粉絲集氣想阮嘉敏參加新一季的《女神配對計劃》 Mandy：會唔會係公司以為我有男朋友？

TVB女星阮嘉敏（Mandy）近日與粉絲玩你問我答，當中有不少粉絲問Mandy會否參加新一季的《女神配對計劃》，亦有粉絲請教她Keep Fit秘方。

粉絲想阮嘉敏參加《女神配對計劃》

粉絲想阮嘉敏參加《女神配對計劃》

阮嘉敏（Mandy）近日與粉絲玩你問我答

粉絲想阮嘉敏參加《女神配對計劃》

阮嘉敏（Mandy）近日與粉絲玩你問我答

阮嘉敏（Mandy）近日與粉絲玩你問我答

粉絲請教阮嘉敏Keep Fit秘方

阮嘉敏分享扮靚心得

原來阮嘉敏未去過馬來西亞

粉絲大讚阮嘉敏靚

阮嘉敏預告即將會有Fans Meeting

阮嘉敏（Mandy）近日與粉絲玩你問我答

阮嘉敏於IG以「問題天天都多 有冇嘢問我？」為題，與粉絲交流大玩你問我答，吸引粉絲們向她提問。粉絲問：「你咁靚，點解你冇份女神配對計劃？因為有男友？」Mandy回答：「你問咗兩個問題，好啦我都答你啦。會唔會係公司以為我有男朋友？」粉絲問：「新一季女神計劃可唔可以有你？」Mandy回答：「工作一向都係公司安排，你哋咁想我參加不如幫我集氣。」粉絲問：「點樣先可以好似你咁F戈廿，你用咗咩方法？」Mandy回答：「我又唔算好勤力做運動，咁間唔中都有做，你可以試吓少食多餐，我覺得都幾Work，再加上我唔食零食，已經戒咗好多年，減肥Keep Fit不嬲都係7分飲食3分運動。」粉絲問：「幾時開Fans Meeting？」Mandy回答：「機會嚟啦飛雲！9月28號，去我Fans Group報名啦。」

阮嘉敏（Mandy）首度擔正的短劇《瘦一斤，賺一斤，虐哭前任不過癮》大受歡迎，網絡瀏覽量火速突破3000萬人次，劇情講述一個240磅肥妹減肥後獲得真愛的故事。現實中的Mandy身材Fit爆，是不少人心目中的女神，不過她不覺得自己是女神，從沒收過兵，反而曾經差點「當兵」。

《瘦一斤，賺一斤，虐哭前任不過癮》花絮照

《瘦一斤，賺一斤，虐哭前任不過癮》花絮照

《瘦一斤，賺一斤，虐哭前任不過癮》花絮照

Mandy覺得自己從來都不是女神，「識我嘅人都知道，我外表同真實性格係完全相反，我比較男仔爽直性格，所以我係唔會收到兵。如果人哋同我表白，我鍾意就鍾意，唔鍾意就唔鍾意，都冇乜中間位，咁你話，我完全唔識呢啲技巧，點收兵？」

阮嘉敏是不少人心目中的女神

阮嘉敏願意為Crush更改個人習慣

阮嘉敏差點「當兵」

至於當兵經歷，她說：「我唔知咁樣算唔算係做兵？ 我都有試過鍾意過一個男仔，我同佢無論係生活習慣定係喜好都係相反。」起初，Mandy對這位Crush產生好感，「佢約我食飯，咁當然我都有好感，所以我先出去，我哋嗰排日日都send message講好多嘢，但唔知點解我哋最後就係不了了之，然後都沒有然後。」她續說：「我哋只係會準時同大家講生日快樂，然後我知佢升職會同佢講恭喜，我知佢唔開心會主動send message安慰佢。其實成日都會諗起佢，可能諗起佢嘅時候就會撳WhatsApp睇吓佢係咪上緊線，如果我見到佢在線中，我就會好開心。」

為了跟對方見面，她願意更改個人習慣，「我本身都幾鍾意跑步，但我好少早上跑，通常都係夜晚，但因為佢同我講過佢早上會喺灣仔跑步然後順便返工，所以我有試過特登早啲起身喺灣仔跑步，希望可以撞到佢，但後來我又會問自己：咁撞到之後應該講啲乜？所以後尾我都冇繼續再做呢件事。」