草蜢雲頂開騷化身跨年派對氣氛High爆 巡唱歷時4年近尾聲感不捨

香港天團草蜢日前於馬來西亞雲頂雲星劇場舉行「草蜢RE:GRASSHOPPER巡迴演唱會2025－馬來西亞站」，元旦將至，三子將演唱會化身成跨年倒數派對般傾力演出，全場座無虛席、氣氛熾熱，樂迷更蜂湧到台前爭相與草蜢握手，又唱又跳提早迎接2026年。巡唱來到尾二站，三子大感不捨，預告推出「RE:GRASSHOPPER」演唱會藍光碟，讓樂迷重溫每個精彩時刻，發佈會將於1月4日（星期日）於香港的圍方舉行。除此之外，草蜢還相約大家明年四月紅館見！

草蜢雲頂開騷化身跨年派對氣氛High爆！

草蜢以一連串快歌為演唱會揭開序幕，《華麗舞台》、《三分鐘放蹤》、《紅唇的吻》、《今晚停了電》等名曲前奏一響，全場樂迷立即站起來，手拿螢光棒跟着節奏盡情搖擺，氣氛高漲。他們又獻唱新歌《老的辣》，蔡一智（阿智）感性表示：「呢首歌請到Wyman（黃偉文）填詞，佢話我哋喺台上已經40年，經歷過好多風風雨雨，但經歷咗咁多風雨，愈老就愈辣，送畀大家《老的辣》。」蔡一傑（傑少）續說：「草蜢今年入行40年，一隊組合要行40年並不是易事。明年四月就會喺紅館舉行我哋40周年全新嘅演唱會，到時大家一定要嚟睇我哋！」全場報以熱烈掌聲和尖叫聲回應。

草蜢Encore後樂迷依然意猶未盡，寵粉的三子加插點唱環節，更應樂迷要求獻唱《怎麼天生不是女人》以及師傅梅艷芳的經典金曲《夢伴》，音樂一響，三子拿起Mic Stand合拍地跳唱，傑少說：「好開心可以唱阿梅嘅歌，全場歡眾起晒身一齊跳。諗返起同阿梅一齊周遊列國登台，瞇埋眼都識唱、識跳，動作、歌詞已經入晒血。」接着，一名男樂迷情深款款點唱《永遠愛著你》，更獲邀上台與草蜢合唱。這位男樂迷原來是唱得之人，一開口即贏盡掌聲，非常厲害。阿智笑說：「佢搶咗我支咪嚟唱，估唔到真係幾勁！」

蔡一傑

蘇志威

蔡一智

另外，來到盛產榴槤的馬來西亞，阿智和蘇志威（蘇老闆）一到埗即品嚐D24、貓山王等等不同品種的榴槤，兩位吃得津津有味大讚齒頰留香，「榴槤小隊」卻獨欠傑少一人。傑少透露因生病近一星期，為免影響演出必須戒口，他說：「好驚開唔到聲，呢幾日仲係好唔舒服，今日演出順利，好開心！歌迷真係勁，連我感冒都可以唱返開把聲，多謝你哋！我呢幾日忍住唔同人講嘢，又唔敢飲凍嘢、唔敢食生果，因為唔食得生冷嘢，你哋個個喺度食榴槤，我好想食又唔食得，幾忍得口。」阿智笑說：「馬來西亞觀眾真係好熱情，佢哋嘅掌聲同尖叫聲令你啲病都走埋。」三子大讚馬來西亞樂迷「誇啦啦」，深深被他們的熱情所打動。

巡唱歷時4年。

近尾聲感不捨。

橫跨四年的「草蜢 RE:GRASSHOPPER巡迴演唱會」來到尾二站，阿智坦言非常不捨，說：「由2022年香港紅館出發，仲有明年一月最後一場，好唔捨得，做一場冇一場，我哋三個都好滿意、好鍾意『RE:GRASSHOPPER演唱會』嘅內容。」蘇老闆同意說：「聽到好多歌迷嘅Feedback都話好鍾意！」傑少隨即帶來好消息，預告將推出「RE:GRASSHOPPER」演唱會藍光碟，他興奮說：「 可以睇返好多呢個演唱會唔同嘅點滴，大家一定要密切留意！」阿智表示：「當你掛住草蜢時，就可以拎呢隻藍光碟出嚟回味『RE:GRASSHOPPER』嘅旅程，知道好多歌迷去咗好多唔同地方支持我哋，非常感謝大家喺過去幾年鼎力支持我哋呢個Tour。我哋會好好享受最後一站，然後出年四月有一個全新演出！」草蜢約定大定明年1月24號於廣州體育館「RE:GRASSHOPPER」巡唱尾站，以及四月於紅館相見。

預告推出演唱會藍光碟。

草蜢將於4月26日起，於紅館舉行七場「GRASSHOPER THREE IN LOVE草蜢演唱會2026」，密鑼緊鼓閉關綵排之際，日前突擊尖沙咀K11 ArtHouse MCL戲院，現身Fans包場睇之前「RE：GRASSHOPPER CONCERT 草蜢演唱會」Blu-ray聚會。與全場Fans在觀眾席一齊又唱又跳、揮動手燈、應援名牌和橫額，三小時足本播放，猶如置身草蜢專屬CantoPop Disco般震撼。草蜢更即場向Fans下「打Call密令」和Dress Code，約定月底紅館演唱會全場一齊玩！

草蜢日前突擊尖沙咀K11 ArtHouse MCL戲院。

現身Fans包場睇之前「RE：GRASSHOPPER CONCERT 草蜢演唱會」Blu-ray聚會。

蔡一智說：「我哋今日嚟戲院唔係嚟睇賀歲片，係睇我同二少（蔡一傑）花咗好長時間去剪輯，啱啱推出嘅『RE：GRASSHOPPER CONCERT 草蜢演唱會』Blu-ray 碟。喺studio剪片或者屋企睇片都只係一般螢光幕，但今日就唔同，嘩，戲院大銀幕呀！」又笑言：「你知啦，我哋好少拍電影㗎嘛，能夠上戲院真係一件好開心嘅事 ！」Fans自發包場在戲院睇演唱會，令草蜢好感動，他說：「佢哋真係好錫我哋，非常多謝草蜢嘅『Framily』（如家人般的朋友），所以我哋嚟畀返驚喜佢哋！」

粉絲睇得相當投入！

粉絲睇得相當投入！

蔡一傑（傑少）說：「睇到自己喺大銀幕上，好好Feel，好似睇4D！」蘇志威說：「現場尖叫聲大過戲院音響，厲害！」觀眾席上落力跳唱的蔡一智笑言：「原來我都係草蜢Fans！」傑少表示從未試過在戲院內盡情唱歌跳舞，感覺新鮮，更建議將草蜢演唱會在各大戲院上映，蔡一智承諾會拉隊謝票，與觀眾一齊玩。Fans高舉「台上你最美最震撼 台下撐到尾我本分」橫額，引用草蜢《老的辣》歌詞打氣，草蜢表示感動。蘇志威說：「同Fans一齊睇我哋嘅演唱會，今日呢個體驗好開心！」蔡一智揚言：「睇完Blu-ray 嘅Fans入場睇紅館全新演唱會仲開心，因為我哋真人仲靚仔呀！」

草蜢三子都好投入！

草蜢

草蜢

草蜢

草蜢

草蜢

倒數不足一個月，草蜢將再踏紅館舉行全新演唱會，蔡一智向Fans下「打Call密令」，說：「今年入場睇紅館『THREE IN LOVE 草蜢演唱會2026』嘅觀眾，當我哋唱《永遠愛著你》，你哋就拖住隔籬嗰位觀眾，無論識唔識，都拖手和舉起手大合唱，大家記住我哋今年嘅暗號，讓成個紅館充滿LOVE ！」傑少預言單身Fans可能「拖出好姻緣」。

蔡一智向Fans下「打Call密令」。

蔡一智向Fans下「打Call密令」。

而蘇志威就溫馨提示入場觀眾Dress Code，說：「希望大家衣著打扮以紅色、粉紅色『喜慶』色系！」蔡一智透露$780票價位置設定為「寵粉區」，預告有驚喜！至於外傳草蜢每場特別嘉賓名單，蘇志威大賣關子，說：「總之佢哋都係重量級！」

草蜢