7月1日除了是香港回歸紀念日，亦代表2025年已經過去一半，內地社交平台瘋傳「劉德華解凍一半」熱話，成為網絡新迷因。
所謂「解凍」，其實是指劉德華賀歲經典《恭喜發財》每年新年前後在全國商場、超市瘋狂播放，被網民戲稱「華仔每年一到農曆年就要解凍返工」，春節過後又「自動冷藏」，直至來年再度「解凍」。今年7月1日正好是全年中點，網民紛紛搞笑：「劉德華已經解凍咗一半，距離再度返工只剩半年！」
劉德華「解凍一半」成網絡新迷因
呢個玩梗不單止是搞笑，更反映集體記憶同過年情懷。唔少網民留言：「一轉眼2025年又過咗一半，仲有半年就又要聽《恭喜發財》啦！」、「每次BGM一響起就諗起新年行超市、買年貨嗰陣開心氣氛。」甚至有網友笑指：「華仔喺超市已經上咗19年班，真係打工皇帝！」而《恭喜發財》更成為海外華人社區春節指定曲目，巴黎街頭都有古箏版響起，證明其國際級影響力。
劉德華賀歲經典《恭喜發財》每年新年前後瘋狂播放。
「解凍」進度條更被網民玩到出神入化：11月20%、12月95%、1月100%、7月就啱啱好50%。有品牌即時借勢推「劉德華解凍值100%」活動，連動畫內地動畫電影《熊出沒》都聯乘宣傳，玩味十足。
劉德華在電影《流浪地球2》飾演的科學家圖恒宇，用精密的高科技，來延續女兒的數字生命。
網民仲將劉德華在《流浪地球》系列中「數字生命」角色同《恭喜發財》結合，笑言：「華仔靠首歌實現文化永生！」。大家用「解凍」來標記時間，既係自嘲時光飛逝、上半年一事無成，亦係對新一年年味的期待。
觀看影片按以下連結：
