人氣女團VIVA成員張鈊貽（ValC）、姜咏鑫（Ada）、李晞彤（Carina）、馬思惠（Macy）日前現身新城，亮相范振鋒主持的《新手DJ大鳴聲》節目，初試擔任DJ感受，首次坐上主持人的控制台，4位都表現又驚又好奇，初時大家都唔敢觸摸控制台，驚按錯制整壞機器，十分可愛搞笑，節目監製兼主持的阿范馬上安撫各位，並細心教導下，「師傅」阿范忍不住讚：「她們真的很聰明，一教就曉。」
VIVA「新手DJ大鳴聲」節目學做DJ。(左起)張鈊貽、姜咏鑫、馬思惠、李晞彤
阿范不愧是好「師傅」，為了讓她們淡定及自信地嘗試一面Tag歌、一面操控機器，先給她們戴上平時最愛的耳機，當她們戴上後，馬上由緊張變為充滿自信。而ValC張鈊貽在節目中推薦5首歌別具意義的歌，其中三首是Tyson Yoshi和張敬軒合唱的《By My Side》、林家謙的《四月物語》和陳蕾的《求救的勇氣》。
點擊看圖輯
VIVA「新手DJ大鳴聲」節目學做DJ。(左起)張鈊貽、姜咏鑫、馬思惠、李晞彤
范振鋒親自指導VIVA做DJ。
ValC表示：「《By My Side》其實係講緊小動物，我自己都有養3隻貓，佢哋畀我嘅情緒價值同安慰都好大，每日返屋企見到佢哋，好期待返屋企嘅感覺，所以一定要珍惜每日喺屋企等你嘅小動物。」提到陳蕾《求救的勇氣》，ValC透露看這首歌的MV時落淚：「呢首歌好講到我心裡面嘅心底話，有時要同大家講I'm not ok係好難嘅，會覺得問題唔會被重視而選擇沉默，但真正愛你嘅人，會願意去傾聽。」
Val C張鈊貽
Carina李晞彤
Ada姜咏鑫
Macy馬思惠
ValC主持過程非常緊張，她搞笑謂：「我好驚，手都震埋！好驚個腦空白唔知講咩，一個人對住支咪比上台表演仲有挑戰。」她又自爆：「我因為玩『包剪揼』輸咗，所以我係第一個，但玩『包剪揼』係我提議。」ValC後半部份愈錄愈放鬆，獲范振鋒大讚有進步。
范振鋒指導Val C。
(左起)張鈊貽、姜咏鑫、馬思惠、李晞彤
女團VIVA隊長Carina李晞彤與VIVA成員完成啟德主場館唱歌成就解鎖，得到網民留言鼓勵；Carina在演出前一天曾在網上為自己及隊友打氣：「VIVA 會有一日可以唱到自己歌的，所有過程都係必須，得到嘅時候就係上天覺得最適合同準備好嘅時候！」怎料翌日「開口中」得到演出唱歌機會，Carina希望突如其來的幸運延續至其個人首支單曲《讓路》，新歌已於日前正式上架。
VIVA隊長Carina獲公司力捧成為首位單飛代表。
今次整個新歌的宣傳企劃其實由Carina主動提議兼親自主理，她主動向公司爭取做一個月的期間限定「Marketer」。新歌上架當日，Carina拿着印製好的一千張宣傳單張，由下午兩點開始，走勻尖咀星光大道、小輪碼頭、葵芳廣場、旺角銀行中心，到最後一站的銅鑼灣時代廣場，足足派足八個鐘。Carina一開始已經開行turbo，完全不怕醜，見人就派，就算被拒絕都完全打擊不到她士氣，繼續笑住落力派，passion滿滿。期間更有不少途人要求合照。
事後Carina分享感受時第一句就話：「派到靈魂出竅，哈哈。我完全忘記咗要食飯呢件事，可能今日太熱啦，所以覺得完全唔食都OK，但係個感覺係想係咁飲嘢，啱啱有個fans拎咗支水俾我。」她繼續笑着說：「好多人讚我靚，好開心，因為多數都係女仔讚，男仔多數唔理我。」至於被拒絕的感覺如何？Carina直言：「我又冇乜嘢感覺喎。」最令她難忘的是一位姨姨，「佢唔知我派緊乜嘢，喺好遠行過嚟問我：『你派緊乜嘢啊？』我同佢講咗啦，然後佢同我講：『好啦，加油啦，我見你都企咗好耐啦。』好sweet呀，我發現我都係啱女仔嘅market多啲，哈哈。」
新歌《讓路》由KW朱敏希、Y.Siu作曲，梁嘉茵填詞，陳考威監製，曲風與VIVA截然不同。
歌曲不單止是Carina solo的開端，更是一首屬於新世代的態度宣言，不再跟舊有的單一航道，大家一齊學會「Do It Solo」，叫所有舊規矩統統讓開。《讓路》由KW朱敏希、Y.Siu作曲，梁嘉茵填詞，Y.Siu編曲，陳考威監製，曲風跟Carina於VIVA的感覺大不同，連她自己也說：「今次用咗一個平時VIVA唔會用嘅tone嚟唱，比較cool啲嘅tone。」
新歌上架當日，Carina拿着印製好的一千張宣傳單張，由下午兩點開始走勻尖咀星光大道、葵芳廣場等街頭，足足派足八個鐘。
即使被途人拒絕亦完全打擊不到她的士氣，繼續笑住落力派。
MV中，Carina挑戰了從未試過的舞風，導演特別想跳多一點Voguing或者用手的動作，所以整個chorus都見到Carina不停伸長手腳地舞動。Carina笑着說：「呢樣嘢喺VIVA入面都冇點樣試過，亦都係第一次嘗試Voguing，係有啲困難。」除了跳舞，記歌詞都成為一大難關，Carina自爆，「我第一、二段有啲撈亂咗嚟唱，因為平時VIVA嘅lip sync都係一人負責一啲，今次成首都係自己，所以成日都忘詞，呢個壓力都幾大。」
造型方面，一個全新髮型令Carina特別興奮，「我從來都冇諗過自己會爆炸頭！喺化妝車攰到瞓着咗，一擘大眼就換咗一個新嘅妝同埋新嘅頭，覺得：『Nice！』」亦有很多的新嘗試，「好似Hair Band或者一啲好2000年嘅look，之前都好少機會試，今次試到好開心。」
VIVA隊長Carina獲公司力捧成為首位單飛代表。
