蔡一傑59歲筵開開22席生日宴 外地Fans趕飛機到賀好感動

生日快樂！昨日（2月6日）是草蜢蔡一傑的59歲快樂生辰，前晚他在九龍城的酒樓筵開22席，與大約300位歌迷舉行生日晚宴，傑少親友和前輩查小欣亦來到賀。大家又食又玩，寵粉傑少出動私伙珍藏Labubu做抽獎禮物。而幸運大獎，由全場合資，一注獨得近港幣6千元現金獎。傑少生日願望：「祝大家身體健康！」Fans起哄「加場！加場！」爭取4月紅館「THREE IN LOVE草蜢演唱會2026」加場。

蔡一傑筵開22席與粉絲慶祝59歲生日。

生日會開始，穿著紅色上衣的傑少風騷出場，高呼：「我返咗嚟啦！大家好嗎？祝大家新年快樂，身體健康，今晚玩得開心、食得健康！」Fans尖叫與歡呼，一同高舉印有傑少靚仔樣的揮春，齊聲恭賀「生日快樂，福星拱照，身體健康，演唱會大賣」，傑少與全場Fans大合照。開席後立即玩熱身遊戲，Fans透過盲抽歌詞小卡對應傑少手上的歌名，贏得他精心挑選的珍藏Labubu，全場嘩聲四起。

蔡一傑

風騷出場！

蔡一傑與粉絲

蔡一傑與粉絲

蔡一傑與粉絲

蔡一傑與粉絲

傑少最近愛上打麻將，Fans特別設計一款遊戲，每組16位Fans上台抽麻雀紙牌，數字最大三位得大利是，其他得安慰獎之外，另抽出一位Fans猜台上的麻將叫甚麼糊。有Fans不懂打麻將，傑少幫忙提示，其中一舖叫「十三么」傑少問：「隻『發財』呢？」Fans立即指住他，他哈哈大笑說：「吓？我驚你哋甩我（摸我）呀！」

蔡一傑與粉絲

蔡一傑與粉絲

蔡一傑與粉絲

蔡一傑與粉絲

蔡一傑與粉絲

之後，Fans推出「59」字樣的生日蛋糕，全場大合唱生日歌，並送上鮮花祝賀。為了參加偶像的生日會，有美國、韓國、日本、台灣、內地和馬來西亞等Fans專程來港，甚至即日來回，生日會後趕去機場，傑少非常感動。他說：「韓國嗰位Fans跟咗我差唔多26、27年，真係好耐。佢哋以前會喺電台等我，見返啲舊面孔好開心。今日都有好多阿梅（已故師傅梅艷芳）嘅歌迷嚟咗，我覺得好開心，因為我哋識咗好耐。」

Fans為蔡一傑準備了「59」字樣的生日蛋糕。

蔡一傑

蔡一傑

傑少幾乎每年都會與Fans慶祝生日，去年因接受開腦手術沒有搞生日會，他說：「我上次開生日會係兩年前，而家兩年後又唔同咗，我加咗新嘅Chips，全新面貌，我覺得更加開心。做人一定要開心，要愛自己！」生日會壓軸環節：單獨合照，Fans都爭取機會攬實傑少和送禮物，禮物盡顯心思，氹得傑少非常開心！

與粉絲大合照

與粉絲大合照

與粉絲大合照

與粉絲大合照

殿堂級組合草蜢一連兩場《GRASSHOPPER THREE IN LOVE CONCERT 草蜢演唱會2026》馬來西亞站日前圓滿落幕。現場座無虛席，逾萬名樂迷跟隨節奏跳足三小時，場館瞬間化身成大型狂歡派對，氣氛極度熾熱！

草蜢馬來西亞開騷萬人跳爆場館。

草蜢以《A.E.I.O.U》、《紅唇的吻》、《又愛又恨》等多首經典快歌為演唱會揭開序幕，前奏一響，全場逾萬名樂迷即時起立，隨着節拍揮動螢光棒並全場大合唱。談及馬來西亞樂迷的熱情，草蜢於完騷後接受訪問時仍難掩興奮。蔡一智表示：「非常開心，我以為新加坡站嘅觀眾勁，原來馬來西亞嘅觀眾都唔弱。」蔡一傑感動說：「今晚嘅觀眾真係Very Good，冇得頂！如果佢哋冇畀到呢啲力量我哋，我哋都冇咁興奮！」

兩度Encore加碼送歌。

阿智更特別提到現場化身大型舞池的震撼場面：「呢個場館好大，坐咗成萬幾人，我哋加咗好多 Mirror Ball，頭先真係好似一個大型派對。馬來西亞嘅Clubbing都好勁，頭先好似一萬人喺度Clubbing，個感覺好正。」他還溫馨提示入場的樂迷記得穿運動鞋：「我哋啲樂迷愈來愈醒目，睇草蜢個個都着波鞋。有一位樂迷問佢家姐點解要着，睇完個騷佢就明白。」

蘇志威

蔡一傑

蔡一智

演唱會尾聲，全場萬名樂迷依然不肯離場，大嗌 Encore。為了不讓樂迷失望，草蜢兩度Encore加碼送上經典名曲《世界會變得很美》及《永遠愛著您》，帶動全場大合唱掀起最後高潮，樂迷才依依不捨離去。阿智感激道：「噚晚已經好勁，啲觀眾已經唔走，我哋要出返去清唱咗兩首歌。今日仲勁，我哋仲加碼添。」傑少補充指，適逢當地假期，令大家的興奮情緒更加高漲。

草蜢獲大會安排榴槤放題。

除了樂迷的熱情令草蜢大受感動外，主辦單位亦為三子及團隊準備了極具當地特色的驚喜——「榴槤車」，讓台前幕後在開騷前免費「任食放題」品嚐極品榴槤。為了以最佳狀態登台，草蜢在備戰期間一直保持清淡飲食，如今順利完騷，三人笑言終於可以大開食戒，蘇志威更急不及待狂食榴槤！

順利完成馬來西亞站後，草蜢隨即宣布《THREE IN LOVE》巡迴演唱會將於10月移師澳門舉行，更透露澳門站將採用極為罕見且震撼的「四面台」舞台設計。蘇老闆表示：「除咗香港嘅紅館外，我哋嘅巡迴演唱會多數係三面台，澳門開四面台係好難得。」三子呼籲樂迷切勿錯過，一同親臨現場感受四面台的威力。

預告10月移師澳門開四面台。