蔡一傑康復重啟巡唱 草蜢宣布明年4月紅館舉行40周年演唱會

香港天團草蜢再出發，由於去年成員蔡一傑接受腦部手術，原定「Re:GRASSHOPPER演唱會」世界巡迴演唱會暫停，隨著傑仔康復進度非常理想，巡唱再次啟動。同時亦積極籌備明年4月紅館，草蜢40周年演唱會及推出全新專輯。而傑仔亦宣布好消息，他配合新歌《老的辣》將推出「老的辣撈麵」，寓意大家撈到風山水起，身體健康。

草蜢宣布明年4月紅館舉行40周年演唱會，並推出新專輯。

蔡一智說：「今次『Re ：GRASSHOPPER演唱會』真係同『Re 』呢個字好有緣份，喺傑仔Recover（康復）之後，再Restart（重啟），我哋將呢個演唱會帶去新加坡、澳門、馬來西亞、廣州等地方，同大家一齊Reunion（重聚）。我哋亦都會將好多草蜢經典歌曲Rearrange（重編），希望帶俾大家耳目一新嘅感覺！」

阿智用「打邊爐」形容演唱會重啟，笑說：「同喺香港打邊爐一樣，你打過一次邊爐，點會唔打第二次？食第二次會有唔同感覺。」蘇志威補充：「因為會有新菜式！」傑仔點頭，阿智說：「今次呢鍋邊爐就加咗辣，因為蔡一傑寫咗首新歌《老的辣》，所謂『薑是老的辣』，有唔同食法。所以即使之前睇過都可以再睇，因為係不一樣！」

蔡一傑康復，重啟「Re：GRASSHOPPER演唱會」巡唱。

傑仔笑言不單只有得睇，亦有得食，說：「我對『傑少煮意』（他的網上烹飪節目）嘅支持者講聲對唔住，我差唔多接近兩年無上新片，首先係咁做巡迴演唱會，後來我要做手術，所以今次推出『老的辣麵』希望大家包涵包涵！」他透露是「撈麵」，阿智笑說：「食咗就咩都有得撈！」傑仔表示希望大家撈到風生水起！

蔡一智

蔡一智

完成四站「Re：GRASSHOPPER演唱會」巡唱後，緊接啟動「草蜢40周年企劃」，包括收錄了傑仔新作《老的辣》和阿智作品《Framily》的專輯，以及2026年4月紅館演唱會和世界巡迴演唱會。阿智說：「上次喺Kelly（陳慧琳）演唱會宣布呢個消息之後，親朋好友開始追Call我哋要買飛。呼籲大家唔好再搵我，我Quota（配額）爆架啦，搵佢哋（指住傑仔和蘇志威）或者林珊珊（經理人），預計12月公布訂票詳情。」

蘇志威

蘇志威

草蜢馬不停蹄，忙於兩個大型演唱會期間，下月初中秋節參與廣州舉行一連三日「超級草莓音樂節2025」其中一場演出，預告將勁歌熱舞接近一個小時。阿智表示會帶月餅、茶和應節食品一齊去做騷，草蜢一齊過中秋，人月三團圓！

蔡一傑

蔡一傑

草蜢宣布明年4月紅館舉行40周年演唱會，並推出新專輯。

香港天團草蜢日前於馬來西亞雲頂雲星劇場舉行「草蜢RE:GRASSHOPPER巡迴演唱會2025－馬來西亞站」，元旦將至，三子將演唱會化身成跨年倒數派對般傾力演出，全場座無虛席、氣氛熾熱，樂迷更蜂湧到台前爭相與草蜢握手，又唱又跳提早迎接2026年。巡唱來到尾二站，三子大感不捨，預告推出「RE:GRASSHOPPER」演唱會藍光碟，讓樂迷重溫每個精彩時刻，發佈會將於1月4日（星期日）於香港的圍方舉行。除此之外，草蜢還相約大家明年四月紅館見！

草蜢雲頂開騷化身跨年派對氣氛High爆！

草蜢以一連串快歌為演唱會揭開序幕，《華麗舞台》、《三分鐘放蹤》、《紅唇的吻》、《今晚停了電》等名曲前奏一響，全場樂迷立即站起來，手拿螢光棒跟着節奏盡情搖擺，氣氛高漲。他們又獻唱新歌《老的辣》，蔡一智（阿智）感性表示：「呢首歌請到Wyman（黃偉文）填詞，佢話我哋喺台上已經40年，經歷過好多風風雨雨，但經歷咗咁多風雨，愈老就愈辣，送畀大家《老的辣》。」蔡一傑（傑少）續說：「草蜢今年入行40年，一隊組合要行40年並不是易事。明年四月就會喺紅館舉行我哋40周年全新嘅演唱會，到時大家一定要嚟睇我哋！」全場報以熱烈掌聲和尖叫聲回應。

草蜢Encore後樂迷依然意猶未盡，寵粉的三子加插點唱環節，更應樂迷要求獻唱《怎麼天生不是女人》以及師傅梅艷芳的經典金曲《夢伴》，音樂一響，三子拿起Mic Stand合拍地跳唱，傑少說：「好開心可以唱阿梅嘅歌，全場歡眾起晒身一齊跳。諗返起同阿梅一齊周遊列國登台，瞇埋眼都識唱、識跳，動作、歌詞已經入晒血。」接着，一名男樂迷情深款款點唱《永遠愛著你》，更獲邀上台與草蜢合唱。這位男樂迷原來是唱得之人，一開口即贏盡掌聲，非常厲害。阿智笑說：「佢搶咗我支咪嚟唱，估唔到真係幾勁！」

蔡一傑

蘇志威

蔡一智

另外，來到盛產榴槤的馬來西亞，阿智和蘇志威（蘇老闆）一到埗即品嚐D24、貓山王等等不同品種的榴槤，兩位吃得津津有味大讚齒頰留香，「榴槤小隊」卻獨欠傑少一人。傑少透露因生病近一星期，為免影響演出必須戒口，他說：「好驚開唔到聲，呢幾日仲係好唔舒服，今日演出順利，好開心！歌迷真係勁，連我感冒都可以唱返開把聲，多謝你哋！我呢幾日忍住唔同人講嘢，又唔敢飲凍嘢、唔敢食生果，因為唔食得生冷嘢，你哋個個喺度食榴槤，我好想食又唔食得，幾忍得口。」阿智笑說：「馬來西亞觀眾真係好熱情，佢哋嘅掌聲同尖叫聲令你啲病都走埋。」三子大讚馬來西亞樂迷「誇啦啦」，深深被他們的熱情所打動。

巡唱歷時4年。

近尾聲感不捨。

橫跨四年的「草蜢 RE:GRASSHOPPER巡迴演唱會」來到尾二站，阿智坦言非常不捨，說：「由2022年香港紅館出發，仲有明年一月最後一場，好唔捨得，做一場冇一場，我哋三個都好滿意、好鍾意『RE:GRASSHOPPER演唱會』嘅內容。」蘇老闆同意說：「聽到好多歌迷嘅Feedback都話好鍾意！」傑少隨即帶來好消息，預告將推出「RE:GRASSHOPPER」演唱會藍光碟，他興奮說：「 可以睇返好多呢個演唱會唔同嘅點滴，大家一定要密切留意！」阿智表示：「當你掛住草蜢時，就可以拎呢隻藍光碟出嚟回味『RE:GRASSHOPPER』嘅旅程，知道好多歌迷去咗好多唔同地方支持我哋，非常感謝大家喺過去幾年鼎力支持我哋呢個Tour。我哋會好好享受最後一站，然後出年四月有一個全新演出！」草蜢約定大定明年1月24號於廣州體育館「RE:GRASSHOPPER」巡唱尾站，以及四月於紅館相見。

預告推出演唱會藍光碟。