IKEA突現「梳化專員」 見人坐低5分鐘即趕遭批「肉酸」 網撐：一早應咁做！

IKEA的梳化陣列區一直都深受顧客歡迎，皆因無論男女老幼經過時都喜歡在這裏坐下Hea下，甚至不少人會當了這裏好似屋企一樣，躺在梳化上「大覺瞓」！近日IKEA似乎已到了忍無可忍的地步，開始採取行動打擊，而其所用的方式隨即引來網民的熱議！

IKEA的梳化陣列區一直都深受顧客歡迎，很多人喜歡在這裏抖下hea下。網上圖片

IKEA「多左成隊沙發專員」

IKEA的梳化陣列區一直成為了行街的休息熱點，很多人喜歡在這裏聊天、打機、看手機甚至佔用整個梳化在此大覺瞓，影響了其他真正想試用購買梳化的顧客。近日有網民發現銅鑼灣IKEA「多左成隊沙發專員」，這些職員會「專門趕走過嚟坐同瞓嘅人，每5分鐘成隊人好似趕鴨仔咁，叫人繼續往前行，留返啲凳比其他人試坐」。

有人甚至過份到霸佔用陣列床在此大覺瞓。網上圖片

有人甚至過份到霸佔用陣列床在此大覺瞓。網上圖片

樓主認為趕人走方式好「肉酸」

在社交平台發文分享消息的網民坦言，即使「明明已經冇晒人」，但梳化專員仍努力趕人向前行，令到本身安坐在梳化上的工人姐姐都奈何要「繼續往前行你條迷宮路睬你都傻，即刻原路走晒」。網友都補充到其實這群工人姐姐不是沒有消費的，她們「唔係淨係識得坐霸王凳」都是附近Cafe的常客，令到周邊食肆生意好好，網友更代咖啡店感謝她們。所以樓主認為IKEA這種好似趕鴨仔的趕人方式似乎不大好，「有好多其他方法唔使咁肉酸嘅，不過呢啲方法就ikea再去諗啦」。

網上圖片

網友力撐：一早應該咁做

不過好多網民似乎不太認同，更力撐IKEA的做法。「邊個肉酸d先，人地擺凳係度唔係比你無限試坐噃」、「邊個肉酸？ 我覺得佢個方法好好喎」、「點都唔會肉酸得過不時見到 d 人係 ikea sofa 度錫嚟錫去」、「btw 唔只係姐姐坐，係好多香港人都係咁坐， 勁黑人憎」、「銅鑼灣極需要」「其實幾好吖 把客人放返係適合嘅地方」「一早應該咁做，IKEA 好波」等。

網上圖片

網上圖片

鸚鵡除了會學舌，還特別記仇。近日就有市民因一時大意無情驅趕一隻白色野生鸚鵡而「得罪」對方，翌日竟遭逾20隻同類鸚鵡「大軍壓境」報復，不但咬爛天台燈飾，更每隔數日上門「巡舖」，令事主束手無策，最終不得不上網求救。

threads圖片

事主日前在Threads以「發生一啲好離奇嘅事情」為題撰文，指早前在在家天台發現一隻白色野生鸚鵡，丈夫不假思索揮手驅趕其離開，誰想到翌日天台竟出現逾20隻同類鸚鵡，「點知第二日佢叫咗20幾個兄弟嚟」。這群鸚鵡不只將天台燈飾咬爛，更每隔幾日就會再度到訪「巡視」。

threads圖片

threads圖片

事主更拍下鸚鵡大軍壓境的影片，可見有2至3隻鸚鵡在天台附近不斷徘徊，被逼得哭笑不得且走投無路的事主直言「我都冇佢哋辦法」，未有上網求助萬能的網友。

threads圖片

threads圖片

帖文曝光掀起網民熱議，有鳥類專家一眼認出該批白色鸚鵡是瀕危物種「小葵花鳳頭鸚鵡」：「全世界2000隻，全港200隻，你天台20隻」、「全球野生小葵花僅剩二千隻，香港佔了二百隻，全球第二大族群」、「極度瀕危、極度頑皮、極度記仇，你真係大鑊了」、「得罪野生葵花群，你有排受了」、「得罪咗銅鑼灣揸fit雞」。

事主得悉該批鸚鵡是瀕危物種後，亦在求助帖文後留言回覆：「真係多謝大家咁熱心，雖然佢哋而家每日都嚟探我，但係其實我哋都係好被動嘅，我都唔敢掂佢哋，所以愛護動物嘅朋友唔使擔心。」