雲浩影首個個唱突天荒黑絲熱舞 被燈海感動落淚：我好愛你哋呀！

雲浩影（Cloud）一連兩場「Finding Cloud雲浩影演唱會2025」，昨晚（8月3號）在旺角麥花臣場館完美落幕，兩晚演出都全場爆滿，觀眾反應熱烈。Cloud所屬寰亞集團老闆林建岳博士、她的家人、音樂人男友T-Ma，還有好友馮允謙、黃淑蔓、張天穎、吳林峰、小師弟江博熙和楊煜謙等到場支持。Cloud自彈自唱仙氣爆燈，還突破形象以短裙黑絲騷長腿跳舞，全場哄動。而兩晚演出，Cloud都被觀眾的熱情感動到喊，高呼：「我好愛你哋呀！」

Cloud一連兩場「Finding Cloud雲浩影演唱會2025」完美落幕。

老闆林建岳博士

音樂人男友T-Ma（右）

好友馮允謙、黃淑蔓、張天穎

小師弟江博熙和楊煜謙等到場支持。

演唱會由「小小Cloud」給長大後自己的一封信開始，雖然她不知道未來如何，但堅信世界是善良和美麗。然後一身淡綠色長裙的Cloud仙氣登場，以鋼琴自彈自唱《Moon River》為演唱會揭開序幕，全場歡呼。接著演唱出道第一首派台歌《願望之翼》，大屏幕為舞台上的Cloud添上一雙閃閃發光的翅膀，別具意義。她說：「我好多謝音樂令我認識大家，而我由細到大唔多朋友，可能性格比較『摺』（內向），未試過搞生日會，但今日第一次有呢個party同大家一齊去玩，好開心！」

Cloud以一身淡綠色長裙仙氣登場。

Cloud以一身淡綠色長裙仙氣登場。

Cloud以一身淡綠色長裙仙氣登場。

之後Cloud一口氣演唱《無以名狀的痛》、《慢性分手》、《引我笑》和《密切接觸者》等，「疼痛」系列作品。自彈自唱《Singalongsong》後畫風一轉，演唱《Dizzy》、《到了那裏就對吧》和《自發性神經反應》等快歌，觀眾亦站起來跳舞揮手，非常熱情。

一口氣演唱多首作品。

一口氣演唱多首作品。

接著Cloud換上吊帶短裙配黑絲，大騷修長美腿，演唱《I Love You 3000》，並與男舞蹈員跳辣身舞，全場哄動。她對觀眾笑說：「係咪好正呢？係咪比噚晚更加正呢？因為今晚爹哋無嚟睇！」好搞笑。

之後Cloud換上吊帶短裙配黑絲。

與男舞蹈員跳辣身舞。

與男舞蹈員跳辣身舞。

與男舞蹈員跳辣身舞。

與男舞蹈員跳辣身舞。

Cloud笑問觀眾：「係咪好正呢？」

而第一晚演唱會，當Cloud唱《你在我不遠處》時，她看見全場觀眾手機星海感動得掩面哭泣，抹去眼淚繼續唱，高呼：「我好愛你哋呀！」昨晚第二場，唱到這首歌時，她對觀眾笑說：「今晚我唔會喊架啦，你哋咪試吓囉！」結果唱到最後一首歌《別畏高》時失守，全場觀眾站起來高舉打氣手幅，忍不住熱淚盈眶，「我唔捨得你哋，可唔可以下次再見呀？」最後鞠躬和飛吻謝幕。

全場觀眾舉起手機星海。

唱到最後一首歌《別畏高》時失守，全場觀眾更站起來高舉打氣手幅。

Cloud忍不住熱淚盈眶。

總結兩場演唱會，Cloud說：「兩晚帶畀我嘅感覺好唔同，包括我個人狀態和觀眾反應，第一晚好似同大家開party，尤其是當我自彈自唱《Singalongsong》時，大家反應好熱烈。而我好用力唱慢歌時，觀眾亦好投入。」點解以三封給自己的信，連繫整個演唱會？Cloud說：「我冇寫日記習慣，但想喺第一個演唱會，用文字寫啲嘢畀自己。我會諗，到底以前嘅自己，諗到我依家開騷會唔會好自豪、好驕傲呢？所以就代替以前嘅自己，寫信畀依家嘅自己。」

雲浩影Cloud

兩場演唱會完場後，Cloud都與每晚的VIP票觀眾1對1合照，各式比心心和有趣甫士，她都有求必應。Cloud說：「我知道自己台上表現仲有好多進步空間。好開心完成咗兩場演唱會，亦好開心見到台下觀眾，每一張開心臉孔。合照時每一位同我講鼓勵嘅說話，甚至有人話第一次睇嘅演唱會就畀咗我啦。呢啲對於我都係好珍貴嘅moment （時刻）。」

雲浩影Cloud

雲浩影Cloud

Cloud又表示：「電影《香港四徑大步走》裏面有分『完成者』（Finisher）和『生還者』（Survivor），我覺得我依家係Survivor，向『完成者』努力，希望將來更多機會和實戰經驗，到時會有『雲浩影3.0』送畀大家。」

雲浩影Cloud

雲浩影Cloud

「唱作王子」馮允謙（Jay）日前在「Groove Gala MA Family School Tour」第六場，尾站香港浸會大學（HKBU）台上，以其專屬「Jay星文」與同學仔玩解密遊戲，拉開印上「Yut yuet woo-ngoi show geen」字樣的橫額，台下同學仔秒懂，踴躍舉手搶答「一月戶外show見」，原來Jay宣布開騷好消息，全場歡呼。

Jay以「Jay星文」與同學仔玩解密遊戲。

同學仔反應熱烈！

踴躍舉手搶答「一月戶外show見」。

Jay說：「明年一月將要舉行我個人嘅第一個戶外演唱會，非常興奮，我好鍾意做show，今次好唔同，抱住一個好warm嘅心情想同大家under the stars分享音樂。以前喺加拿大或者外國睇好多戶外show，我好享受、好鍾意呢種感覺。」身旁雲浩影（Cloud）建議他：「到時可能好凍，戶外唱歌會吸入冷空氣，所以你而家要開始習慣喺戶外練歌。」盧慧敏（Amy）問：「對住雪櫃練有冇效？」Cloud補充：「或者對住冷氣機、風扇唱歌⋯⋯都係唔好，咁樣你會咳！」其實Jay已有計劃：「平時我會外出跑步，12月天氣凍，訓練多啲一路跑步一路唱歌，吸吓啲冷空氣，當做練習。」Feanna好奇問他在哪跑步？Jay邀請她一齊練習，她笑說：「我想嚟聽歌！」

Jay將於明年一月舉行個人首個戶外演唱會。

Jay與同學仔大合照。

問到同學仔熱情點唱，Jay會否都考慮放入演唱會歌單？他笑說：「我好想唱晒所有歌，由出道開始，但係咁樣要唱五個小時。（Cloud：我唔介意！）你哋唔介意，但係我喉嚨介意！」Amy立即被Jay的幽默點中笑穴，笑到蹲在地上。雖然Jay忙於籌備個唱，但他12月答應到場支持Cloud主演的舞台劇《Y2K前的綁架》，她說：「今次會有14場，Jay，如果你練歌練到悶，嚟睇我舞台劇啦！」Jay肯定地說：「我練歌唔會悶架！我會嚟睇（舞台劇）！」

馮允謙Jay

馮允謙Jay

今年MA Family School Tour走訪了理工大學、中文大學、香港大學、科技大學、城市大學和浸會大學等演出，同學仔反應熱烈。眾歌手都帶了自己的新歌表演，樂壇新人Amy更是第一次登台，她演唱《Red Flag》和《綠縈》。

盧慧敏Amy

Amy說：「我今年第一次參加School Tour，之前無任何概念。感受到公司成班歌手，好似一個family喺台上唱歌俾同學仔聽，係一件幸福同埋開心嘅事，我相信如果冇公司其他歌手陪住，我會更緊張。其實我以為自己會幾淡定，第一場當日一落機就嚟唱歌，一開口就『嘩』 原來好震撼、好驚、好緊張。然後第二日好過第一日，第三日又好過第二日，慢慢進步，希望越嚟越好。」黃淑蔓（Feanna）讚她每一場表演都加入少變化和舞步。Amy說：「第一次同觀眾有互動，係我今次最難忘嘅感覺，過往喺片場只有演員和crew，無現場觀眾。」

盧慧敏Amy

除了表演唱歌，歌手們更與同學仔玩遊戲送禮物，期間Feanna新歌《梗頸四》被誤說成「硬頸四」，引爆笑彈。她說：「我好理解，因為當初我收到鍾說份歌詞時都誤會『硬』頸四，心諗係咪『十兄弟』角色？各位00後嘅同學要注意啦！」

黃淑蔓Feanna

Feanna在台上表示曾經感到迷失，但最近已重拾唱歌的熱誠，並宣布將於12月推出第二張專輯。她說：「最近收到同學仔睇完School Tour我唱《梗頸四》之後，DM（私訊）我話被呢首歌感動，同埋得到鼓勵，而且佢哋好開心聽到我話重拾唱歌嘅熱誠，我被呢個message感動到流淚，多謝各位同學好認真咁聽我唱歌。」

黃淑蔓Feanna

黃淑蔓Feanna