霍汶希生日首公開14歲愛女Hanni 母女合作影雜誌封面鬥嘴又鬥靚

金牌經理人霍汶希（Mani）今日（7月17日）生日，今年她收到一份超級特別的禮物，就是跟14歲的囡囡Hanni首次齊齊拍攝雜誌封面！這不單是Hanni人生第一次，更加是兩母女的珍貴時刻，Mani開心到爆之餘，更謂是今年最正的生日驚喜！

Mani與14歲的囡囡Hanni首次齊齊拍攝雜誌封面！

今次是Hanni人生第一次，亦Mani的生日禮物。

Mani今日於社交平台解密這個「生日彩蛋」，興奮寫道：「Hanni一眨眼已經高過我，已經係可以同我並肩企係鏡頭面前淡定擺pose嘅少女喇！！」Hanni完美遺傳媽咪基因，首次拍攝封面零怯場，更被Mani大讚勇敢，「你帶俾我好多驚喜，同我一齊創造呢份獨一無二嘅回憶，係最好嘅禮物！」

Mani感歎囡囡一眨眼已經高過她。

Hanni完美遺傳媽咪基因，首次拍攝封面零怯場！

Mani更大讚囡囡勇敢！

今次拍攝更爆出母女搞笑日常，化妝set頭期間，Hanni竟然投訴：「媽咪用假睫毛瞪我。」Mani即反擊，「唔好成日用呢啲樣呀阿女，俾啲面好喎，大佬。」Hanni即時變臉擺出乖巧樣望着鏡頭，仲串爆媽咪，「有鏡頭對住我就會咁樣。」Mani無奈道：「你唔好扮嘢呀。」Hanni不甘示弱，「你都唔好扮嘢。」最後Mani自己都忍不住笑，「我哋嘅關係真係好好㗎。」問到第一次拍雜誌感受，Hanni淡定一句「好玩」，而Mani就大讚囡囡：「佢好放鬆，係個有自信嘅女仔。我最重點教佢人品，因為做乜嘢人都好，人品最緊要。」

兩母在拍攝不停鬥嘴。

Hanni第一次拍雜誌覺得「好玩」。

今次拍攝記錄了二人重要的成長時刻。Mani坦言這份禮物對她跟Hanni都意義非凡，因為Hanni即將出國讀書，這次封面就當係母女二人最甜密的留念。至於生日願望，Mani感性對囡囡祝福，「新嘅一歲，我最大心願依然係你能夠平安喜樂！」

Hanni

Mani透露囡囡即將出國讀書。

英皇娛樂金牌經理人霍汶希（Mani）於2011年秘密誕下女兒Hanni，雖然工作繁忙，但對愛女一直疼愛有加！近日Hanni 15歲生日，Mani就與天后容祖兒（Joey）一同為愛女慶祝！

Mani去年與愛女Hanni一同拍攝雜誌封面。

兩母女感情好好！

Hanni完美遺傳媽咪基因，越大越靚女。

Mani在IG晒出合照，並留言：「祝我Honey生日快樂！」祖兒亦有送上祝福：「happy birthday 越大越靚嘅hanni」，Hanni則以三個心心Emoji乖巧回覆，足見兩人感情深厚！而相中可見，15歲的Hanni完美遺傳媽媽的優良基因，長得亭亭玉立，五官非常標緻，而且臉尖尖，再配上淡妝，面對鏡頭時展現出自信的笑容，靚女又星味十足！

霍汶希IG圖片

不少英皇藝人和網民都紛紛留言為Hanni送上生日祝福，又大讚她越大越靚女，「靚女到可以原地出道了」、「遺傳晒媽媽Mani嘅良好基因」、「嘩！同媽咪一樣咁靚」、「明星基因」、「嘩～～～咁靚女嘅，會唔會出道做藝人？」