一名香港女子為了改善皮膚暗粒，聽從醫生建議服用「事前口服避孕藥」，結果在服用近一個月後，突然無法行走，整隻左腳變紫，緊急入院後確診「靜脈+肺栓塞」！
從天堂跌落地獄
點擊看圖輯
女事主在社交平台Threads分享這段「血的教訓」，表示當初因為「醫生建議我食嚟『改善皮膚暗粒』，諗都冇諗就開始食」，並坦言以為避孕藥是「神仙藥」，可以「皮膚好、M準」，甚至「防癌」。服用避孕藥後的第一個星期，她形容是「天堂mode」：「皮膚真係冇咁油！暗粒消失晒！開心到飛起～」
然而，到了第二個星期，她發現「左腳開始無故劇痛」，期間曾看過醫生，但「醫生都話ok，可以繼續食」。至第三個星期，她「每晚扎醒」，「感覺呼吸唔到！要捲住條腰先瞓到」，並感到不對勁：「呢刻我100%肯定：身體響警號！」但仍堅持繼續服用「神仙藥」，「頂埋呢個月就停！」。
瀕臨死亡邊緣 緊急入院
結果到第四個星期，仍未夠一個月，她已瀕臨死亡邊緣：「有一日突然，行唔到路！左腳痛到爆炸！掀起褲腳... 成隻左腳變咗紫色！！！」她緊急入院，最後確診左邊深層靜脈栓塞及肺栓塞。
深層靜脈栓塞是指靜脈有血塊形成，堵住血流。肺栓塞則是血塊隨血流進入肺部，卡在肺動脈中，可能造成呼吸困難。兩者均是可致命急症。
女事主警世：所有藥都有風險
女事主表示自己不是「任何高危人士，唔肥、冇食煙、40歲樓下」，但「差啲...要一世食薄血藥/做手術放支架通返條血管。」經過今次教訓，她提醒所有人，「千祈唔好亂食避孕藥！唔係人人啱！就算醫生開，必須定期檢查！留意身體警號！痛、呼吸困難、胸痛、腳腫/變色 → 即停！即睇醫生！冇『神仙藥』！所有藥都有風險！」
網民分享類似經歷
女事主的帖文引發熱烈迴響，意外引出原來尚有其他以避孕藥為「神仙藥」的受害者。有人留言表示：「......都係避孕藥，本身都有做開運動，上年入咗心臟ICU食咗半年薄血藥......醫生都話我差啲88（拜拜）。」、「一樣食完肺栓塞，宜家要一世食薄血藥。」、「一樣左腳巨腫，深靜脈栓塞肺栓塞，三年後確診埋APS（一種自體免疫疾病，導致血液在血管內過度凝固、形成血栓），一世華法林......」。
有網民長期服用無問題
不過，部分網民留言指有定期食避孕藥，未見異樣：「食咗5年，身體完全冇事。」、「我食咗5、6年，因為有多囊，但係冇任何副作用，只係嚟M嚟四日同埋少量。」
