JFFTLIVE音樂擂台現場版變大型K場 曾傲棐突擊宣布11月尾麥花臣開Show

JFFT又玩出新花樣！今次將「JFFLIVE音樂擂台」搬去現實世界，昨晚（8月26日）於新蒲崗Portal舉行「雞翼@JFFT x 牙粉音樂擂台現場版」，主腦雞翼（翼sir）跟牙粉曾傲棐（Arvin）實行「由線上玩到線下」。

JFFT將「JFFLIVE音樂擂台」搬去現實世界。

主腦雞翼跟牙粉曾傲棐「由線上玩到線下」。

整個show分為上下半場，上半場於YouTube同步一個鐘免費直播，最高峰同時有三千多人收看，chat room留言快到睇唔切；下半場則是限定現場個半小時狂歡，現場塞滿500個熱情粉絲，未開場已經high到震。而兩位主角出場時已經贏盡眼球，二人分別穿上自己心愛球隊的波衫上陣，翼sir忠心撐曼聯，Arvin則是利物浦fans，未開口唱歌已經壁壘分明 。

上半場於YouTube同步一個鐘免費直播。

下半場則是限定現場個半小時狂歡。

講到唱歌，兩位絕對冇留手，完全還原JFFTLIVE音樂擂台的精神，現場你點我唱。一開口都是集體回憶殺，《幼稚完》、《耿耿於懷》、《地下街》、《思覺失調》、《你瞞我瞞》等，fans都由頭跟住唱到尾，現場瞬間變身大型金曲K房。去到encore環節更加癲，竟然唱足十二分鐘的《勁歌金曲》！

雞翼、曾傲棐

現場大玩你點我唱。

除此之外，另一高潮位就是Arvin於show上宣佈11月尾於麥花臣場館開個人show！台下即時尖叫聲四起，一眾粉絲又要準備撲飛啦！

曾傲棐Arvin

曾傲棐Arvin

全場大合照

去年曾傲棐（Arvin）跟女團Lolly Talk成員Sinnie合作年度Medley，影片上架後，即一度停留Youtube熱門音樂影片二十大。今年Arvin再下一城，他的「年度歌曲精選Medley」企劃，找來今年殺入「叱咤2025我最喜愛組合」五強之一的樂隊「晚安莉莉」一齊玩，將2025年的年度歌曲一次過大晒冷！

今年與「晚安莉莉」一齊玩

去年影片成績亮眼，今年更犀利！影片上架未夠24小時，已經極速衝上YouTube香港區熱門影片榜二十大，兩日內更升至第九位，不少網民都話要瘋狂重溫，又謂是每年最期待的影片之一。問到是否想將這個Medley變成年度指定動作，Arvin話：「希望有呢個能力啦！每年都有好多好歌，有啲係Greatest Hit，有啲係遺珠。做呢個Project除咗想大家回顧一年嘅作品，都想自己聽返啲聽漏咗嘅好歌。」

做呢個Project除咗想大家回顧一年嘅作品，都想自己聽返啲聽漏咗嘅好歌。

找來「晚安莉莉」合作，原來他們早於今年八月的「JFFTLIVE音樂擂台現場版」已經結緣，「演唱會搵咗佢哋，然後上年又搵咗Sinnie（晚安莉莉主音），佢哋（晚安莉莉）又作為今年新人單位，成件事就好自然咁樣走埋咗一齊。」佢就超級興奮：「唔理大家覺得夾唔夾硬，啲歌編排夾唔夾，或者出嚟效果好唔好聽，我哋就玩得好爽！好少有呢種一齊Produce件作品出嚟嘅感覺。」一年下來有不少歌曲推出，Arvin揀歌準則直接又霸氣，「每年都係一樣：我哋中意。」問到眾多歌曲中他最喜歡哪一首？他笑着說：「《第三人稱》，唔係唔推自己歌下話！」

玩得好爽

影片出街後，除了獲得不少網民大讚「好正」，同時亦有網民留言指Arvin跟Sinnie合作很有火花，畫面好Sweet，Arvin搞笑回應：「我係清白的。」唔知fans收唔收貨呢？除此之外，Arvin又透露正在籌備拍攝更多音樂向的影片，目的是自肥一番，「俾自己過多啲歌癮，但講到年度歌曲咁就梗係keep返一年做一次就夠晒數，哈哈。」

有網民留言指Arvin跟Sinnie合作很有火花