由香港邵氏兄弟國際影業有限公司及杭州優酷文化娛樂有限公司聯合出品，邵氏兄第製作，樂易玲擔任總監製、黃國強監製、呂冠南、譚廣源擔任編審的《Return關節筋肌配方呈獻：執法者們》，逢周一至五晚八點半翡翠台播映。
何依婷
何依婷
昨晚另一焦點劇情，是城中突然爆出非法器官買賣案，周俊傑（黃宗澤飾）率領手下著手調查；另邊廂，劉宇凡（陳豪飾）女兒劉慧玲（何依婷飾）碰巧在該時間段離奇失蹤，劉宇凡遂向高浩然（馬國明飾）求助誓要找回愛女，二人一起翻閱劉慧玲帳號時，憑藉慧玲腰上有否胎記揭發了背後驚人真相…
李漫芬
李漫芬
邊拍劇邊做物理治療
據知這段手機跳舞片只是前奏，何依婷之後還有一場與劇中好友陳星妤一起在海邊大跳K-pop的場口，絕對值得期待！據知，劇中飾演喜愛Hip Hop追夢少女的依婷，接受劇組訪問時坦言為了角色、專誠於拍劇前密集式上堂學跳K-pop：「拍之前我哋都真係有去排舞，到咗拍之前嗰幾個禮拜，更加係密集式咁排，希望出嚟嘅效果可以畀觀眾覺得，呢位少女真係好鍾意跳舞。其實今次學跳K-pop都開心嘅，因為可以多個機會學新嘢。」談到開劇前滑雪受傷有否影響跳舞表現及拍攝，依婷透露期間有Keep住物理治療；對於新劇造型，依婷直指相當滿意，皆因夠少女，望落減齡指數足足有十年，依婷說：「因為我個頭髮有啲粉紅色嘅highlight，道具、服飾又比較少女啲，都幾靚吖。」
李漫芬
李漫芬
昨晚還有一個搶眼場口，就是飾演爛賭惡霸女囚犯的李漫芬，因為宣萱教陳若思讀書時「書書（諧音：輸）」聲唔吉利，對宣萱破口大罵之餘，更奮力將宣萱的頭「嘭一聲」質落枱上，相當驚嚇！事後問到這樣「對待」 宣萱心理陰影面積，李漫芬接受官方訪問時笑言：「我好耐好耐之前聽過張達明講棟篤笑，佢話拍成龍大哥啲打戲，你估成龍大哥畀人打驚咩？其實打成龍大哥嗰個仲驚呀！嗰刻我就真係體會到。其實拍完之後我都即刻攬住宣萱，係咁Say Sorry，佢哋攬番我話冇事冇事。」
李漫芬續指以前為娛樂新聞台擔任主持時，曾多次訪問宣萱，故與對方合作拍劇沒有太大隔膜，並大讚宣萱其實十分十分好人：「我哋拍呢套劇嗰陣都有互相問候，佢有話：『好耐冇見！你結咗婚仲生埋小朋友？咁你真係好喇！恭喜你呀！』到真係拍嗰陣，佢都話：『你盡情就得㗎啦，唔使擔心』，我都話我寧願一take過，費事NG大家都辛苦，咁佢又話：『係呀係呀！盡情得㗎喇！』所以我拍嗰陣都冇乜壓力，好順利咁完成咗。」
宣萱（Jessica）再度現身香港迪士尼樂園，時隔多年後不單止成為「神盾局科技館總工程師」，更以香港基建大型宣傳企劃「基建世一」《基建遊一萱》主持身份，在新一集《基建鬥一萱》與嘉賓主持「解密小王子」張繼聰（阿聰）勇闖奇妙夢想城堡，解構奇妙夢想城堡三個月誕生之謎（「組裝合成MiC」）！今集二人更接連挑戰不同任務，一邊過關斬將，一邊深入淺出介紹多項本港達世界級水平的建築技術，包括遙控天秤系統、焊接機械人及VR虛擬實境焊接模擬訓練，娛樂與資訊兼備，睇得刺激又長知識。
新一集《基建鬥一萱》，宣萱與嘉賓主持「解密小王子」張繼聰勇闖奇妙夢想城堡，解構奇妙夢想城堡三個月誕生之謎。
觀看相關影片按連結：https://youtu.be/0IaTyFIwolg
三個月安裝好城堡唔係靠魔法而係靠MiC？
於《基建遊一萱》短片系列首兩集表現出穩重又佻皮的Jessica以及「解密小王子」阿聰聯手炮製爆笑攻防，並揭開樂園城堡極速建成之謎—答案正是香港基建所運用的「世一」技術 MiC（Modular Integrated Construction，組裝合成建築法）！不少人或會以為MiC技術只能應付一式一樣的建築，但事實上，MiC的最強之處在於在較短施工時間內打破外型設計、內部空間、間隔改動的局限。
Jessica：「奇妙夢想城堡嘅浮雕同埋複雜內部結構，都係用MiC技術組裝而成。城堡當年係喺工廠預製好15件組件，地基與組件同步預備後，就即刻開始全力興建，前後只用咗三個月就喺樂園完成組裝。不但夠快，夠環保、夠安全，對樂園遊客嘅影響減到最低，原來MiC先至係建造界嘅真『魔法』。」
宣萱
阿聰：「我全家都成日嚟呢度玩，囡囡搞百日宴都係喺度。我好鍾意新城堡，尤其係佢夜晚嘅燈光投射煙花Show。今日先知原來成個城堡只係用咗三個月就組裝好，MiC真係好Amazing！頭先Jessica話依家已經有超過150個政府同私人發展項目都係用MiC技術，真係大勢所趨！」
張繼聰
阿聰開「打機Mode」遙控十層樓高天秤完成吊運任務
離開香港迪士尼樂園之後，兩人轉戰遙控天秤鬥一番。阿聰：「頭先Jessica叫我試揸天秤，我心諗好高喎，閒閒哋都五、六十米，真係諗緊點推咗佢唔上去，但原來依家可以遙控！對於打開機嘅我嚟講當然無問題。講真操作傳統天秤最花時間就係每次上落郁啲都起碼要十幾分鐘，上上落落辛苦之餘，落雨仲會全身濕晒。依家可以遙距操控，師傅去廁所、食飯同起身鬆鬆就方便好多。我都係職安真漢子，改善到工友工作環境就係Good !」
「遙控天秤系統」令工作環境變得更安全舒適。
Jessica大讚阿聰身手靈活，輕鬆完成用吊臂吊運物件到指定地點的挑戰：「阿聰打開機真係唔同啲，我望住遙控天秤時嗰幾個Mon真係搞唔掂，唯有佢出手、我出口，合作完成任務。不過都要歸功於『遙控天秤系統』，配備咗多角度、高清鏡頭功能，視線更加清晰，操控時就更有信心，減少傳統天秤駕駛艙嘅盲點，我知道依家政府工程都已經開始要求採用『遙控天秤系統』喇。」
「遙控天秤系統」控制室可設於地面，操作員透過多角度高清影像所提供的即時畫面，遙距操控天秤進行吊運工序。
實試VR虛擬實境焊接模擬訓練 見證「焊接派變形金剛」完成建造業危險任務
阿聰繼續接受挑戰，再試玩「虛擬實境焊接模擬器」，於VR環境當中挑戰不同難度焊接技巧，根據姿勢以及焊槍與焊接離等真實情況評分。阿聰：「好似卡啦OK唱歌咁，可以鬥高分。」Jessica：「不過你唱歌應該高分啲，依家得30分，好似有啲差喎！」Jessica隨後向機械迷阿聰介紹焊接機械人，笑言是「焊接派變型金剛」，能夠根據不同任務目標換上不同配置機械臂。
阿聰試玩「虛擬實境焊接模擬器」，於VR環境當中挑戰不同難度焊接技巧。
機械人同工人應該怎樣分工？Jessica：「有啲情況真係要靠機械人出馬，好似密封或者唔透氣嘅地方，因為焊接有時會令空間入面嘅氧氣跌到得返正常情況下嘅20%，唔適合人工作。另外一啲非常窄的空間，都要靠佢哋入去。」阿聰恍然大悟，更希望自己可以入手這部「焊接派變型金剛」作為家中機械人收藏之一。
現時建造業已開始應用焊接機械人，於空氣流通較差或空間受限的環境中進行焊接工序，減少工友在高溫或較複雜環境下工作的需要。
