盧慧敏新歌《白牆》MV還原日常換足10個造型 跪地高歌情感爆發

盧慧敏（Amy Lo）推出第二首個人單曲《白牆》，新歌靈感來自她重複卻微妙不同的生活，展現壓抑後爆發的「Show Time」。MV還原她的日常，包括敷面膜、浸腳、邊食飯邊跳舞等等，非常搞笑。她換上近十個造型，壓軸以閃爆短裙出場，更跪地忘我高歌，寄語大家找到屬於自己的舞台，做最真實的自己！

Amy推出第二首個人單曲《白牆》。

《白牆》由周耀輝填詞、Andy Schaub安哲逸作曲、葉澍暉編曲，周錫漢監製。Amy透露新歌概念和歌詞都與她的生活點滴有關，「我平時嘅工作有啲重複，但每次都有少少唔同。好似做演員有劇本，對白都係Fix咗，鏡頭前嘅我未必係最真實嘅我。當日復日不停重複時，去到一個位會忘記做嘅原因、令自己開心嘅事係咩。呢首歌去到最後係爆發點，一個人去到好壓抑時，終於搵到屬於自己嘅舞台。」而Amy的「Show Time」是獨自在家的時候，她笑言：「我覺得喺廁所沖涼係最無拘無束，無人見到嘅一面就係我最舒服嘅一面。」

MV花絮

MV花絮

MV以Amy的真實生活為藍本，事前她與MV導演Kendra分享不少內心世界。Amy坦言MV中的敷面膜、浸腳、做運動，邊食飯邊跳舞，全部都是她真實的日常片段，就連髮型師和經理人都客串上陣。

觀看相關影片按連結：https://youtu.be/PzDxomyV8B8

MV還請來黃溢濠以及黃凱逸（Zelos）參演，黃溢濠飾演兇惡導演，於片場大鬧Amy兼嬲爆掉劇本！Amy卻被鬧得開心，「頭先嗰段戲黃溢濠真係好大力聲鬧我，佢畀戲我，我就可以接到。好多謝咁多位咁畀戲、咁幫手嘅朋友們，呢個真係好緊要，所以好開心。」

黃溢濠飾演兇惡導演。

黃凱逸

黃溢濠要在片場大鬧Amy兼嬲爆掉劇本！

不過，最考起Amy的是要發脾氣，MV其中一幕，髮型師不小心用直髮夾焫親她的後頸，Amy要假裝嬲得鬧走對方。她鬼馬笑說：「我真係唔發脾氣，因為好攰。嗰個Shot要我鬧人，但佢哋演繹得非常有趣，同埋大家係幫緊我，所以好難鬧得落，係一個好大嘅挑戰。」

MV花絮

MV花絮

MV花絮

MV拍攝歷時兩日，超過30小時，其中一日正值小暑，氣溫飆升至35度，Amy笑言一眾台前幕後拍攝得非常「融洽」：「全部人熱到『溶』晒，體感溫度係48.93度！7月7號拍MV當日，係監製周錫漢嘅生日，雖然佢唔喺現場，但我擅自分咗少少佢嘅Blessing，所以拍攝得非常順利。」

MV花絮

MV中，Amy換上近十個造型，她表示喚起了以前做模特兒「Quick Change」的回憶，「做騷時就係不停Quick Change，快到你冇時間去諗。今次MV要拍好多唔同鏡頭，所以不停換咗好多套衫，喚醒返以前做Modelling嘅『暈』返嚟。」

MV花絮

MV花絮

Amy壓軸以露肩閃爆短裙登場，臉上和身上均貼滿小鑽，高貴又華麗。她推開門猶如回到熟悉的睡房，忘我高歌更跪地演繹「This is my show time」，完美呼應歌詞，情感爆發！Amy希望新歌《白牆》能帶給大家一份釋放，「希望每個人都搵到屬於自己釋放嘅方式同舞台，唔一定係表演，而係你鍾意自己嘅地方。」

MV花絮

MV花絮

MV花絮

MV花絮

MV花絮

MV花絮

MV花絮

盧慧敏（Amy）今年加入樂壇，她辦「色」度非常高，事關至今推出4首作品名稱都與「顏色」相關，第一首《Red Flag》，然後《白牆》和《綠熒》，新歌《粉月》MV昨晚（11月25日）上架。Amy一身粉紅色「地球防衛少女」造型亮相，雖然由頭到腳包到實，但修長身型配40吋長腿勁搶眼！

Amy推出新歌《粉月》。

Amy好滿意自己的造型，當中有個按掣著燈的小機關，她笑言這是用來召喚太空船。拍攝期間她在小島上的彩色村屋和壁畫中穿梭，為配合後期加入效果，她對空氣做動作，表情多多好可愛。她說：「多謝服裝團隊，只係用咗三日就趕起，我俾嘅資料係『太空衣』，佢哋再參考『地球防衛少女』同埋根據首歌嘅顏色，變咗今日我呢身造型！呢首歌係關於天馬行空、幻想、充滿FF、超現實，服裝團隊整呢套唔係地球應有嘅服裝，然後我請髮型師和化妝師一齊去諗呢個唔似現代，又唔現實嘅得意造型。」

MV花絮

MV花絮

MV花絮

MV花絮

MV花絮

MV花絮

MV花絮

Amy表示：「新歌《粉月》係我今年第一首開心嘅歌，之前三首歌呢都係比較有型或者思考人生，今次可以俾大家睇到我另一面，就係平時我喺屋企或者喺朋友面前會展示，一個天馬行空、不切實際嘅我。我覺得咁樣好重要，因為我哋要容許自己腦袋天馬行空，好似我嘅偶像宮崎駿先生，佢創作力好強，好多令人感動嘅作品。」她又坦言私底下經常有很多奇怪想法，「其實每個人都有好多面，我聽得最多係話我怪怪哋、奇怪、古靈精怪，呢首歌帶出我不同嘅一面，希望大家都鍾意。」

MV花絮

MV花絮

MV花絮

《粉月》由陳孟奇Hagen和李俊緯Marcus Lee作曲、梁栢堅填詞、Mike Orange編曲及監製。Amy感謝Mike Orange除了為歌曲注入很多有趣的細節位，還在錄歌時給她很大鼓勵，她說：「佢好好，叫我放膽唱、去盡啲，而且我哋仲同樣好鍾意動漫！」

MV花絮

MV花絮

MV花絮

在MV故事中，Amy由宅女變成地球防衛少女，加入大量有趣又天馬行空的電腦畫面，特別邀請電影《觸電》後期視覺效果的高手「仲文」擔任導演。Amy說：「今次MV班底都好勁，因為個idea係天馬行空，好多非現實嘅嘢，我覺得需要做好多後期，同埋Animation，所以我就諗到仲文。仲文係我最近拍嘅電影《觸電》後期製作，佢可以將諗到嘅嘢變成畫面，呈現比觀眾睇，帶嚟呢個現實世界。」

觀看相關影片按連結：https://youtu.be/_Kcs90xvoFg