香港美心月餅全新電視廣告即將於8月1日晚上正式首播，由全球代言人林峯（Raymond）率領一眾演員，穿梭香港大街小巷，以輕鬆活潑的方式演繹最地道的香港情懷。廣告中，林峯與團隊將帶觀眾遊歷香港特色打卡點，在歡笑聲中展現美心月餅堅持香港製造的匠心精神，完美呼應今年「美心味道 香港製造」的廣告主題。
林峯為美心月餅拍攝全新電視廣告。
拍攝花絮搶先看 尋味香港情懷
為了呈現獨有的港味中秋，製作團隊精心挑選具本地特色的場景進行拍攝：從聞名國際的半山行人扶手電梯 — 這個曾經出現在經典電影中、受遊客喜愛的打卡勝地，到充滿街頭藝術氣息的中環各個塗鴉牆，再到珍藏老香港回憶的懷舊古物店，每個場景都重現記憶中地道的中秋氛圍。拍攝時，林峯更與演員們即興互動，將街頭巷尾的生活氣息自然融入廣告故事，為廣告增添不少驚喜火花。全新廣告不僅是月餅宣傳，更是一封獻給香港的情書。從場景佈置、服裝造型到道具細節都精心量度，務求讓觀眾透過鏡頭，重新發現最動人的傳統滋味與現代活力。
拍攝花絮
幕後直擊 英雄救美和暖心互動
今年的廣告拍攝特別採用了先進的綠幕技術，打造出開場時那一幕充滿戲劇張力的「英雄救美」場景。主角林峯親身演出，站在一個巨大的鉛球上進行拍攝，畫面既驚險又震撼。在後期製作時，團隊將綠幕背景轉換成具視覺衝擊的畫面，為廣告增添獨特質感與情感層次。林峯表示：「今次有戲中戲嘅橋段，亦加入綠幕技術拍攝手法，希望大家會感受到我哋嘅誠意，鍾意個廣告！」此外，團隊還精心安排了一場溫馨的傍晚燒烤戲份，女演員手捧傳統兔燈籠，現場氣氛溫暖動人，與緊張刺激的英雄救美橋段形成鮮明對比。
拍攝花絮
中環天台幻境 邂逅港式中秋
今年廣告中的壓軸場景，特別選在中環一間餐廳的天台精心搭建。製作團隊以多盞燈籠打造出濃郁的中秋氛圍，更巧妙運用泡泡機營造浪漫「飄雪」效果。當晶瑩的泡泡從天而降時，不僅讓林峯和在場的每一位驚喜連連，更吸引周邊市民駐足觀看，不少人都以為中環「下雪」了！在這個夢幻夜晚，林峯與眾演員分享美心月餅的溫馨畫面，成為廣告中最動人的一刻。當演員們高舉月餅互道祝福和賞月時，泡泡在夜空中閃閃發亮，構成了一幅既傳統又夢幻的中秋團圓圖。
拍攝花絮
在拍攝休息時，林峯亦和大家分享趣事：「我真係好鍾意食蛋黃蓮蓉月餅，所以廿幾歲時試過自己一晚食了一個六黃蓮蓉月餅！不過宜家人大咗會想同屋企人分享！好似我囡囡係食方面同我好似，都鍾意食蛋黃同流心奶黃月餅，所以同佢一齊食會好開心！另外，我哋仲好鍾意傳統雙黃白蓮蓉同榴槤月餅！榴槤餡好滑，味道香濃又有層次！」中秋佳節來臨之際，美心月餅與林峯誠邀大家一起延續中秋的幸福與溫暖，讓傳統的美好滋味代代相傳。
拍攝花絮
娛樂訪談節目《星展豐盛理財保險策劃呈獻：一周星星》，逢周日晚10點翡翠台播映。節目每集將瞄準影視圈及歌壇等焦點人物進行訪談，並由區永權、許文軒、王鎮泉、潘盈慧輪流主持，本周日晚（28日）播出的第四集，嘉賓是還未正式上映已熱爆全港的電影《尋秦記》四位主演古天樂、宣萱、林峯及朱鑑然，主持則是區永權。
呢個白眼，係咪正先？
你哋唔好以為係扮打，宣萱真係「啪」一聲打落去古仔度。
今集《一周星星》絕對可以「笑聲笑聲滿載溫馨」形容，單是古仔與宣萱的爆笑互動，已值回票價！先說「本尊Fact Check」環節，區永權求證古仔是否如傳聞所指「唔畀人趷得」，現場即時變得儼如聯歡會般熱鬧。古仔先是很大反應：「你講咩呀？（馬上指著宣萱）佢嗰日唔趷過我唔開心。」區永權聞言接招追問宣萱：「傳聞呢個世上，得你一個可以對住鏡頭趷佢（古仔）。」古仔聞言又「搶答」：「我澄清番先，佢唔對住鏡頭都係趷架喇。」不過宣萱對二人一唱一和卻大力抗議，並指區永權都會寸古仔，古仔聞言再搞笑謂：「我好記仇嘅，你死緊喇今次！」
當年呢條NG片熱爆網。
古仔想再篤宣萱，但宣萱好精靈咁避開咗。
古仔暗示畀宣萱趷到冇晒感覺
此時林峯加入戰團，不過卻並非為宣萱護航：「我喺度諗緊邊一日你係冇趷佢嘅，又好似冇…」、「我未見過有其他人趷佢」。被圍攻的宣萱，即強調「開工我冇趷佢嘅」，豈料古仔依然反對：「你咁都夠膽講嘅？！」由於戰況太過混亂，區永權嘗試作出精闢分析打圓場：「你（指宣萱）會唔會趷佢（指古仔）趷到趷咗都唔覺得趷緊佢呢？」宣萱聞言竟哈哈大笑：「咁我真係唔知。」眼見「沉冤得雪」，古仔加多兩錢肉緊謂：「咪係咯！（點解你畀佢趷？）咁我都唔知吖嘛，我都慣咗喇嘛，你估我想架？！」宣萱在節目中，還會大方分享成功「趷古仔」秘訣，萬勿錯過。
宣萱同古仔嘅互動真係好甜蜜。
古仔成日叫宣萱「等等先」。
古仔笑宣萱「成日郁手郁腳」
其實宣萱除了把口唔放過古仔，連「雙眼」及「雙手」亦對古仔「零客氣」。事緣其中一Part，宣萱詳談拍攝電影版《尋秦記》時，與當年的當家花旦郭羨妮再𢇽聚首「仲啱傾過以前」時，古仔因一句「即係以前唔啱傾」口多多搭嗲，被宣萱「反白眼」攻擊兼被負評「搞屎棍」；之後宣萱提到重遇歐瑞偉（角色陶總管）時感覺很強烈，並指很快便能投入與對方的感情戲時，古仔又再口多多：「即係你同陶總管有感情線，你意思係。」宣萱聞言嬲到狂打古仔，古仔只能無奈回應：「成日郁手郁腳。」之後宣萱應區永權要求向古仔表達謝意，熱情的她即作勢送上「熊抱」，古仔見狀即閘住：「唔好郁手郁腳呀喂」、「唔好摸呀！」最後連環慘食檸檬的宣萱竟出拳狂打古仔，十分搞笑。
至於宣萱，梗係成日忍唔住爆笑啦。
宣萱模仿古仔喺片場嘅眼神。
呢吓小學雞鬥扁嘴大賽真係笑死。
妙談當年「篤到狂笑」NG網紅片
古仔和宣萱還大方談及了劇集《尋秦記》廣傳至今的網紅NG片，談到其中一條古仔因大力篤宣萱心口、篤到宣萱忍不住爆笑的NG片時，宣萱時隔多年依然覺得搞笑又委屈：「我睇親都笑，我估我睇三十、甚至一百次都會笑」、「佢冇當我女人咯，總之係…可能對佢嚟講（力度）四架啫，但對我嚟講已經係七、八架喇。」古仔聞言只能回應：「篤本身唔大力唔係叫做篤嘅，叫做撩！」隨即應區永權要求即場示範向宣萱「撩穴」，宣萱見狀即靈活閃避：「唔好撩我！」
宣萱想攬古仔表達謝意，但古仔似乎想謝絕好意。
宣萱呢吓又係打得好激動。
淨係睇宣萱表情包，都值回票價啦。
古仔爆宣萱愛說話：佢平時一定會同我講嘢，我病嗰日我先唔應佢架咋
玩了一大輪，古仔才正式為當年力度過猛解畫，期間他除會大爆宣萱「唔記得對白瘀事」，還笑言宣萱一分鐘都不能停下嘴巴，古仔：「你叫佢現場唔講嘢一分鐘係冇可能嘅事嚟，呢個係真事。」、「佢平時一定會同我講嘢架，除咗我病嗰日我先唔應佢架咋。」面對古仔連環強攻，宣萱一度使出「搞笑扁嘴樣」無聲抗議，豈料古仔照辦煮碗扁嘴「反擊」，想親眼直擊兩位大細路更多爆笑互動，密切留意今晚播出的一集《一周星星》。
