草蜢現身演員會藍光碟發佈會 蔡一智獲近千fans大合唱賀壽 蔡一傑承諾為小儀婚宴表演

香港殿堂級跳唱組合草蜢，日前現身「港鐵商場圍方 X 草蜢 RE:GRASSHOPPER Concert 藍光碟發佈會」，商場三層擠滿近千Fans，非常熱鬧。草蜢跳唱全新作品《老的辣》和經典金曲《永遠愛著你》，又與Fans玩遊戲送禮物，適逢成員蔡一智（1月3日）生日，公司送生日蛋糕和Fans送禮物，全場大合唱生日歌，場面溫馨。

草蜢日前現身「港鐵商場圍方 X 草蜢 RE:GRASSHOPPER Concert 藍光碟發佈會」。

商場三層擠滿近千Fans！

剛官宣榮升人妻的蔡一傑忠粉阮小儀擔任主持，草蜢一出場就連聲恭喜。活動上，播放草蜢最新作品《老的辣》MV，提到傑仔在MV中，以DJ REMUS身份重出江湖表演打碟，小儀問他有否技癢？傑仔說：「你擺酒嗰日我嚟為你打碟！」全場起哄，小儀笑言：「好，我日日擺酒！」阿智起哄，傑仔說：「大家一齊嚟，記得做人情！」

阮小儀擔任主持

草蜢一出場就連聲恭喜小儀。

「RE:GRASSHOPPER演唱會」藍光碟即日起，於各大唱片店接受預訂。這個演唱會由2022年從香港紅館啟動，然後在世界各地巡唱接近50場，本月24日於廣州舉行終極尾站，他們預告加料演出。足足花了4年時間才完成藍光碟製作，期間經歷了疫情，以及成員蔡一傑接受切除腦部腫瘤手術。傑仔在台上分享：「大家都知道，我之前喺醫院做手術，然後休養。喺呢段時間我冇嘢做，包住個頭去剪片，唔使見人呀嘛，唔靚都冇所謂。」主持阮小儀肉赤，說：「你應該要休息，犧牲休息時間去剪片！」傑仔說：「都幾寫意吖，自己喺剪接嘅時候沉澱吓！」

草蜢

草蜢

蘇志威說：「呢個演唱會好特別，因為當時開騷遇上疫情，我哋可以全部人上台，大家都健健康康，真係好難得。呢個演唱會，見證草蜢喺舞台上跳唱超過100分鐘，我哋咁落力唱跳，畀咗好多心機，好值得歌迷買碟珍藏。」阿智說：「我哋三個花咗好多時間去參與剪輯，記錄咗好多精彩和難忘片段，希望送俾歌迷作為『定情信物』。」他又笑言有「預言家」告訴他藍光碟將大行其道，呼籲歌迷趁今次草蜢出碟，買藍光碟機欣賞追潮流。傑仔說：「黑膠碟都興返啦！我最初以為朋友訂十張八張捧場，點知淨係我嘅朋友訂單已過百張，真識貨！」草蜢揚言銷量超過一萬張就搞活動，阿智提議在蘇志威屋企搞簽名會，蘇志威立即變O嘴樹熊，勁搞笑！

蔡一傑

蘇志威

蔡一智

壽星仔阿智表示最近因離港拍劇，無暇與歌迷開生日會慶祝，感抱歉。他說：「連電影《尋秦記》宣傳都去唔到，唔好意思古仔（古天樂），送你一句口號：『未睇《尋秦記》，點對得住自己』！今次係我人生第一次拍古裝戲，唔使戴頭套，真髮上陣，好值得紀念。」得知電影香港票房即將衝破5千萬元感興奮，草蜢同聲恭喜，並表示將結伴入戲院捧場，傑仔對阿智說：「你生日，我同蘇志威請你睇戲！」阿智表示將於本月18日，參加渣打馬拉松半馬賽事，「今次為長者免費睇中醫和中藥籌款，好有意義，雖然太忙少咗練習，我都會全力以赴。」

為壽星仔阿智慶生。

為壽星仔阿智慶生。

為壽星仔阿智慶生。

隨著「RE:GRASSHOPPER演唱會」藍光碟推出，今年四月草蜢將展開全新旅程，舉行成軍40周年演唱會，首站當然是香港紅館。傑仔台上爆料：「4月最後嗰個星期，大約25、26號開始第一場。」全場歡呼，至於場數就大賣關子，歌迷熱切期待。

全場大合照

草蜢周日（7月12日）現身「五月天」在台北大巨蛋舉行「5525+2《回到那一天》25週年巡迴演唱會」，兩大天團世紀合體，全場逾4.5萬歌迷驚喜尖叫，他們更一起跳唱《忘情森巴舞》和《派對動物》等經典金曲，又清唱了一小段《寶貝對不起》，大派福利。草蜢更宣布好消息，明年一月中《GRASSHOPPER THREE IN LOVE草蜢世界巡迴演唱會》將於台北小巨蛋舉行，全場歡呼！

草蜢為「五月天」在台北大巨蛋舉行「5525+2《回到那一天》25週年巡迴演唱會」擔任嘉賓。

草蜢、五月天

草蜢、五月天

蔡一智說：「其實90年代我哋已經同『五月天』同公司，但係一直沒有機會合作，今次好榮幸得到佢哋邀請喺大巨蛋一齊表演，真正合體，Fans最開心。今年係五月天成軍27周年，我哋草蜢41年，加埋68年，嘩，係好犀利嘅組合結合。非常榮幸，我哋玩得好開心。」蔡一傑說：「好開心，因為我哋第一次踏上大巨蛋表演，全場一齊歡呼聲震撼力非常之勁！」蘇志威說：「除咗要多謝五月天邀請我哋嚟表演之外，亦都要多謝佢哋嘅fans，我哋出場嘅時候佢哋嘅歡呼聲勁過世界盃，多謝！」

草蜢、五月天

草蜢、五月天

草蜢、五月天

阿智揚言支持主音阿信可轉型跳唱歌手，讚他舞功直逼草蜢，令他感到壓力！又笑言要與長髮馬莎另組小隊，阿智說：「我同馬莎可以組成『長髮組』，我哋台上長髮飄逸，大家有目共睹啦！」傑少笑言他要與石頭另組「銀髮組」，笑說：「我同石頭因為頭髮顏色相似，我哋可以組成另一個組合。（對阿智和蘇志威說）你哋兩個借歪一吓！」

阿智笑言要與長髮馬莎另組小隊。

傑少則笑言他要與石頭另組「銀髮組」。

草蜢、五月天

草蜢、五月天

雖然在台上表演玩得非常開心，但阿智表示有遺憾，他說：「我哋喺台上玩得太開心，唔記得咗係五月天邀歌呀！我依家要透過媒體向五月天發出邀請：阿信，如果你睇到呢段訪問，而你有心情又有時間，記得寫歌俾草蜢，我哋等緊你呀！」誠意滿滿，希望五月天聽到草蜢呼喚「MAYDAY MAYDAY」！

草蜢、五月天

草蜢、五月天

全場大合照

另外，草蜢宣佈好消息：明年一月巡唱到台北小巨蛋！蘇志威更透露台灣Fans有專屬歌單，「雖然大家喺各大平台媒體都睇咗我哋香港演唱會嘅演出片段，但係我哋今次台灣嘅表演有新歌單，揀咗好多台灣Fans好鍾意嘅歌曲，希望大家會滿意同埋會玩得開心。」至於表演嘉賓名單，阿智說：「我哋喺五月天嘅舞台上，已經即場邀請佢哋嚟睇我哋嘅演唱會，如果睇得開心，歡迎隨時上台一齊玩。今次合體，原來佢哋都係派對動物，啱晒我哋草蜢嘅party。」

草蜢

草蜢

完成五月天演唱會表演後草蜢匆匆返港工作，後日又出發台灣，因為他們受邀請為棒球賽擔任表演嘉賓。蔡一傑說：「我哋今次第一次參與棒球賽事嘅表演，好期待，一定會好好玩。」阿智笑言想試打一次「全疊」，而傑仔就想試試做接球手。

草蜢

草蜢