關嘉敏(Carmen)現身新城廣播接受《開心大派對》節目訪問，節目一開始，即被兩位主持薛家燕及思敏好奇追問連串關於她參與TVB《女神配對計劃》戀愛綜藝真人騷的問題，非常搞笑。
關嘉敏接受新城《開心大派對》節目訪問．
家燕姐劈頭即八卦地直問Carmen當初參加時，會否諗「係咪嚟真？」、「真係鍾意咗咁會點？」而思敏也忍不住插咀追問「係TVB搵妳？」、「還是內部公開招募？」Carmen直言：「算是內部公開招募，當時正在拍攝一個樓宇短劇，監製導演知道我沒有男朋友，問有冇興趣參加？我話都好喎！其實我已有3年沒有拍拖。如果在節目中找到男朋友就當係Bonus，講真，邊有咁易搵到男友呀！拍個節目就鍾意上對方？當時，純粹覺得想玩下，認識不同的男性朋友。」
薛家燕向關嘉敏力銷姜卓文。
家燕姐直問依家揀到意中人未呢？Carmen隨即露出甜絲絲笑容，豪爽地直答：「其實我好主動地揀咗姜大衛個仔細John（姜卓文），哈哈！」家燕姐聽到姜卓文名字，即時開心到大叫並大讚：「佢係我世姪嚟㗎！我同佢嗲哋、媽咪好熟㗎，佢好乖仔，唔錯！」Carmen聽到後反應超興奮，更不顧儀態驚喜尖叫：「家燕姐世姪！我好鍾意佢㗎！細John未入圍時，已經睇中他，但當時他卻揀了Stephanie(李芷晴)，我好傷心呀！好唔開心！」
關嘉敏
在傷心又唔開心之際，非常好彩的事發生了，只要參賽者被多過1位女神揀中，就要進行反選，由該位參賽者親自揀選其中1位女神，她即時把握機會向細John直接表白，她自豪說：「反選時，他就揀了我，哈哈！」家燕姐馬上恭喜她，繼續大讚及力銷細John：「佢好有禮貌，事業有一番熱誠，父母又教得好，恭喜妳呀！」
關嘉敏
詳細節目內容，請留意6月28日，下午2-3時，新城知訊台《開心大派對》節目，網址：https://www.metroradio.com.hk/MetroInfo/
資深藝人賈思樂（Louis）日前到新城廣播接受李有毅（Ben）和兒子李國煒（Benson）主持的《Ben同Benson『Chur』到行》訪問，Louis談及因母親離世而陷入嚴重抑鬱症的經歷，並公開感謝好友扶持；Louis也回憶與巨星張國榮（哥哥）一見如故的友誼，更透露珍藏對方所贈的頸巾以作思念。
Louis透露在事業高峰時，母親的離世對他造成毀滅性打擊，使他陷入深度抑鬱。他描述當時狀況：「我連TVB工作都停咗……唔見朋友，唔出門口，唔剃鬚，屋企亂糟糟。」他憶述當時會無故落淚，自我封閉長達近一年，人生彷彿跌至谷底。
賈思樂接受新城廣播《Ben同Benson『Chur』到行》訪問。
幸而在傷心痛苦時刻，獲得一群知心好友如廖安麗等，主動上門探訪，堅持關心，「佢哋睇到我個樣，就知道唔對路。」Louis強調，朋友們並未給予長篇大論的勸導，而是成為一個很好的聆聽者；正是這份無言的陪伴與接納，讓他逐步感受到被關心，成為康復之路的起點。他藉着自身經歷向公眾呼籲，面對情緒困擾，最重要是「肯講」，並找信任的人分享：「聆聽已經係一劑好好嘅良藥」。
在圈中的日子，Louis特別懷念哥哥張國榮，並透露了兩人的相識過程。他稱兩人早年一同為某電台拍攝節目時初遇，一坐下便聊個不停。「導演睇住我哋問『你識咗佢好耐』，我哋話啱啱識，導演就話『你兩個咁多嘢講㗎』。」賈思樂表示當時大家都貪靚、愛玩，興趣相投，因此很快成為好友，不時相約消遣。
賈思樂
雖然哥哥已離開大家多年，但Louis仍珍藏哥哥送贈的禮物。他透露某年在《東華》籌款活動的後台，他看到哥哥戴著一條漂亮的頸巾，便出言讚美。「佢話『係咩』，跟住就除低條頸巾，拎過嚟摟喺我身上試吓，然後話『你都好靚喎，係嘛？送俾你啦』。」Louis當時感到不好意思，但哥哥真誠地表示：「唔使擔心，當係紀念。」這份突如其來且充滿暖意的禮物，Louis珍藏至今。
另外，Louis宣布將於2026年2月15日舉行《賈思樂 Happy Together Again 2026 in concert》演唱會，是次演唱會不僅以「愛」為主題，更將愛心化為實際行動。Louis看到大埔火災造成重大傷亡及許多家庭頓失依靠，深感痛心。他與團隊決定將此次演唱會的所有票房收益，在扣除必要成本後，全數捐贈給相關慈善機構，用於支援大埔火災的死難者家屬及受災居民，協助他們渡過難關、重建生活。
