曾傲棐首次搵Wyman填詞 自嘲最大「落差位」：我係偶像派歌手

曾傲棐（Arvin）新歌《實物落差協會》上架，新歌由曾比特、廖志華、歐立基作曲，黃偉文填詞，Dick Wong編曲，周錫漢監製。今次亦係Arvin出道以來首次與Wyman合作。

Arvin推出新歌《實物落差協會》。

觀看相關影片按連結：https://youtu.be/tVvoRKC2r68

《實物落差協會》以Wyman一貫犀利筆觸，拆解這個「見光死」的年代，當人人都習慣精心打造網絡分身，真實見面反而成為最大冒險。歌詞探討我們愛上的，究竟是真實的對方，還是那個經過層層濾鏡包裝的幻象。

MV圖片

MV圖片

有趣的，歌曲的誕生過程本身已經充滿「民意基礎」。Arvin透露，新歌是找來一小組聽眾幫他在一大堆demo中篩選出來的其中一首，最後再由Wyman拍板。當確認選用這首曲的時候，Arvin最初沒有太大聯想，但當他錄完一次哼唱demo後，腦海中竟浮現一個「戇直男求愛不遂自嘲」的畫面，他笑言：「如果由自己填詞，可能都會寫返求愛不遂嘅故事。」

MV圖片

MV圖片

首次跟Wyman合作，Arvin指沒有特別猜想對方填詞方向，一向搞怪的他又以「高情商回答」及「低情商回答」拆解自己心態，「高情商版本係好奇Wyman會點睇我，佢會覺得我適合啲乜嘢嘅題材同埋歌詞，低情商回答：冇。」

MV圖片

MV圖片

不過，當歌詞真正到手後，Arvin即刻興奮跟朋友分享，大家都不約而同覺得，這份歌詞猶如真實生活中的Arvin Tsang會講出來的內容。至於講到自己「最實物落差」的地方，Arvin毫不猶豫自嘲：「其實我係偶像派歌手，哈哈。」認真識玩。

MV圖片

MV圖片

曾傲棐（Arvin）日前於旺角朗豪坊通天廣場進行LunchTime busking，為新歌《實物落差協會》宣傳，現場吸引過百粉絲逼爆廣場，場面熱鬧。原定去年11月底舉行的麥花臣首個個人演唱會，自從宣佈改期至今年8月15日後，最新的消息是很快就會重啟售票。

曾傲棐日前於旺角朗豪坊通天廣場進行LunchTime busking。

粉絲逼爆廣場！

除了busking哄動旺角，近日有位超級有心的fans，將Arvin早前於KKbox「一起聽 聽我講」中「講經」爆笑內容剪成三條片放上社交媒體，有心到暈。Arvin於節目中大講「歪理」，笑爆網友，「你可能以為我冇妝頭嗰時好核突，但係冇計，其實我每日瞓醒已經好靚，我驚嚇親大家，驚靚爆大家嘅鏡頭，所以暫時就唔好冇妝頭咁見大家住。」

曾傲棐

提到新歌《實物落差協會》Digital cover用了「上身靚仔、下身孖煙通」造型，有fans大膽要求「孖煙通清晰相」，Arvin即刻耍手，「冇呀，最清係咁㗎啦。播返隻歌先。」講到fans花心機整應援，Arvin自認是「I人」，「好喜歡好感恩好多謝大家花咁多心機、金錢、時間去幫我做唔同嘅應援，身為一個I人，對大家最大嘅回饋就已經係我喺元朗特登搭架車出去，望一望大家嘅Decoration、影張相，我已經耗盡我嘅能量，大家原諒我好冇？」提到名字經常被人讀錯，Arvin即嗌爆咪兼走晒音，「曾傲棐都唔識！曾傲棐都識？識讀都偷笑啦！」十分搞笑。

曾傲棐

另外，早前Arvin於英皇25+演唱會上聯同陳慧嫻、黃明德（Dark）、黎展峯（Andy）及洪助昇（Aiden）齊齊跳唱《跳舞街》， fans叫他分享跳舞趣事，還希望他八月麥花臣show再跳，Arvin笑說其實大家是想恥笑他，「唔跳唔跳唔跳。我根本就唔明你哋笑乜，明明我咁用心去扭腳擰髻，頭搖又尾擺，換來就係我一升上嚟你哋就開始笑。我要型呀！我要靚仔呀！我唔係要搞笑啊！」

曾傲棐

Arvin愈講愈激動，還戲劇性地說自己的跳舞夢已經被fans笑到粉碎，「算啦，我唔會再跳舞㗎啦，大家死咗條心佢啦，你哋自己親手扼殺咗一個充滿理想、熱血同滿腔熱誠嘅年輕人，但係冇啦，呢刻冇晒啦！佢決定做番個普通人，佢決定放棄一個自己保守咗二十幾年嘅秘密興趣，去做番一個企定定唱歌嘅人。唔緊要㗎！呢個世界上少咗個傑出嘅舞蹈家係唔緊要，但係你哋要記得你哋曾經親手咁樣扼殺咗一個人嘅夢想囉。我只能夠講舞蹈界欠我一個交代。」

曾傲棐