TVB藝人譚俊彥（Shaun）上周末與《中年好聲音3》歌手王鄭浚仁（Rax）一同遠赴馬來西亞及新加坡，擔任當地兩場海選的特別嘉賓，順道與粉絲們見面！當中Shaun在海選結束後，隨即出席當地舉行的《第8屆馬來西亞國際電影節》，原來他有任務在身，就是為「終身成就獎」擔任頒獎嘉賓，而得獎者正是Shaun的父親、著名武打明星狄龍！事實上，狄龍事前對Shaun親臨會場並不知情，當他於台上準備致辭時，Shaun從後台走到台前，手捧獎座和花束為父親送上祝賀，兩人深情擁抱，場面感人。
武打明星狄龍出席馬來西亞當地電影節頒獎禮，並獲得「終身成就獎」。
Shaun表示：「其實今次去頒獎典禮，其中一個準備就係我身穿嘅呢一套西裝。我公公即係我媽媽嘅爸爸，係一個裁縫，呢一套西裝係佢造畀我嘅，佢希望我喺一啲重要嘅時候，可以有一套出嚟見得人嘅西裝。雖然我公公已經走咗好耐，但係我覺得我應該身穿呢一套西裝，去做呢一件咁值得紀念嘅事。我同我媽媽講嘅時候，我淨係想話畀佢知，其實今日我哋一家人全部都喺度，我哋一家三口相聚嘅時間雖然唔多，但係我就好珍惜每一個可以一齊嘅機會﹗」
點擊看圖輯
更多相片
武打明星狄龍出席馬來西亞當地電影節頒獎禮，並獲得「終身成就獎」。
譚俊彥
陪同出席的狄龍太太陶敏明，於後台與兩父子一同合照。
譚俊彥
Shaun其後在社交平台發文，貼上他與父母一家三口的合照，表示這張全家幅是他今年收到最好的一份生日禮物，並稱「人越大就希望保留更多美好嘅回憶，我爸爸同我媽媽嘅笑容，係無價嘅。我將會好好珍惜呢一張全家福」。他於文中又感謝粉絲多年的支持及愛護，會繼續努力拍更多作品，亦感謝一班與他出生入死的同事。最後他亦感謝太太對他的包容和愛護，令他擁有一個很有愛的家。
陪同出席的狄龍太太陶敏明，於後台與兩父子一同合照。
