全城矚目選美盛事《2025香港小姐競選決賽》圓滿結束，1號李尹嫣（Victoria）雖無緣三甲，但連奪「友誼小姐」及「最上鏡小姐」，Victoria直言好開心，「最上鏡小姐一定係對我鏡頭感同埋上鏡程度嘅一個好大嘅認可，另外友誼小姐都係好多謝13位佳麗對我嘅認可，咁所以兩樣我都好開心！」
本網記者攝
最上鏡小姐評判（本網記者攝）
本網記者攝
Victoria表示能夠入圍最後五強已經好好，對自己今晚的表現亦好滿意，「我都知道有好多網民係網度支持我，咁好似我頭先嘅得獎感言咁，我已經對自己嘅表現好滿意，我係心目中呢已經覺得自己係冠軍㗎啦，我覺得呢個三甲係唔緊要嘅，最緊要都係我自己滿意自己！」而她最難忘就是與張敬軒的開幕表演，「當時成個畫面真係好震撼，其實我記得我哋琴日第一次full run嘅時候，我同埋2號、3號，我哋喺度排緊隊要出場嘅時候，我哋已經係好熱淚盈眶，就覺得：嘩！好激動，因為成個場面真係太震撼，太好睇啦！」本身學音樂的Victoria又大讚張敬軒舞臺表演力非常好，並希望將來能再與他合作。
本網記者攝
本網記者攝
問到會否希望加入演藝圈？Victoria表示希望可以演戲，或做一些舞台表演相關的工作，並指劉穎鏇是她最喜歡的TVB演員，「佢都係以前嘅港姐，我就好鍾意佢做啲劇集啦，同埋我就見到喺呢九年嚟，佢當選咗之後，佢每年都係一直喺度進步緊，越嚟越努力，又保持佢嘅身材同埋演戲嘅技術都係超級越嚟越好，咁所以我係向佢致敬，同埋我希望以後都可以變成佢咁優秀！」
本網記者攝
本網記者攝
由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），昨晚（2月21日）八點半翡翠台播出，挑戰藝人有黃洛妍Janees及於倫敦大學主修音樂的應屆港姐李尹嫣。而除了三位常規主持，陸浩明將聯同Plan V其餘四位成員：江廷慧、彭家賢、陳昊廷及侯雋熙主持直播間，而今集直播間嘉賓是二度降臨的《唱錢》鐵粉張與辰！
黃洛妍（Janees）挑戰多首高難度歌曲，其中翻唱葉蒨文《祝福》時，綜合成績高達97.3%，拍子準確率更達99.1%，被網民封為真正唱將
她自爆每首歌至少練習100次，連咬字細節都精心設計。
昨晚（21日）一集，Janees挑戰歌單順Level為：Level 1《天窗》、Level 2《祝福》、Level 3《呼吸有害》、Level 4《傾城》、Level 5《雨愛》、Level 6《電燈膽》、Level 7《失戀無罪》、Level 8《Where Did You Go》，Monster Level歌曲則為《I Will Always Love You》，當中堪稱嗌爆咪的《失戀無罪》更獲封「鐵肺之歌」。
獲激讚「尊重節目、尊重自己」。
最終她為觀眾贏得一萬港元獎金。
Eric Kwok封《I Will Always Love You》「難中之難」神曲
天生靚聲的Janees，頭8關絕對可以「愈唱愈強」形容，挑戰Level 7及Level 8歌曲時，綜合成績更分別錄得94.2%及95%，就連Eric Kwok也對Janees讚不絕口：「愈難嗰啲佢先愈勁」、「佢勁得嚟仲要好聽吖嘛」。為免「獎金歸零」，Janees最終選擇不挑戰Monster歌曲，為當晚觀眾成功贏走一萬港元獎金；不過Janees事後仍有大方試玩「難度區」超長的Monster歌曲《I Will Always Love You》，最終唱了42秒後宣告失敗。事後Eric Kwok直指《I Will Always Love You》是「難中之難」的歌曲。「其實Monster Level都有幾級，有難，超難，同埋點解要咁難，呢首歌就係點解要咁難喇。」
Janees全晚最好表現的，是Level 2的《祝福》，綜合成績97.3%之餘，拍子準確率更高達99.1%，獲森美大讚：「直情係音樂會嗰種享受。」更神的是，Janees就連聲線與聲音轉折位，也與原唱葉蒨文「神倒模」，事後Janess坦言為了唱出佳績，每首歌至少練習了100遍，除了拍子、音準，還包括特色設計位及咬字；Janees更笑指自己最喜歡練習，堪稱「練習之鬼」。
Janees：「我會嘗試將我所有練習嘅嘢攞番出嚟」、「我個人最鍾意練習架喇。為咗今次挑戰，我每首歌首先都會聽番原唱，一句一句咁聽，聽完一句再跟住唱一句，跟住中間如果聽到有咩特別嘅design，我會跟足佢。跟住之後就兩句、三句咁練，然後四、五句咁練，再黐埋12345（句）咁練。然後我會錄低自己（唱歌），之後再跟番原唱齊齊播，跟住就發現自己成日有啲位硬係錯，有時係咬字、有時係拍子。」
至於李尹嫣則成功挑戰四關，贏得1000港元。
她憑急才及口才獲森美大讚：「好鍾意呢啲香港小姐，好貼地！」
李尹嫣為觀眾送上逾萬元現金賀新春。
「未來HK樂壇接班人，唱作都有才華」
節目組還釋出了Janees忘情練習的片段，只見Janees除了投入至忘卻表情管理、更煩惱肉緊至頭髮亂了，投入度爆燈。對於Janees如此認真練習及對待比賽，網民大大力讚好，並認為Janees是有實力的唱將：「欣賞Janees認真練習，尊重節目、尊重自己」、「唱得好好，好有實力」、「唱《祝福》好似原版翻唱咁」、「既有修養又不失可愛」、「每首歌都唱得好好」、「近年最值得關注嘅音樂新人」、「未來HK樂壇接班人，唱作都有才華」、「欣賞佢有啲料到」、「真係唱將」、「一開聲就知實力派」、「有實力嘅人自然會發光」。
至於獲同屆港姐岳凡荻及蔡華英到場打氣的李尹嫣，則先後成功挑戰了Level 1 《攻心計》、Level 2《Show You》、Level 3《眼淚的秘密》及Level 6 《女神》，為觀眾贏走1000港元獎金。但論綜合表現，李尹嫣口才更勝唱功，當森美介紹李尹嫣的音樂背景時，李尹嫣先是拋出「有Check嘢喎」讚嘆森美、完全零怯場；之後又以「我自己瘀皮咋嘛」來形容自己參賽不及為觀眾爭取獎金般緊張，終獲森美大讚：「好鍾意呢啲香港小姐，好貼地！」
