組合草蜢日前到新城廣播接受黎莉主持的《勁爆樂勢力》錄音訪問，宣傳新歌《老的辣》；節目中，草蜢三子不僅分享創作點滴，更暢談成軍近40年的願望，就是成爲樂壇的「Legend」（傳奇），爲香港音樂歷史寫下重要一頁。
草蜢接受黎莉訪問
被問及如何看待近40年的演藝生涯，草蜢分享成爲樂壇傳奇的清晰目標，蔡一智表示他們當年的初心，就是希望「香港有一隊組合」，而這份堅持本身就是一種成就，他感觸表示：「我哋堅持到40年，呢個係我哋嘅夢想，我希望去到60年或者70年，我想做一個Legend，做到Legend之後，喺香港嘅音樂歷史上，一定會有呢一隊組合叫做草蜢。」
草蜢(左起)蔡一智、蔡一傑、蘇志威
蔡一傑補充表示，草蜢不僅限於香港，更代表了香港藝人衝出本地的成就，他稱：「我哋可以代表香港去其他國家，喺嗰度有一席位，創一番輝煌嘅事蹟。」蔡一智又自信而肯定地指出：「成個亞洲係冇好似我哋咁，冇轉過Members、冇停過，40年嘅組合，應該係冇嘅。」蘇志威笑言，如今在網絡上搜索「草蜢」，出現的不再只是昆蟲，而是他們三人的形象，這本身就是時代與成就的印證。
草蜢(左起)蔡一智、蔡一傑、蘇志威
草蜢將能持續近40年的傳奇，歸功於三人夢想一致、互相包容及堅守承諾，他們坦言組合經營不易，一份收入三人分，意見多且競爭大，但他們從未選擇單飛這條輕鬆的路。蔡一智強調，他們最大的不同在於擁有一個共同的夢想——打造一隊「香港製造」的傳奇組合，這種「偏向虎山行」的堅持，所帶來的滿足感是金錢無法衡量的，他更寄語：「我哋係『香港仔』，喺屋邨長大，憑住咁笨拙嘅理想，原來真係可以走到，我哋真係要莫忘呢個地方。」最後，草蜢宣布將於明年4月重返紅館，舉行40周年演唱會，他們表示選擇紅館別具深意，因為他們的夢想正是在此處的四面台起航，重返這個「初心之地」，希望與樂迷一同見證他們40年來堅守舞台的「本分」，共創傳奇新章。
香港殿堂級跳唱組合草蜢，日前現身「港鐵商場圍方 X 草蜢 RE:GRASSHOPPER Concert 藍光碟發佈會」，商場三層擠滿近千Fans，非常熱鬧。草蜢跳唱全新作品《老的辣》和經典金曲《永遠愛著你》，又與Fans玩遊戲送禮物，適逢成員蔡一智（1月3日）生日，公司送生日蛋糕和Fans送禮物，全場大合唱生日歌，場面溫馨。
草蜢日前現身「港鐵商場圍方 X 草蜢 RE:GRASSHOPPER Concert 藍光碟發佈會」。
商場三層擠滿近千Fans！
剛官宣榮升人妻的蔡一傑忠粉阮小儀擔任主持，草蜢一出場就連聲恭喜。活動上，播放草蜢最新作品《老的辣》MV，提到傑仔在MV中，以DJ REMUS身份重出江湖表演打碟，小儀問他有否技癢？傑仔說：「你擺酒嗰日我嚟為你打碟！」全場起哄，小儀笑言：「好，我日日擺酒！」阿智起哄，傑仔說：「大家一齊嚟，記得做人情！」
阮小儀擔任主持
草蜢一出場就連聲恭喜小儀。
「RE:GRASSHOPPER演唱會」藍光碟即日起，於各大唱片店接受預訂。這個演唱會由2022年從香港紅館啟動，然後在世界各地巡唱接近50場，本月24日於廣州舉行終極尾站，他們預告加料演出。足足花了4年時間才完成藍光碟製作，期間經歷了疫情，以及成員蔡一傑接受切除腦部腫瘤手術。傑仔在台上分享：「大家都知道，我之前喺醫院做手術，然後休養。喺呢段時間我冇嘢做，包住個頭去剪片，唔使見人呀嘛，唔靚都冇所謂。」主持阮小儀肉赤，說：「你應該要休息，犧牲休息時間去剪片！」傑仔說：「都幾寫意吖，自己喺剪接嘅時候沉澱吓！」
草蜢
草蜢
蘇志威說：「呢個演唱會好特別，因為當時開騷遇上疫情，我哋可以全部人上台，大家都健健康康，真係好難得。呢個演唱會，見證草蜢喺舞台上跳唱超過100分鐘，我哋咁落力唱跳，畀咗好多心機，好值得歌迷買碟珍藏。」阿智說：「我哋三個花咗好多時間去參與剪輯，記錄咗好多精彩和難忘片段，希望送俾歌迷作為『定情信物』。」他又笑言有「預言家」告訴他藍光碟將大行其道，呼籲歌迷趁今次草蜢出碟，買藍光碟機欣賞追潮流。傑仔說：「黑膠碟都興返啦！我最初以為朋友訂十張八張捧場，點知淨係我嘅朋友訂單已過百張，真識貨！」草蜢揚言銷量超過一萬張就搞活動，阿智提議在蘇志威屋企搞簽名會，蘇志威立即變O嘴樹熊，勁搞笑！
蔡一傑
蘇志威
蔡一智
壽星仔阿智表示最近因離港拍劇，無暇與歌迷開生日會慶祝，感抱歉。他說：「連電影《尋秦記》宣傳都去唔到，唔好意思古仔（古天樂），送你一句口號：『未睇《尋秦記》，點對得住自己』！今次係我人生第一次拍古裝戲，唔使戴頭套，真髮上陣，好值得紀念。」得知電影香港票房即將衝破5千萬元感興奮，草蜢同聲恭喜，並表示將結伴入戲院捧場，傑仔對阿智說：「你生日，我同蘇志威請你睇戲！」阿智表示將於本月18日，參加渣打馬拉松半馬賽事，「今次為長者免費睇中醫和中藥籌款，好有意義，雖然太忙少咗練習，我都會全力以赴。」
為壽星仔阿智慶生。
為壽星仔阿智慶生。
為壽星仔阿智慶生。
隨著「RE:GRASSHOPPER演唱會」藍光碟推出，今年四月草蜢將展開全新旅程，舉行成軍40周年演唱會，首站當然是香港紅館。傑仔台上爆料：「4月最後嗰個星期，大約25、26號開始第一場。」全場歡呼，至於場數就大賣關子，歌迷熱切期待。
全場大合照
