娛圈事
英皇新晉歌手黃峻熙（Heize）日前接受T.Max和JY主持的《Z世代咪高峰會》訪問，Heize的出道作《拖多幾百天》更成為6月21日第25周「新城勁爆流行榜—本地榜」第三位，認真厲害。
英皇新人黃峻熙（Heize）接受新城廣播《Z世代咪高峰會》訪問。
Heize出道作《拖多幾百天》 登「新城勁爆流行榜—本地榜」第三位。
新歌講述他的親身經驗。
Heize在節目中介紹新歌《拖多幾百天》，他表示「拖」有多個不同意思，但主要表達戀人未滿時，究竟選擇拖拉還是表白，Heize說：「呢個係我親身經歷，只係歌詞同MV未必一模一樣，當時都拖咗300幾日。（點解決定唔拖？）係對方唔拖，最後都有走埋一齊，開花結果，但朵花謝咗。」
點擊看圖輯
歌手林奕匡（Phil）及葉巧琳日前現身新城廣播，Phil接受梁兆輝（Brian）主持的《One Music Corner壹角樂》錄音訪問，暢談音樂創作歷程，以及爵士樂對其音樂風格的深遠影響。
林奕匡、葉巧琳接受新城廣播訪問。
Phil在訪問中玩快問快答，他透露人生第一張擁有的唱片是張學友的《不老的傳說》，如果一世人只可以聽一個歌手的聲音，他毫不猶豫選擇張學友，Phil表示：「學友哥嘅歌陪伴我成長，因為佢我90年代開始聽中文歌，佢好影響到我，由94年開始聽佢唱《只有你不知道》，到97擁有佢第一張唱片，冇佢又點會有我呢？」Phil更稱若流落荒島只會帶自己的專輯《有人共鳴》；被問及最想合作的已故音樂人，他選了爵士薩克斯風大師Michael Brecker。
林奕匡接受梁兆輝訪問。
Phil受張學友啟發聽中文歌。
去年剛為人父的Phil，被問到生小孩和「生」一首歌最大的分別？Phil以父親身分比喻創作：「『生』一隻歌呢，首歌喺錄音室唱完最後一take後交畀製作人，隻歌已經唔會變，已經係最原始，但一個小朋友生出嚟只係一個開始，你要keep住佢成長之餘，又要栽培佢到往後嘅日子。」他笑言最「後悔」的作品是與林家謙合作的《停止繁殖》，如今重唱會用更成熟的聲線演繹。
葉巧琳接受昆頓訪問。
Mischa夢見去世愛貓預言「妳會有個女」。
另外，Phil師妹葉巧琳（Mischa）則接受昆頓主持的《說故事的人》訪問，分享親自填詞的新歌《小傷疤》背後感人故事。這首由Phil作曲的作品，記錄了她一年內接連失去兩隻愛貓Bandit和Lara的心路歷程；Mischa透露錄音時正值第二隻愛貓猝逝，她強忍悲痛完成錄音：「唱到最後蹲喺地發洩，但宣洩後反而輕鬆咗。」她又透露曾夢見Lara，愛貓告知她「妳會有個女」：「我嚟唔切問佢『你係咪會返嚟做我個女』，個夢就唔記得咗。」
