鄭伊健報恩30年前「神聖之手」專程改機票留港任陳慧琳嘉賓

由渣打優先理財及財富方案冠名贊助、Star Talent Limited主辦的《陳慧琳Season 2萬人結界演唱會》，昨晚（7月26日）來到第九場演出，嘉賓環節驚喜邀請到電影好拍檔鄭伊健。原本因颱風改期的伊健，特意改機票留港，仲大爆Kelly私下隨身帶平安膏的反差萌。而Kelly被觀眾熱情感動，encore獻唱《You’re the one》作結。

《陳慧琳Season 2萬人結界演唱會》昨晚（7月26日）來到第九場演出。

嘉賓環節驚喜邀請到電影好拍檔鄭伊健。

Kelly介紹伊健上台時透露，對方原定7月20日擔任嘉賓後離港，卻因颱風延期，最終成功改機票留低。二人合唱《甘心替代你》後，伊健分享一段鮮為人知的往事：「拍《東京攻略》ending時，我要喺零度跳海拍爆炸戲，凍到郁唔到等船接，點知突然見到Kelly伸出『神聖之手』！雖然拉唔到我上船，但佢特登走出嚟，呢份心意我一直記得。」Kelly聽完大笑：「真係全靠隻手！」

二人合唱《甘心替代你》。

鄭伊健改機票留港任Kelly嘉賓。

伊健繼續爆料：「當時拍動作戲搞到肌肉撕裂， Kelly竟然送盒粉紅色平安膏畀我！好感動，但真係唔多襯佢形象。」Kelly即反擊：「以前出埠最鍾意帶嘛！我同你合作多數喺海外，《東京攻略》喺東京、《幻影特工》喺馬來西亞、《盜馬記》喺布拉格，仲有30年前澳洲演唱會，所以今日專登著西芹裙歡迎！」伊健卻笑佢似「Big Bird」，又爆《甘心替代你》係自己首次同人合唱，嚇到Kelly瞪大眼：「真㗎？！」在Kelly換衫時，伊健唱出了《發現》外，現場反應熱烈。

觀眾太熱情。

另外，音樂總監雷頌德（Mark）特別從英國返港助陣，台上真情告白，好感謝Kelly與她經理人鍾珍，說：「你成日多謝我，搞到好似冇雷頌德就冇陳慧琳，其實冇陳慧琳就一定冇雷頌德。真係㗎！大家話，唔係陳慧琳邊有人有氣質唱《風花雪》、唔係陳慧琳邊有人夠清純唱《誰願放手》，唔係陳慧琳邊有人咁型唱《花花宇宙》，所以好多謝你請我嚟享受我哋呢30年嘅成果。」最後聯同單立文、Joey Tang送上《一切很美只因有你》，搞到眼淺嘅Kelly再次眼濕濕。

完場時觀眾不肯離開，Kelly被觀眾熱情感動encore：「把聲開始沙，聽日仲有尾場，真係得返半條人命！送首少唱嘅《You’re the one》畀大家。」為演唱會畫上溫馨句號。

Kelly笑言「頂硬上」encore答謝！

久未公開露面的陳司翰，近日驚喜現身由劉威煌、梁浩賢及甘永傑主持的YouTube節目《浪談老事 Long Time No See》，罕有分享當年入行經歷與心路歷程。不過最令網民驚訝的，莫過於現年49歲的他明顯發福不少，身形比起昔日「靚仔偶像」時期圓潤許多，外貌變化相當大。

陳司翰於2000年代初以歌手身分出道，有「翻版王力宏」之稱

近日驚喜現身YouTube節目

作為陳慧琳親弟，陳司翰於2001年挾着星二代光環出道，但歌唱事業始終未見突破，推出兩張專輯後便逐漸淡出香港樂壇，其後轉戰台灣及內地發展，可惜最終仍未能闖出代表作，慢慢消失於幕前。

49歲的他，發福不少

節目中，他坦言當年星途不順，收入遠低於預期，令自己長期承受巨大心理壓力：「唱片根本賺唔到錢，搞到心理好唔平衡，成日狂鬧自己。」而「陳慧琳細佬」這個身份，更成為他多年來最大的壓力來源。

當年星途不順，令自己長期承受巨大心理壓力

他直言，雖然自小與家姐感情很好，但因大家同屬娛樂圈，加上經理人相同、唱片公司不同，關係變得微妙：「感覺好似無間地獄咁。」他更笑言當年還要再加上一個王力宏。

由於外貌與王力宏有幾分相似，陳司翰曾長期被封為「翻版王力宏」，頻頻遭媒體比較。他坦言對此相當抗拒，甚至刻意避免與對方合照：「去到內地做節目，我叫人唔好再提呢兩個人，但最後都係會講我係邊個嘅邊個。」

上內地節目，好唔想其他人再提到「陳慧琳」與「王力宏」。

為了堅持音樂理念，他當年曾拒絕主流情歌路線，堅持創作較灰暗、非主流作品《破霜》，結果卻遭電台明言「新年唔會播」，甚至有歌迷表示「阿媽唔畀聽」，令他相當無奈。

其後陳司翰轉往台灣及北京重新發展，希望低調從填詞人做起，但依然被公司安排走偶像愛情歌手路線，甚至參與帶有性感元素的深夜節目，令他愈來愈迷失。加上與內地媒體關係惡化，最終更鬧到發律師信收場，種種經歷最終令他選擇淡出娛樂圈。

感情方面，陳司翰當年亦不時成為娛樂版焦點。他曾與前港姐莊思明拍拖，兩人多次傳出分合。2014年更曾被拍到疑似街頭爭執，引發家暴疑雲，事件當時鬧得沸沸揚揚，但雙方其後均否認指控，戀情最終亦無疾而終。