「仙氣女神」雲浩影（Cloud）將於8月2和3日，假旺角麥花臣舉行首個個人演唱會「Finding Cloud 雲浩影演唱會2025」，昨日（7月10即）加場門票開售宣布售罄，反應熱烈。好消息一浪接一浪，日前她在IG直播期間爆料成立官方歌迷會，令一眾「迷雲黨」（cloud的歌迷暱稱）非常興奮。大家議論紛紛之際，留言板出現了大師兄鄭伊健留言打氣，Cloud驚喜到O嘴，好搞笑！
「Finding Cloud 雲浩影演唱會2025」加場門票售罄。
Cloud直播時逐一回答留言，突然看著屏幕碌大雙眼，說：「呀，等陣先！」原來她看見留言板上出現「ekin_cheng_offical」留言「加油」，這是大師兄鄭伊健的IG賬號，甚少現身社交平台的伊健突然上水，更留言打氣，實在難得。Cloud受寵若驚擘大個口，並說：「吓？Cap低先！伊健哥哥講加油呀，大家睇唔睇到呀？咁我要唱返首『數碼暴龍』（主題曲《自動勝利Let’s Fight》）先得喎！」有人留言問她會否邀請伊健做演唱會嘉賓？Cloud說：「我都好想請到佢，咁我就可以喺台上面同佢一齊踩Roller！」
點擊看圖輯
「Finding Cloud 雲浩影演唱會2025」加場門票售罄。
Cloud與黃淑蔓是伊健「HERE and NOW演唱會」的固定表演嘉賓。
Cloud與黃淑蔓是伊健「HERE and NOW演唱會」的固定表演嘉賓。
大師兄鄭伊健罕有上水留言打氣。
伊健寵師妹已不是第一次，2022年剛加入寰亞音樂的Cloud，與「寰亞孻女」黃淑蔓在一次唱歌表演中遇上伊健，她們竟大膽自薦任對方演唱會嘉賓。伊健爽快一句「好啊」，安排她們成為其紅館「HERE and NOW演唱會」固定表演嘉賓，帶她們首次踏上紅館，分享舞台、分享愛。
Cloud與黃淑蔓是伊健「HERE and NOW演唱會」的固定表演嘉賓。
Cloud與黃淑蔓是伊健「HERE and NOW演唱會」的固定表演嘉賓。
其實Cloud當晚開IG直播，因為有重要事要搶先告知「迷雲黨」，就是她要成立官方歌迷會！出道以來，Cloud一直都好感謝「迷雲黨」自發組織不少應援活動，隨著人數日漸增加，希望成立官方歌迷會，令組織更強大和更有規模。據悉，寵粉Cloud為迷雲黨爭取福利，購買今次「Finding Cloud 雲浩影演唱會2025」門票，並於開騷日登記入會，可免本年度入會費，作為慶祝開騷和開歌迷會雙喜臨門。至於官方歌迷會命名重任，Cloud建議與迷雲黨一同參與，因為這是屬於大家的「家」。
Cloud爆料成立官方歌迷會。
有關雲浩影官方歌迷會的登記事宜，請留意演唱會當日之登記表格內的條款及細則。如有任何爭議，雲浩影官方歌迷會將保留最終決定權。
「唱作王子」馮允謙（Jay）日前在「Groove Gala MA Family School Tour」第六場，尾站香港浸會大學（HKBU）台上，以其專屬「Jay星文」與同學仔玩解密遊戲，拉開印上「Yut yuet woo-ngoi show geen」字樣的橫額，台下同學仔秒懂，踴躍舉手搶答「一月戶外show見」，原來Jay宣布開騷好消息，全場歡呼。
Jay以「Jay星文」與同學仔玩解密遊戲。
同學仔反應熱烈！
踴躍舉手搶答「一月戶外show見」。
Jay說：「明年一月將要舉行我個人嘅第一個戶外演唱會，非常興奮，我好鍾意做show，今次好唔同，抱住一個好warm嘅心情想同大家under the stars分享音樂。以前喺加拿大或者外國睇好多戶外show，我好享受、好鍾意呢種感覺。」身旁雲浩影（Cloud）建議他：「到時可能好凍，戶外唱歌會吸入冷空氣，所以你而家要開始習慣喺戶外練歌。」盧慧敏（Amy）問：「對住雪櫃練有冇效？」Cloud補充：「或者對住冷氣機、風扇唱歌⋯⋯都係唔好，咁樣你會咳！」其實Jay已有計劃：「平時我會外出跑步，12月天氣凍，訓練多啲一路跑步一路唱歌，吸吓啲冷空氣，當做練習。」Feanna好奇問他在哪跑步？Jay邀請她一齊練習，她笑說：「我想嚟聽歌！」
Jay將於明年一月舉行個人首個戶外演唱會。
Jay與同學仔大合照。
問到同學仔熱情點唱，Jay會否都考慮放入演唱會歌單？他笑說：「我好想唱晒所有歌，由出道開始，但係咁樣要唱五個小時。（Cloud：我唔介意！）你哋唔介意，但係我喉嚨介意！」Amy立即被Jay的幽默點中笑穴，笑到蹲在地上。雖然Jay忙於籌備個唱，但他12月答應到場支持Cloud主演的舞台劇《Y2K前的綁架》，她說：「今次會有14場，Jay，如果你練歌練到悶，嚟睇我舞台劇啦！」Jay肯定地說：「我練歌唔會悶架！我會嚟睇（舞台劇）！」
馮允謙Jay
馮允謙Jay
今年MA Family School Tour走訪了理工大學、中文大學、香港大學、科技大學、城市大學和浸會大學等演出，同學仔反應熱烈。眾歌手都帶了自己的新歌表演，樂壇新人Amy更是第一次登台，她演唱《Red Flag》和《綠縈》。
盧慧敏Amy
Amy說：「我今年第一次參加School Tour，之前無任何概念。感受到公司成班歌手，好似一個family喺台上唱歌俾同學仔聽，係一件幸福同埋開心嘅事，我相信如果冇公司其他歌手陪住，我會更緊張。其實我以為自己會幾淡定，第一場當日一落機就嚟唱歌，一開口就『嘩』 原來好震撼、好驚、好緊張。然後第二日好過第一日，第三日又好過第二日，慢慢進步，希望越嚟越好。」黃淑蔓（Feanna）讚她每一場表演都加入少變化和舞步。Amy說：「第一次同觀眾有互動，係我今次最難忘嘅感覺，過往喺片場只有演員和crew，無現場觀眾。」
盧慧敏Amy
除了表演唱歌，歌手們更與同學仔玩遊戲送禮物，期間Feanna新歌《梗頸四》被誤說成「硬頸四」，引爆笑彈。她說：「我好理解，因為當初我收到鍾說份歌詞時都誤會『硬』頸四，心諗係咪『十兄弟』角色？各位00後嘅同學要注意啦！」
黃淑蔓Feanna
Feanna在台上表示曾經感到迷失，但最近已重拾唱歌的熱誠，並宣布將於12月推出第二張專輯。她說：「最近收到同學仔睇完School Tour我唱《梗頸四》之後，DM（私訊）我話被呢首歌感動，同埋得到鼓勵，而且佢哋好開心聽到我話重拾唱歌嘅熱誠，我被呢個message感動到流淚，多謝各位同學好認真咁聽我唱歌。」
黃淑蔓Feanna
黃淑蔓Feanna
