美食新聞報道｜招積鐵板燒街客免問 樂師傅秉承張國榮座右銘「嚟得畀最好嘅你」

由一班靚仔靚女倪嘉雯（Carmen）、黃嘉雯（Carmaney）、廖慧儀（Jessica）、伍倩彤（Gillian）、蔡景行（行仔）等主持的飲食節目《鄰住買好嘢至抵食特約︰美食新聞報道》。今晚一集晚上7時55分於TVB Plus（82台）播映。

樂師傅的鐵板燒餐廳放滿哥哥張國榮的唱片、海報及紀念品。

樂師傅的鐵板燒餐廳放滿哥哥張國榮的唱片、海報及紀念品。

樂師傅的鐵板燒餐廳放滿哥哥張國榮的唱片、海報及紀念品。

樂師傅的鐵板燒餐廳放滿哥哥張國榮的唱片、海報及紀念品。

鐵板燒店只招呼預訂客人。

每道菜都是招牌。

今晚（8月21日）「故事味緣」介紹的鐵板燒餐廳標榜無油煮食，招積處只招待預約客人如私房菜般，walk-in顧(客免問，在今時今日的市道，絕對是藝高人膽大。樂師傅自言賣的鐵板燒融合中西日煮法，一個價錢3種享受，他更自誇說︰「我嘅鐵扒燒係咪最好食？如果講最fusion嘅就絕對係。我唔需要謙虛，因為真係勁，再謙虛就變成虛偽。」所有菜色均由樂師傅自創，由訂座一刻開始，已為顧客展開盛宴，買料到落手落腳煮，都花盡心思，菜式包保只此一家，他繼續牙擦本色︰「我下晝就會叫佢哋留肚，因為每一道都係招牌菜，真係要揀一款signature梗係『18層海膽杯』。」18款配料放滿香檳杯內，每層有不同口感，用的北海道根室海膽。樂師傅入行至今都秉承三大偶像的宗旨，分別是︰賭王何鴻燊、劉德華及哥哥張國榮。樂師傅將餐廳比喻成賭場，就是最驚顧人不來，一來必定讓他們吃到最好及飽；他亦如劉德華般深愛支持自己的fans。而哥哥張國榮於訪問中的豪言，成為樂師傅的座右銘︰「佢話過『我張國榮係一個信心保證，買得飛嚟睇我，就畀最好嘅嘢你』。」店內放滿張國榮的黑膠唱片、電影海報，興之所至還可以點播哥哥的歌曲，試過有客人聽完後感動到落淚。

試過客人聽哥哥的歌落淚。

樂師傅為客人預備的盛宴，由接下訂單一刻開始。

樂師傅菜式愛用海膽，選材為北海道根室海膽。

18層海膽杯

海膽醬芝士焗龍蝦

火焰海膽甲羅燒

此外，韓國綜藝節目《黑白大廚：料理階級大戰》中的白湯匙廚師金主廚金度潤早前來港，拍攝韓國電視節目。金主廚亦趁機跟食評人謝嫣薇Agnes聚舊，為《美食新聞報道》擔任嘉賓同行仔四出搵食。金主廚接受訪問時表示，覺得香港食物食落舒服，不像韓國菜般刺激。特別欣賞多用乾貨入饌，他解釋因為自身都是「乾貨專家」。不過談到最難忘的香港美食，金主廚竟然反樸歸真說︰「最愛粥麵店白粥配油炸鬼，因為食落超級舒服，韓國亦都無呢類配搭。」想知道金主廚還吃了什麼，就要繼續留意 《美食新聞報道》。

Agnes跟行仔盡地主之誼，帶金主廚品嚐中式美食。

金主廚對乾貨海味情有獨鍾。

金主廚對Agnes的介紹讚口不絕。

「廚壇魔術師」楊尚友（Christian）主持飲食資訊節目《東方表行 Take Your Time 呈獻︰老友記》，今晚（19日）九點半TVB Plus（82台）播映最後一集。

Christian推介西環一間燒味店，燒鵝做到皮脆肉嫩。

Christian幫手醃製燒鵝。

今晚（19日）楊尚友（Christian）繼續在西環覓食，推介一間燒味店，該店憑一碗燒鵝髀瀨粉賣到街知巷聞，更連續多年成為米芝蓮必比登推介店。Christian認為「斬料」是香港一樣很重要的食物，可謂「由細食到大」，所以每一位香港人都是燒味專家。

今集介紹的燒味店可以分成兩個階段︰老店跟新店，老闆吳先生在舊舖接手姨丈的燒臘店時，燒味是靠別人供貨，直到搬到現在的新舖，他才扚起心肝炮製自家出品，他解釋說︰「因為焗住要自己做，嗰時連燒爐要用咩溫度先燒得最靚都唔知，咪慢慢燒日日試囉，試唔啱就掉。燒腩仔都係呢幾年先爆得靚，之前都唔識點爆。因為我真係無師傅，亦無人問只有上網睇。」

香港人由細食「斬料」到大，所以人人都可以是燒臘專家。

西環名物之一的燒鵝髀瀨粉。

吳先生想起當初開店，以為只是手板眼見功夫，每日傻到去別人店偷師學斬料，到正式埋砧板才知難，他笑說︰「開頭真係好慘，做到頂唔順走返去揸的士，老婆惟有請師傅頂我個位。初頭睇姨丈做真係以為好易，心諗佢攞啲貨返嚟斬都咁多客，實無問題啦。」事與願違舊客見換了老闆便調頭走，吳先生無奈說︰「直情30蚊嘅機會（幫襯）都唔畀我，一路做到無晒意氣，瞓唔到又喊，嗰時先知真係咁難。」好在吳先生有一位賢內助堅持及撐下去，兩夫妻努力下成功殺出血路，有了現時的光景，吳先生自豪說︰「以前姨丈啲客到而家只佔二成左右，其餘都係自己儲返嚟嘅新客。」

該店的燒腩仔及叉燒同樣出色。

老闆吳先生直言能撐到現在，全靠身旁的賢內助。