《毛家》揭流浪動物真相！Cath黃妍唱〈無家〉粉絲爆場支持

歷時四年製作的紀錄片《毛家》，記錄香港民間團體「毛守救援」如何不計付出，四出拯救流浪動物的過程。電影主題曲〈無家〉由 Cath 黃妍演唱，粉絲更包場支持，希望藉電影及歌曲喚醒社會關注流浪動物。

無家 (紀錄片《毛家》主題曲)

劇照

劇照

電影主題曲〈無家〉由 Cath 黃妍演唱，粉絲更包場支持

導演區焯文與Cath 黃妍

紀錄片《毛家》由導演區焯文執導、真實呈現四十多隻流浪狗的命運起伏 —— 從受傷、治療、暫托到等待領養，當中只有四隻最終能成功入屋。作品赤裸揭示流浪動物的殘酷現況，也展現義工「救得一隻得一隻」的堅毅信念。為了呼應主題，電影主題曲〈無家〉特意邀請糖兄作曲及編曲、方浩權填詞，並由糖兄與Cousin Fung聯合監製，由 Cath 黃妍 唱出〈無家〉的心痛與希望。

劇照

劇照

Cath 很榮幸受到邀請：「知道電影係關於流浪動物呢個主題，就諗都冇諗應承咗。錄音嗰陣，希望將睇完套戲後嘅情緒放入歌曲中，從義工嘅角度出發，帶出佢哋嘅愚勇同無私。」她更指出歌詞十分「到肉」，情感澎湃，希望透過歌曲令大家關注拯救動物的議題。作曲的糖兄亦分享歌曲背後的構思：「呢套電影係紀錄片形式拍攝，全部都係現實發生，所以編曲上也花咗啲心思，貼近一班志願人士起初孤苦伶仃的心情，而音樂上第二段開始慢慢有陪伴嘅感覺。」糖兄表示一直很欣賞 Cath，覺得她的音樂正面又帶點調皮，透過這次合作認識到她的另一面。

Cath 很榮幸受到邀請

她更指出歌詞十分「到肉」

對於粉絲包場支持這套電影，戲院坐滿觀眾，Cath 表示非常感恩：「同粉絲聚首一堂睇呢套咁有意義嘅戲好難得，雖然已經係第三次睇呢套戲，但震撼同心悒嘅感覺有增無減。」Cath分享再次觀看電影時，即使知道劇情嘅推進、發展，情緒都仍然被牽引著，看到流浪動物的待遇，令她更欣賞電影團隊及一班義工的付出。區焯文導演出席謝票活動時大讚：「演繹呢首歌的話冇人可以代替到 Cath，佢由靈魂深處唱入你嘅靈魂深處。」

Cath亦與現場觀眾分享與毛孩Moon Moon的趣事，笑說常常被牠咬；她也提及之前有唱過社會議題相關的電影主題曲例如《白日之下》，但坦白說很難一時三刻可以借電影及歌曲改變社會、改變到所有人的想法：「但而家做緊嘅嘢，希望可以喺大家嘅心入面埋下一粒種子，能夠帶動觀眾反思，於生活中為動物保護做多一步，逐少逐少咁影響個世界就足夠。」

Cath亦與現場觀眾分享與毛孩Moon Moon的趣事

笑說常常被牠咬

紀錄片《毛家》海報

《毛家》主題曲〈無家〉製作團隊

作曲：糖兄

填詞：方浩權

編曲：糖兄

監製：糖兄 / Cousin Fung@emp

主唱：黃妍

歌手黃妍（Cath）日前接受新城廣播節目《寵愛您》主持羅沛琪（Pinky）的錄音訪問，分享了她與芝娃娃愛犬「Moon Moon」的相處點滴，並透露了愛犬如何影響她的生活與音樂創作。

黃妍（Cath）接受新城廣播《寵愛您》訪問。

Cath在節目中坦言最初對芝娃娃品種並無好感，覺得「很醜、很吵」，但與Moon Moon的緣分改變了一切，她表示：「我覺得我前世應該係欠咗我呢隻狗，唔知點解佢就成為咗我嘅主子。」她笑指飼養了約八年的愛犬，內裡彷彿住著一個「貓的靈魂」，性格獨立且頗有主見，她分享道：「我返到屋企，唔會睇到佢迎接，佢係坐喺窩入面，然後用一個鄙視嘅眼神望住我。」

然而，Moon Moon的聰明才智也令Cath印象深刻，她透露因長期與愛犬用中文溝通，Moon Moon的中文理解能力極強，「有時同佢提起我要飛去第二度做嘢，然後佢就開始發脾氣。」此外，若Cath在外接觸過其他狗隻，回家後便會遭Moon Moon發脾氣抗議，「我返屋企第一時間換衫，佢都嬲咗我兩日，佢真係聞到。」

黃妍與愛犬Moon Moon

為愛犬寫歌記下偷吃蘋果 有待面世
談及音樂創作，Cath笑指Moon Moon十分饞嘴，所以曾以牠為靈感，幻想愛犬偷吃家中的蘋果，創作了一首關於「偷吃蘋果」的Demo，但歌曲仍未推出。其後，Pinky邀請Cath玩一個動物心理測驗，結果顯示她將友情置於相當重要的位置，Cath表示：「我有事嘅時候，朋友都會衝出嚟救我，嗰啲係人生嘅夥伴。」她的事業心亦相當強烈，但愛犬在其生活中始終佔據首位；至於愛情，Cath表示隨緣：「現階段可以好認真話，我嘅愛情冇所謂，因為我有朋友、有家人、有我嘅狗。」

黃妍(右)接受羅沛淇(左)《寵愛您》節目訪問。

詳細節目內容，請重溫1月4日，下午1:00 – 1:30，新城知訊台《寵愛您》，網址：https://www.metroradio.com.hk/MetroInfo/