蔡一傑59歲筵開開22席生日宴外地Fans趕飛機到賀好感動

娛圈事

蔡一傑59歲筵開開22席生日宴外地Fans趕飛機到賀好感動

2026年02月07日 15:30 最後更新：18:16

生日快樂！昨日（2月6日）是草蜢蔡一傑的59歲快樂生辰，前晚他在九龍城的酒樓筵開22席，與大約300位歌迷舉行生日晚宴，傑少親友和前輩查小欣亦來到賀。大家又食又玩，寵粉傑少出動私伙珍藏Labubu做抽獎禮物。而幸運大獎，由全場合資，一注獨得近港幣6千元現金獎。傑少生日願望：「祝大家身體健康！」Fans起哄「加場！加場！」爭取4月紅館「THREE IN LOVE草蜢演唱會2026」加場。

生日會開始，穿著紅色上衣的傑少風騷出場，高呼：「我返咗嚟啦！大家好嗎？祝大家新年快樂，身體健康，今晚玩得開心、食得健康！」Fans尖叫與歡呼，一同高舉印有傑少靚仔樣的揮春，齊聲恭賀「生日快樂，福星拱照，身體健康，演唱會大賣」，傑少與全場Fans大合照。開席後立即玩熱身遊戲，Fans透過盲抽歌詞小卡對應傑少手上的歌名，贏得他精心挑選的珍藏Labubu，全場嘩聲四起。

點擊看圖輯

蔡一傑筵開22席與粉絲慶祝59歲生日。

蔡一傑

風騷出場！

蔡一傑與粉絲

Fans為蔡一傑準備了「59」字樣的生日蛋糕。

蔡一傑

與粉絲大合照

傑少最近愛上打麻將，Fans特別設計一款遊戲，每組16位Fans上台抽麻雀紙牌，數字最大三位得大利是，其他得安慰獎之外，另抽出一位Fans猜台上的麻將叫甚麼糊。有Fans不懂打麻將，傑少幫忙提示，其中一舖叫「十三么」傑少問：「隻『發財』呢？」Fans立即指住他，他哈哈大笑說：「吓？我驚你哋甩我（摸我）呀！」

之後，Fans推出「59」字樣的生日蛋糕，全場大合唱生日歌，並送上鮮花祝賀。為了參加偶像的生日會，有美國、韓國、日本、台灣、內地和馬來西亞等Fans專程來港，甚至即日來回，生日會後趕去機場，傑少非常感動。他說：「韓國嗰位Fans跟咗我差唔多26、27年，真係好耐。佢哋以前會喺電台等我，見返啲舊面孔好開心。今日都有好多阿梅（已故師傅梅艷芳）嘅歌迷嚟咗，我覺得好開心，因為我哋識咗好耐。」

傑少幾乎每年都會與Fans慶祝生日，去年因接受開腦手術沒有搞生日會，他說：「我上次開生日會係兩年前，而家兩年後又唔同咗，我加咗新嘅Chips，全新面貌，我覺得更加開心。做人一定要開心，要愛自己！」生日會壓軸環節：單獨合照，Fans都爭取機會攬實傑少和送禮物，禮物盡顯心思，氹得傑少非常開心！

往下看更多文章

草蜢成軍41年創健力士世界紀錄「華語最長壽不變陣組合」澳門站嘉賓古天樂跳唱完頒證書

草蜢《THREE IN LOVE演唱會 - 澳門站》前晚及昨晚（10月24及25日）於澳門威尼斯人綜藝館舉行，座無虛席，寰亞傳媒集團老闆林建岳博士及行政總裁林孝賢等到場支持。前晚頭場草蜢即興邀請觀眾席上的「鐵粉」容祖兒上台合唱，而昨晚第二場的表演嘉賓則是老友古天樂。除了跳唱《今期流行》外，他更以「演藝人協會會長」身份，宣布草蜢成為「健力士世界紀錄」的「華語最長壽不變陣組合」（Longest-running C-Pop Group with No Line-up Changes），全場同歡！

第一晚演唱會，容祖兒原本在觀眾席睇騷，突然被草蜢召喚上台，她立即急急腳穿過觀眾席登場。四人互相擁抱問好後，蔡一智說：「我知道祖兒好忙，因為佢明年一月將會喺香港啟德主場館開演唱會。」傑少感性地說：「我真係好開心睇住祖兒唔同嘅階段，一路變好，一路進步，成為今日嘅天后，真係好正！」祖兒說：「好似阿智所講，我哋係FRAMILY（Friend+Family），認識咗你哋之後，我多咗三個大哥哥。」

阿智難忘在前輩羅文家拜年時初次見到祖兒，蘇志威爆料：「其實更早之前喺歌迷聚會見過你啦！」祖兒說：「我由細到大都係你哋嘅歌迷，好細個就聽你哋嘅歌，當我入咗行真係可以同你哋合作，你哋好錫我，睇住我唔同階段嘅成長，呢個經歷真係好特別，可以一齊為香港嘅樂壇努力。」傑少邀請祖兒即興合唱一曲，阿智問她最熟悉草蜢哪首歌？祖兒得戚笑說：「不如問我草蜢有邊隻歌唔熟？我熟讀草蜢嘅歌庫，其中有一首歌好啱我依家嘅心聲，亦代表咗我永遠、呢一世嘅心聲，歌名叫《永遠愛著你》！」

昨晚第二場表演嘉賓古天樂出場，與草蜢跳唱《今期流行》，全場High爆！其實他們與古天樂識於微時，非常老友，傑少表示古天樂𨒇未出道已互相認識，蘇志威與他更拍劇朝夕相對半年，至於阿智是他的健身教練。之後他們合唱30年前，古天樂為草蜢MV做男主角的歌曲《原諒我是我》。唱完歌，古天樂認真地表示另有重要任務，就是以「演藝人協會會長」身份，宣布草蜢成為「健力士世界紀錄」的「華語最長壽不變陣組合」，並邀請「健力士世界紀錄」官方認證官Jacob Yip上台詳細說明。

認證官Jacob說：「要得到呢個紀錄要乎合三個條件：第一，草蜢係『華語組合』，作品主要係廣東話和普通話，過去超過40年，佢哋為華語地區注入咗音樂及舞蹈嘅力量。第二，『最長壽』，我哋以年和日作計算，以1985年7月4日草蜢喺香港利舞臺參加第四屆新秀複賽，參賽歌《一起衝》，呢個紀錄衝到依家嚟到威尼斯人呢個舞台，總數係41年112日，每一年都要對演藝有相當嘅貢獻，例如唱片、演唱會、廣告、商演同埋代言等。我同資深傳媒人鄭丹瑞先生、音樂人陳光榮先生，由1985年睇到2026年，的確係每一年沒有斷續喺音樂同埋舞蹈嘅貢獻。其實係極其艱難，好似馬拉松咁三個人要一齊跑，仲要係世界級嘅水準。」

「第三，『不變陣』，成員人數由1985年7月4日起，都係蘇志威、蔡一智、蔡一傑，三位，中間沒有任何變更。呢段關係的確好厲害，真係做到無論順境逆境、貧富、健康與否，都係一起衝。」蘇志威說：「I Do」全場爆笑。認證官Jacob續說：「呢個紀錄充滿生命力，只要你哋繼續喺舞台上，紀錄就會不停地刷新。」然後由古天樂頒發證書給草蜢及大合照留念。

阿智說：「我哋三個會繼續努力，應承大家，我哋會有更多更好嘅作品、更好嘅演唱會送俾大家。」蘇志威說：「有幾年曾誤傳我哋無嘢做解散，其實嗰幾年我哋一直都喺世界各地演出，今日得到健力士證實我哋係冇試過分開，多謝！」

而有份認證草蜢創下世界紀錄的鄭丹瑞（旦哥），早在1985年起，每次都是他在頒獎禮上宣布「最佳組合獎」給草蜢，作為睇住他們長大的前輩，旦哥昨日專程到澳門睇綵排，恭喜草蜢兼為他們開騷打氣，笑言因為趕返香港湊孫未能留下睇騷。

昨晚尾場，觀眾超級熱情，完騷不散場繼續嗌encore，草蜢再度上台唱《暫停，開始過》和《世界變得很美》，觀眾都不肯走，草蜢三度再出場跟大家講「多謝」，並叮囑大家安全回家，他們才乖乖離開。

演唱會後草蜢接受訪問，提到師傅梅艷芳的骨灰事件，阿智表示已交警方處理，所以不便評論和猜測，希望盡快水落石出。蔡一傑和蘇志威透露經常夢到梅姐，很懷念和她的美好回憶。至於明年1月16和17日，草蜢將在台北小巨蛋舉行兩場演唱會，問到表演嘉賓名單，他們大賣關子，不過就公開召喚張惠妹、蔡依林、庾澄慶和周杰倫等好友捧場，歡迎上台一齊玩。

你或有興趣的文章

蔡一傑59歲筵開開22席生日宴 外地Fans趕飛機到賀好感動