人稱「中佬天花板」的實力派演員張兆輝，日前到新城廣播接受李有毅（Ben）和兒子李國煒（Benson）主持的《Ben同Benson『Chur』到行》訪問，暢談嚴父塑造的堅韌性格，還有年過60歲仍保持最佳狀態的秘訣，令人津津樂道。
張兆輝接受新城廣播《Ben同Benson『Chur』到行》訪問。
張兆輝回憶在沙田美林邨的成長歲月，父親經營屠宰生意，管教極為嚴格，犯錯就打腳板，但教識他「承諾必守」，由於兒時物質匱乏，他惟有與兄妹自創童趣：「我哋會將雪條棍製成玩具槍，又會去城門河釣魚仔，踢住個爛膠波就玩一日，嗰時開心好簡單，依家啲小朋友反而少咗呢份創造力。」 18歲那年因父親一句「以後靠自己」，促使張兆輝報考TVB第11期訓練班，他稱：「去到廣播道見到好熱鬧，好多人喺到睇明星，又有古裝人上車出發去拍劇。」他形容面試時TVB高層坐滿長桌的震撼場景，自己則幸運地從四千名競爭者中脫穎而出，與梁朝偉、周星馳、歐陽震華、關禮傑等成為同期訓練班同學。 而他踏上主角之路亦跟《香港早晨》有關，1983年被編入「活力先生」教觀眾做運動，到1986年憑正氣形象獲監製青睞主演《神勇CID》，開啟黃金十年。不過，在事業巔峰時，他為陪伴新生兒子，毅然離開TVB。張兆輝表示：「差一年就滿廿年金牌約，但我想多啲陪小朋友，時間可以喺自己到。」
左起：李有毅、張兆輝、李國煒
後來張兆輝轉行助妻子經營美容生意，笑稱自己是「打雜」；一年後，杜琪峯導演看到《倚天屠龍記》賞識其演技，邀他拍攝《大隻佬》重返影壇，「電影拍攝時間短，多數拍一組戲，返到屋企可以見到小朋友，讀小學時都係我接送返放學，依家仔女大咗好少坐埋一齊，要等阿女放假返嚟香港先可以見一、兩次。」 張兆輝年過60歲仍keep得相當Fit，獲得「美魔男」稱號的他，透露秘訣在每日清晨五點踩單車；同時熱愛潛水的他，亦因潛水改變其人生觀：「70呎海底聽唔到任何聲音，睇住啲魚群逆流而上，煩惱都會變得好渺小。」張兆輝與太太牽手28年，他自評是70分丈夫，「做演員難免會帶情緒返屋企，有時會黑面唔出聲，好彩太太包容，佢連我嘅皮膚保養都操心，絕對係滿分太太。」
張兆輝
詳細節目內容，請留意8月30日，晚上11時–凌晨1時，新城知訊台《Ben同Benson『Chur』到行》，網址：https://www.metroradio.com.hk/MetroInfo/
藝人林漪娸日前到新城廣播接受李有毅與兒子李國煒主持的《Ben同Benson「Chur」到行》錄音訪問，回憶與昔日「紳士拍檔」的合作點滴，同時罕有大爆當年拍攝一場接吻戲時，某男演員突然「加料」伸脷，突襲舉動令她至今難忘，笑指當年疑似「被蝦𡃁妹」。
林漪娸接受李有毅、李國煒訪問
林漪娸在訪問中回憶兒時在深水埗、美孚一帶成長的歲月，她形容那個年代雖然生活不算富裕，但大部分人都是很快樂的。被問及兒時夢想，林漪娸坦言從未想過當演員：「完全冇，我個人唔係好有大志，因為媽媽係家庭主婦，好下意識就覺得將來長大後要結婚生仔。」由於緣份未到，加上進入娛樂圈後對演戲產生熱誠：「開始明白多一啲，做得好一啲，慢慢就有火。」
林漪娸
談到1980年代參選香港小姐，林漪娸表示當時心態純粹是玩：「我表姐提名我嘅，心態完全係玩，冇諗到要攞名次。」她笑言其他佳麗做足準備功夫，自己卻是「傻仔」一個，連穿高跟鞋也不優雅。至於穿泳衣環節，她更顯得毫不在乎：「泳衣嘅部分冇所謂啦，我著一件頭，點會介意。」
林漪娸回憶入行後第一個工作是與任達華合作拍攝：「佢照顧得我好好，而且好錫我。」她指當年不懂演戲，講完自己對白就當作演完，完全沒有理會對手，但任達華卻很有耐性地教她演戲。問到與任達華合作可有心動？她笑言：「佢嗰時有女朋友喇，當你知道嗰個人有女朋友，你就唔會諗呢啲，你唔諗，又何來心動呢？」
林漪娸接受李有毅、李國煒訪問
談到螢幕初吻，林漪娸透露獻給了戴志偉，她更自爆：「劇本寫我同任達華結婚嘅，仲會錫錫，睇到劇本就好驚，因為未拍過，但任達華就好gentleman，會同監製話唔好錫錫，錫吓面就算。」林漪娸愈講愈激動，她連珠炮發表示：「呢個戴志偉就唔係，嗰場戲講我同佢喺馬路鍚，明明係錫錫，佢伸脷喎！戴志偉你記唔記得？我就記得好清楚，佢肯定蝦𡃁妹啦！」林漪娸又自爆當年拍《壹號皇庭》與駱應鈞有親吻戲份，大爆對方十分害羞：「佢（駱應鈞）做戲好好，但好怕醜，一去到拍感情戲就好怕醜，男仔會緊張過女仔，除咗戴志偉。」
林漪娸接受李有毅、李國煒訪問
林漪娸的丈夫是前高級警司譚德榮，她形容丈夫是「鐵漢」，自己則是「柔情」：「兩個人相處最緊要舒服，如果佢又硬，你又硬，成日頂撞係冇意思。我會成日講『I love you』，佢唔會講，只會講『love』，但唔好逼佢，知道佢內心係咁就得。」
在65歲生日當天，林漪娸前往一個中心幫助四期癌症病人，她大讚中心的師傅很無私，因為完全不收費，而且很多病人上去練光和練氣後效果顯著。「有啲本來好痛，又要食好多嗎啡，依家可能只係食一次，或者唔使食，仲可以自己上去。」
林漪娸
詳細節目內容，請重溫5月16日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/
