由范振鋒主持的新城廣播全新節目《鋒繼續吹》，其中一連13集的「生命玄關」環節，邀請了知名堪輿學家關雲麒師傅擔任嘉賓主持，將於8月21日晚上11:00 – 11:30首播，而第一集訪問嘉賓邀請了關師傅的好朋友歌手方皓玟（小明），並在節目中為小明看面相指點迷津，指小明顴骨高甚有福氣，但晚年可能要靠另一伴照顧生活。
左起：范振鋒、關雲麒師傅、方皓玟
小明與關師傅認識多年，經常請師傅指點迷津，解決了不少生活上煩惱，她曾經遇上「極品」傭人，全靠關師傅幫她解決困擾：「我搵過一位傭人姐姐真係極品，比軒仔嗰個仲勁，唔止早餐煮得衰，所有嘢都衰，好辛苦忍咗佢三年半，真係好委屈。」後來關師傅在十多個傭人當中，為小明挑選一位，她馬上辭去舊傭人：「我即刻換，冇睇名、冇睇樣、冇面試，點知非常之好，我安樂晒，可以專心做嘢。」
點擊看圖輯
左起：范振鋒、關雲麒師傅、方皓玟
方皓玟、關雲麒師傅
方皓玟
方皓玟
左起：方皓玟、范振鋒、關雲麒師傅
方皓玟、關雲麒師傅
小明十多歲時經常會聽到靈體在玩耍的聲音，令她十分困擾，她憶述：「我成日聽到佢哋(靈體)喺度玩，身邊朋友又畀佢哋整蠱，但就唔搞我，同埋有鹹濕鬼呢樣嘢，有啲鬼係會鹹濕啲女仔，最恐怖發生喺凌晨三、四點，去到五點或天光就冇事。」
方皓玟
最後一次聽到靈體聲音在17歲，小明透露:「我喺牆邊聽到一把臨死前嘅尖叫聲。（你點知佢臨死？）嗰啲聲音好奇怪，歇斯底里咁，鑽入隻耳入面，好似最後呼叫同最後一口氣，好恐怖，好心寒，你係感覺到佢哋情緒。」
方皓玟
范振鋒問小明會否擔心被指迷信？她表示：「我迷信自己、迷信音樂、迷信一切，人愈大愈迷信，但冇問題，你相信嗰件事為你帶嚟一個正面影響，係一啲資訊性嘅提供，我覺得冇問題，又唔係用一啲奇怪嘅方法去實踐，又唔係害人。」
左起：方皓玟、范振鋒、關雲麒師傅
詳細節目內容，請留意8月21日，晚上11:00 – 11:30，新城知訊台《鋒繼續吹》節目「生命玄關」環節，網址：https://www.metroradio.com.hk/MetroInfo/
