說擁有最多回憶 的元朗年宵市場，因為他住在元朗區，對上一次去年宵就是去元朗的年宵市場，已經是六、七年的事，而當年他亦有份擺檔賣賀年物品。Arvin又透露元朗年宵市場雖然只有百多檔攤位，但已經是繼維園後，全港第二大的年宵市場。
影片截圖
其後，Arvin先後去到荃灣、葵涌 、長沙灣、維園、旺角花墟 ，期間在旺角花墟年宵市場拍攝期間，他因為忘記開咪，所以只能後期配音，但由於他已經忘記當時在說甚麼，所以只好亂配一通，非常搞笑！
影片截圖
影片截圖
影片截圖
影片截圖
影片截圖
去完花墟，Arvin在地鐵站休息了一會兒再買個包食後便再出發，但行了25分鐘都找不到慈雲山的年宵市場，最終發現原來慈雲山今年沒有年宵市場，「我想話本身尋日做research?時候，即係睇下邊度有年宵啦，尋日睇嘅時候好多都係寫15大年宵，係有呢個西貢嘅萬宜唔知乜嘢公園，跟住我本身擺咗落個list度，今朝search嘅時候發現原來係上年有搞，今年已經取消咗，因為人流太少，原來呢度都一樣啊呢個慈雲山，亦都係我尋日睇個list入面有，但就係原來上年先有囉，我俾人跣咗兩鑊，第一鑊我醒，但第二鑊我以為自己夠醒，但都係俾人跣。」
影片截圖
影片截圖
影片截圖
不過錯有錯着，Arvin發現原來漏了土瓜灣的年宵市場，於是馬上出發到土瓜灣遊樂場！一到達第9站土瓜灣年宵市場，Arvin就大讚這是「全港最佳年宵」，因為一入場就可以免費得到清潔龍阿德的揮春，又有財神爺及多個不同的打卡，更遇到真．清潔龍阿德可以合照，令他不禁大呼：「土瓜灣好地方！你哋未必feel到，但我真係好開心！」
影片截圖
影片截圖
影片截圖
影片截圖
影片截圖
影片截圖
接下來，Arvin成功在年宵市場閂門前去了將軍澳、觀塘、沙田、大埔、上水的年宵市場，他表示用了13個多小時去均環署轄下的14個年宵，總共行了4萬多步、徒步行了31.4公里，搭地鐵車費用了149.5元，雖然很累，但他又感到「熱鬧過後我卻有點失落」，最後更不忘為自己宣傳，「聽我新歌，未有就聽住舊嘅先！」不少粉絲對Arvin的行年宵及即晚出片的壯舉都表示：「大癲！」
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
