草蜢再登大巨蛋任「職棒明星賽」壓軸表演嘉賓 隔空許願成功獲陳傑憲送贈簽名波

殿堂級組合草蜢日前獲邀擔任「2026中華職棒明星對抗賽」的壓軸表演嘉賓，連續兩星期兩度登上台北大巨蛋舞台，創下組合演出紀錄！草蜢一口氣帶來《失戀陣線聯盟》、《半點心》、《寶貝對不起》以及《忘情森巴舞》四首經典金曲，大巨蛋瞬間變成五萬人的巨型派對現場。

草蜢日前獲邀擔任「2026中華職棒明星對抗賽」的壓軸表演嘉賓。

表演一開場，草蜢即以代表作《失戀陣線聯盟》炒熱全場氣氛，演出期間耳機突然失靈，雖然聽不到音樂，但三子憑着豐富舞台經驗和超強默契淡定唱完第一首歌。蔡一智透露了當時的臨危不亂，笑說：「好彩以前我哋周遊列國做過大大小小各樣演出，雖然有少少意外，但難唔到我哋三個，唔係咩叫『老的辣』！」

草蜢

草蜢

草蜢

趁着在台上修復耳機的短暫空檔，阿智靈機一觸，把握時間隔空向「隊長」陳傑憲索取簽名：「在剛才的隊伍裏面，有一個我很欣賞的人，就是陳傑憲先生！如果他有空的話，不知道能不能簽一個棒球給我作為禮物？我覺得會是今天最榮幸的事！」他的願望迅速達成，陳傑憲完美示範「有球必應」立即為三位送上簽名棒球。草蜢興奮地展示這份禮物，阿智表示：「好彩因為呢個小意外，我哋獲得『隊長』陳傑憲嘅獨家簽名棒球，我諗全場幾萬人而家好羨慕我哋，我諗住返去鑲起佢！」

蔡一智

蘇志威

蔡一傑

陳傑憲「有球必應」送上簽名棒球。

草蜢隨後演唱《寶貝對不起》與《半點心》，當《寶貝對不起》的前奏響起時，全場五萬名觀眾亮起手機燈，整個大巨蛋瞬間化身璀璨燈海，畫面非常震撼。阿智感動表示：「我哋一月中喺小巨蛋開演唱會，第時有機會一定要嚟大巨蛋開騷。頭先唱《寶貝對不起》感受到全場人一齊唱嘅震撼，着晒手機燈嘅時候，我好似去咗南極睇滿天星，好靚、好溫暖，多謝大家今晚畀我哋嘅掌聲，我非常享受！」

草蜢

草蜢

草蜢

三子邊唱邊狂奔繞場，感受全場粉絲的力量，蔡一傑笑言：「我哋跑咗成個大巨蛋一圈，好開心可以感受到大巨蛋每一個角落，所有Fans嘅力量！」蘇志威亦表示：「我跑勻全場，沿住場邊跑咗一個圈。聽到五萬人嘅歡呼聲真係好開心，嗰個震撼力真係好犀利！」

草蜢

草蜢

草蜢透露返港後會全力投入籌備新碟、新歌錄音等工作，同時為8月29及30日的馬來西亞演唱會做準備，傑少亦叮囑歌迷要一起Keep Fit和練氣，相約大家在馬來西亞及接下來的巡迴演唱會再見！

草蜢

殿堂級組合草蜢一連兩場《GRASSHOPPER THREE IN LOVE CONCERT 草蜢演唱會2026》馬來西亞站日前圓滿落幕。現場座無虛席，逾萬名樂迷跟隨節奏跳足三小時，場館瞬間化身成大型狂歡派對，氣氛極度熾熱！

草蜢馬來西亞開騷萬人跳爆場館。

草蜢以《A.E.I.O.U》、《紅唇的吻》、《又愛又恨》等多首經典快歌為演唱會揭開序幕，前奏一響，全場逾萬名樂迷即時起立，隨着節拍揮動螢光棒並全場大合唱。談及馬來西亞樂迷的熱情，草蜢於完騷後接受訪問時仍難掩興奮。蔡一智表示：「非常開心，我以為新加坡站嘅觀眾勁，原來馬來西亞嘅觀眾都唔弱。」蔡一傑感動說：「今晚嘅觀眾真係Very Good，冇得頂！如果佢哋冇畀到呢啲力量我哋，我哋都冇咁興奮！」

兩度Encore加碼送歌。

阿智更特別提到現場化身大型舞池的震撼場面：「呢個場館好大，坐咗成萬幾人，我哋加咗好多 Mirror Ball，頭先真係好似一個大型派對。馬來西亞嘅Clubbing都好勁，頭先好似一萬人喺度Clubbing，個感覺好正。」他還溫馨提示入場的樂迷記得穿運動鞋：「我哋啲樂迷愈來愈醒目，睇草蜢個個都着波鞋。有一位樂迷問佢家姐點解要着，睇完個騷佢就明白。」

蘇志威

蔡一傑

蔡一智

演唱會尾聲，全場萬名樂迷依然不肯離場，大嗌 Encore。為了不讓樂迷失望，草蜢兩度Encore加碼送上經典名曲《世界會變得很美》及《永遠愛著您》，帶動全場大合唱掀起最後高潮，樂迷才依依不捨離去。阿智感激道：「噚晚已經好勁，啲觀眾已經唔走，我哋要出返去清唱咗兩首歌。今日仲勁，我哋仲加碼添。」傑少補充指，適逢當地假期，令大家的興奮情緒更加高漲。

草蜢獲大會安排榴槤放題。

除了樂迷的熱情令草蜢大受感動外，主辦單位亦為三子及團隊準備了極具當地特色的驚喜——「榴槤車」，讓台前幕後在開騷前免費「任食放題」品嚐極品榴槤。為了以最佳狀態登台，草蜢在備戰期間一直保持清淡飲食，如今順利完騷，三人笑言終於可以大開食戒，蘇志威更急不及待狂食榴槤！

順利完成馬來西亞站後，草蜢隨即宣布《THREE IN LOVE》巡迴演唱會將於10月移師澳門舉行，更透露澳門站將採用極為罕見且震撼的「四面台」舞台設計。蘇老闆表示：「除咗香港嘅紅館外，我哋嘅巡迴演唱會多數係三面台，澳門開四面台係好難得。」三子呼籲樂迷切勿錯過，一同親臨現場感受四面台的威力。

預告10月移師澳門開四面台。