英皇歌手泳兒應范振鋒邀請，首度以DJ身份參與新城《新手DJ大鳴聲》節目，體驗當DJ及分享最愛的音樂，雖然從未擔任過主持，但泳兒對DJ工作深感興趣，她說：「我鍾意控制場面嘅感覺，有控制慾，主持好似照顧人嘅角色，要掌控氣氛節奏。」
泳兒接受范振鋒邀請接受挑戰首次擔任DJ。
泳兒接受范振鋒邀請接受挑戰首次擔任DJ。
泳兒在節目中分享了多首別具意義的歌曲，包括她的新歌《計劃書》、《無糖可樂》、Lady Gaga《Abracadabra》及陳蕾《求救的勇氣》等，她在節目中逐首介紹：「《計劃書》講計劃永遠追不上改變，大家只要好好過好每一日已經非常足夠；我早前去咗新加坡睇咗Lady Gaga演唱會，之前冇諗過自己會咁震撼，我好鍾意嘅佢歌，現場睇佢演出時，完全感受到佢對舞台嗰種熱誠，對演出嘅追求同創新。」
首次獨自掌控節目，泳兒認為最大難題是對空氣說話：「冇人對答時，一停低就全場靜晒；同埋我講嘢細聲，有咪先能夠將把聲變厚。」泳兒亦表示要磨練急才：「主持要臨場反應，尤其訪問嘉賓時要keep住對話唔可以有冷場，絕對唔容易。」
獨自主持新城《新手DJ大鳴聲》節目。
泳衣表示對著空氣說話好難！
詳細節目內容，請留意８月17日，晚上8:00 – 9:00新城知訊台《新手DJ大鳴聲》，網址：https://www.metroradio.com.hk/MetroInfo/
范振鋒（阿范）主持的電台節目《「鋒」繼續吹》近日推出全新環節「靚靚陪審團」，首集更邀來太太李思欣擔任嘉賓主持，夫妻檔在節目中大談扮靚護膚日常。同場還有婥絲（香港）美容儀器有限公司香港研發儀器創辦人Nicole Lam「高力豆沙」坐鎮，以專業角度為二人「判案」。
左起：范振鋒、婥絲（香港）美容儀器有限公司香港研發儀器創辦人Nicole Lam、李思欣
左起：范振鋒、婥絲（香港）美容儀器有限公司香港研發儀器創辦人Nicole Lam、李思欣
自爆太太護膚控 細微變化即時「拉警報」
節目中，阿范率先爆料，笑指太太思欣對自己臉上任何細微變化都高度關注，「成日問我：『呢度係咪有粒嘢？你覺唔覺？」』」阿范續言有時候隻眼未必看得太清楚，「對方會即刻話：『咩呀？咁都睇唔清楚？』」思欣在旁隨即笑言不語，互動盡顯夫妻間的默契。
李思欣坦言，希望自己皮膚一直keep得好，但近年少去美容院，原因竟然只是「懶」。「其實在屋企護膚可以隨時做，最緊要係按step做好每一步。如果去美容院，介紹的療程未必適合自己。」
左起：范振鋒、婥絲（香港）美容儀器有限公司香港研發儀器創辦人Nicole Lam、李思欣
當Nicole問及思欣的卸妝過程，阿范笑言非常有畫面，「她每次都卸到成張檯都係嘢，洗手盆濕曬！」思欣即大方承認自己程序繁複，「我是先落眼妝，再用卸妝油，之後再洗臉。」她笑說，「每次完成後范振鋒都會問：『你做咩事？成地濕晒？』」一唱一和將平日夫妻相處的真實一面搬上節目，十分甜蜜。
拍攝見盡真實一面 阿范自認被嚇親
聽到Nicole介紹的正確卸妝步驟後，阿范亦大爆拍攝時在化妝間遇到的「震撼經歷」。「在化妝間，夜夜地他們開始落妝，或者開工還沒化妝回去化，都看到好多藝人都好驚嚇，塊臉灰曬。真是會彈開，個心離曬。」言論惹來全場爆笑。
《「鋒」繼續吹》「靚靚陪審團」環節由范振鋒主持，婥絲（香港）美容儀器有限公司香港研發儀器創辦人Nicole Lam「高力豆沙」擔任嘉賓主持，內容圍繞扮靚護膚心得及秘訣分享。節目逢星期四晚上11時至12時於新城知訊台播出；MBO TV則逢星期五晚上8時至9時首播。
李思欣擔任范振鋒主持的《「鋒」繼續吹》「靚靚陪審團」嘉賓主持。
李思欣擔任范振鋒主持的《「鋒」繼續吹》「靚靚陪審團」嘉賓主持。
詳細節目內容，請留意：
３月５日，晚上11:00 – 00:00，新城知訊台《「鋒」繼續吹》節目，網址：https://www.metroradio.com.hk/MetroInfo/
３月６日，晚上8:00 – 9:00，新城MBO TV《「鋒」繼續吹》節目，網址：https://mbo.metro.hk/
