有老友睇完我上篇文章《蓮花黃金甲》後就問我，香港咁好，點解走去澳門開車行呀？呢個世界真係人睇你好，你睇人好。現實係，本地賣車行業，特別係近呢一兩年，認真唔好。
我的主業唔係寫稿，係做生意人，係機會主義者，見睇到邊度可以「發圍」、有錢賺，就去邊度。我覺得香港個市好靜，相反澳門市場好旺，就去澳門搏殺啦。
老友又追問，香港賣車生意真係咁差咩？他有所不知，汽車在歐美，係必需品，在香港，則屬於奢侈品。買車等如對未來幾年的承諾，在香港買車的人，係覺得未來幾年的前景會好，才有信心買車。覺得前景麻麻，未來收入唔穩定，不會買車。打從舊年開始，買車的人窒晒步，顯示港人對香港經濟前景漸漸失去信心。
大家從我山長水遠跑去澳門開車行，睇好澳門，睇淡香港，已經可以得出幾個啟示。
澳門蚊咁大隻，人口50萬都唔夠，除了賭同旅遊之外，其他乜都無。點解澳門會跑贏香港呢？據我的粗淺觀察。第一、香港政客乜都拗，好多發展都給被拖慢了。好似西九龍填海區、啟德舊機場，十多年來，都係爛地一塊。澳門話搞就搞，樣樣都發展得好快。
第二、香港社會，尤其係新聞，有事無事都鬧得好勁。有人講到香港的新聞自由好差，甚至話而家新聞自由係回歸之後，受到最大的威脅。但我見到的現狀係，報紙鬧得比回歸前多好多，比以前兇猛好多，回歸前唔敢鬧港英政府的人，而家膽壯晒撲晒出來，點解反而話現時的新聞自由比以前少呢？唔明。
第三、澳門人覺得回歸後的狀況，比以前好得多。而唔少港人則講到現在的制度，比起殖民地的時候更差。不時擰住支龍獅旗，搖旗吶喊，甚至有些儍瓜離譜到，高喊英國應該收番香港管治權。香港回歸之後，制度真係差過殖民地時代咁多咩？
我覺得，只要睇真啲，其實唔係咁。只係港人唱得太多，情況就愈壞。我做銷售咁多年，非常清楚，凡事讚三讚，唔好都變好，鬧幾鬧，好都變唔好。香港人依家猛鬧自己，愈鬧愈多，愈鬧愈勁，鬧得多自己就信，香港仲唔衰到貼地？大家覺得前景好差，要賣屋、要移民，車就梗係唔買啦，最好係乜都唔好做。再咁落去，香港終有一日被唱死。
黃毅力
黃毅力
** 博客文章文責自負,不代表本公司立場 **
今個星期四我將會前往澳門舉辦新車推介會，目的是為了在澳門富利堡蓮花汽車陳列室開張之前的一日，來個熱身，特別是讓傳媒及市場先作個初步的認識與了解。
澳門現時的市場發展一日千里，前來澳門旅遊的中外遊客破盡歷年紀錄，其賭業的興盛在整個中國的全年生產總值中就已掠奪了4％之多，數目驚人！今時今日，基本上最有錢、最有條件買車的客人，都會集中前往澳門賭博、旅遊及消閒，既是如此，我又怎能不在此旺地開間陳列室呢！
我選址前作了認真的分析及考慮，想想如何令各地旅客容易來到我的陳列室參觀，於是，便選擇了香港人都愛前往大快朵頤的區域 － 位於西灣一間叫「美心亨利」的店鋪旁邊。此位置背山面海，景色怡人，除了開餐品嚐美食之外，遊客也能在這裡拍拍照，並可順道參觀一下我們富利堡的汽車陳列室。
而我們這次推廣，是運用了中國的五行 － 金、木、水、火、土來作主題。以「金」先行作頭炮，最後以「土」結尾。
國內消費者是我們的目標客戶，雖然深知他們獨愛土豪黃金色，但我卻覺得太膩，於是改而選擇使用更具有觀賞價值的玫瑰金色。是次包裝，塗於一輛高級跑車的車身，頓成了如夢幻一般，放置於新濠天地主入口，配以世界最大的LED屏幕上展示，既華麗及別具型格。
各位讀者如有時間又有興趣的話，歡迎前來參觀，並感受一下我們在澳門這點創意推廣的頭炮。
