陳瀅晒比堅尼泳照騷火辣好身材 網民激讚：世一！

35歲的TVB花旦陳瀅（Jeannie）以往身材一向有啲肉地，但近期瘦身成功，成功搣甩昔日「肥瀅」稱號，加上染了一頭金髮，可謂靚出新高度！繼早前Deep V禮服性感現身後，陳瀅近日就在社交平台晒出比堅尼泳照，盡騷火辣好身材！

陳瀅成功減肥後狀態大勇。

早前以Deep V禮服性感出席活動。

靚出新高度！

相中，頭戴Cap帽的陳瀅身穿綠色印花比堅尼，並跪在遊艇甲板上，側身盡騷完美S形身材曲線，纖腰加蜜桃臀極吸睛！網民睇到心心眼，紛紛留言大讚：「陳瀅啊啊啊啊啊啊！！！！認真搞唔掂，沉晒」、「Too hot to handle」、「顏值同身形嘅巔峰，加埋啲金毛真係不得了，唔知仲以為係韓國女團成員」、「流鼻血」、「嘩～巔峰嘅身材」、「陳瀅世一」，更有不少人求正面照！

圖片來源：IG@missjni

藝人陳瀅呢日出席始創中心「機動狂熱．港式情懷」活動，與港式懷舊藝術品打卡又同AI人型機械人一齊跳「鯊魚舞」互動！陳瀅笑言講懷舊會先諗起港式美食，仲要講唔停口認真識食：「我一諗起懷舊，就會先諗起美食。因為喺香港真係有好多美食，係由好多年之前到依家，都依然有好多唔同版本嘅。例如可能蛋撻啦，又或者老婆餅啦，即係呢啲都已經係好多年之前已經做出來嘅。咁到依家可能又會有個摩登（現代）版。」

陳瀅

陳瀅出席始創中心「機動狂熱．港式情懷」活動

陳瀅出席始創中心「機動狂熱．港式情懷」活動

陳瀅與港式懷舊藝術品打卡

陳瀅「重遊舊地」

陳瀅自爆愛打機

陳瀅表示以前暑假都會約朋友行街，仲會約埋家人齊齊Shopping！呢日現身商場活動「重遊舊地」，勾起佢昔日回憶：「我以前讀小學嗰陣，每年夏天我都會返嚟香港探親戚朋友。咁蹺有屋企人住喺呢個商場附近，所以每逢暑假都會成日約表姐、表哥一齊玩。當年呢度有好多遊戲攤位，玩完就上去買文具準備開學，今日返呢度真係好懷念、好多回憶，如果可以喺呢度約返佢哋就更加好！」

呢日活動主題為機動狂熱，陳瀅自爆做動漫迷，打破「女神」形像：「即係細細個我好鍾意打機，之後去識玩、打愈嚟愈多遊戲嘅時候，我唔會玩啲『好女仔』嘅遊戲，一定唔係啲『養寵物』game，反而劍擊、動作、甚至機械人對戰會仲啱我玩。」