草蜢重啟巡迴演唱會 蔡一傑手術後強勢回歸 勁歌熱舞狀態大勇

香港天團草蜢的巡迴演唱會「RE:GRASSHOPPER」重新啟動，日前於新加坡聖淘沙舉行，亦是成員蔡一傑（傑少）接受腦部手術後強勢回歸巡唱舞台。傑少狀態大勇在台上勁歌熱舞，他感激觀眾的等待和支持，激動說：「好耐冇見！我話我會迅速好返，然後再踏上舞台，今晚就係我哋嘅Party Night！」全場觀眾拍手歡呼，氣氛High爆。

草蜢

草蜢

草蜢以連串快歌為演唱會揭開序幕，一口氣跳唱《好戲在後頭》、《華麗舞台》、《三分鐘放蹤》、《紅唇的吻》、《今晚停了電》、《失戀》和《ABC》，觀眾亮起手上燈棒又唱又跳，氣氛高漲。蔡一智（阿智）高呼：「今日係蔡一傑強勢回歸舞台嘅日子，大家同我哋一齊Party慶祝！再返嚟非常之唔容易，你哋第一時間買飛，真係抵錫！」時隔一年重返巡唱舞台，傑少表示以平常心面對：「我覺得非常從容，可能有朋友會擔心我上返舞台嘅情況，但我可以同大家講，同以前冇乜分別，大家唔使擔心我，今晚玩得非常開心。」蘇志威（蘇老闆）被歌迷的熱情感動大叫好玩。

蔡一傑

蔡一傑

蔡一傑

蔡一智

蘇志威

蔡一傑

蔡一傑

今次演唱會草蜢特別獻唱《You’ve Got a Friend》，悼念已故戰友髮型師Jacky Ma。阿智說：「以往每次嚟新加坡開騷，Jacky都會同我哋一齊，咁啱今日係佢生日，所以特別揀咗一首佢鍾意嘅歌。」大螢幕上播出多張草蜢與Jacky的合照，三子於綵排期間看到片段時一度感觸落淚，場面感人。傑少說：「我忍唔住流眼淚，好掛住Jacky Ma。綵排時就睇晒所有相喊咗佢先，正式開騷時就點都唔望後面，因為一喊就唱唔到歌。諗返起世界各地大小嘅演唱會，佢都係同我哋一齊，好懷念呢位好朋友。」蘇老闆和阿智同樣擔心喊會影響演出，所以正式開騷時不敢看大螢幕。阿智坦言：「今晚好特別、好溫暖，多謝我哋嘅戰友、多謝新加坡嘅觀眾朋友。」

悼念已故戰友髮型師Jacky Ma

悼念已故戰友髮型師Jacky Ma

草蜢於Encore時唱完《我們》和《愛不怕》後，觀眾依然意猶未盡，寵粉的三子即場加插點唱環節，加碼送上《暗戀的代價》以及《有緣來做伙》，全場大合唱。阿智笑言：「好彩啲歌詞考唔起我哋，國語歌、台語歌，閩南歌都記得，估唔到《暗戀的代價》全場都識唱，真係太開心。」

草蜢

草蜢

草蜢

草蜢

草蜢

草蜢

他們還趁着演出空檔拉大隊到當地非常出名的大排檔食宵夜，黑椒炒蟹、燒雞翼、魚蛋等美食擺滿長枱。阿智說：「好似食Buffet咁，好開心，我飽到今朝。」傑少想起第一次跟師傅梅艷芳出埠演出的回憶，說：「第一次出埠就係嚟新加坡，我有成30年冇去過嗰個大排檔，見返好多新加坡嘅好朋友，個個都好似街坊咁好熱情咁同我哋影相。」阿智補充說：「第一次去嗰個大排檔食嘅大魚蛋，噚日食返仍然係咁彈牙。」他還透露一落機就收到歌迷送上的榴蓮蛋糕、斑蘭蛋糕等等的新加坡名物，草蜢感激大家的支持，約定明年4月香港紅館見。

草蜢

草蜢

殿堂級組合草蜢一連兩場《GRASSHOPPER THREE IN LOVE CONCERT 草蜢演唱會2026》馬來西亞站日前圓滿落幕。現場座無虛席，逾萬名樂迷跟隨節奏跳足三小時，場館瞬間化身成大型狂歡派對，氣氛極度熾熱！

草蜢馬來西亞開騷萬人跳爆場館。

草蜢以《A.E.I.O.U》、《紅唇的吻》、《又愛又恨》等多首經典快歌為演唱會揭開序幕，前奏一響，全場逾萬名樂迷即時起立，隨着節拍揮動螢光棒並全場大合唱。談及馬來西亞樂迷的熱情，草蜢於完騷後接受訪問時仍難掩興奮。蔡一智表示：「非常開心，我以為新加坡站嘅觀眾勁，原來馬來西亞嘅觀眾都唔弱。」蔡一傑感動說：「今晚嘅觀眾真係Very Good，冇得頂！如果佢哋冇畀到呢啲力量我哋，我哋都冇咁興奮！」

兩度Encore加碼送歌。

阿智更特別提到現場化身大型舞池的震撼場面：「呢個場館好大，坐咗成萬幾人，我哋加咗好多 Mirror Ball，頭先真係好似一個大型派對。馬來西亞嘅Clubbing都好勁，頭先好似一萬人喺度Clubbing，個感覺好正。」他還溫馨提示入場的樂迷記得穿運動鞋：「我哋啲樂迷愈來愈醒目，睇草蜢個個都着波鞋。有一位樂迷問佢家姐點解要着，睇完個騷佢就明白。」

蘇志威

蔡一傑

蔡一智

演唱會尾聲，全場萬名樂迷依然不肯離場，大嗌 Encore。為了不讓樂迷失望，草蜢兩度Encore加碼送上經典名曲《世界會變得很美》及《永遠愛著您》，帶動全場大合唱掀起最後高潮，樂迷才依依不捨離去。阿智感激道：「噚晚已經好勁，啲觀眾已經唔走，我哋要出返去清唱咗兩首歌。今日仲勁，我哋仲加碼添。」傑少補充指，適逢當地假期，令大家的興奮情緒更加高漲。

草蜢獲大會安排榴槤放題。

除了樂迷的熱情令草蜢大受感動外，主辦單位亦為三子及團隊準備了極具當地特色的驚喜——「榴槤車」，讓台前幕後在開騷前免費「任食放題」品嚐極品榴槤。為了以最佳狀態登台，草蜢在備戰期間一直保持清淡飲食，如今順利完騷，三人笑言終於可以大開食戒，蘇志威更急不及待狂食榴槤！

順利完成馬來西亞站後，草蜢隨即宣布《THREE IN LOVE》巡迴演唱會將於10月移師澳門舉行，更透露澳門站將採用極為罕見且震撼的「四面台」舞台設計。蘇老闆表示：「除咗香港嘅紅館外，我哋嘅巡迴演唱會多數係三面台，澳門開四面台係好難得。」三子呼籲樂迷切勿錯過，一同親臨現場感受四面台的威力。

預告10月移師澳門開四面台。