陳柏宇率Sony Music歌手闖入中大 自爆染金頭髮為鋪路爭奪男金

今年Sony Music與UNISON聯乘香港五間大學學會合辦Sony Music School Tour 2025 —— 「Sony (not) Tour O For School」宣傳企劃。延續往年歌手「上莊」組成Sony Muso（Music Society）的主題，今年更注入「Y2K」元素及近年流行的電子廣東歌派對（Canton Disco Party），將活力帶入校園。

大合照

前晚（10月27日），陳柏宇（Jason）率領黃妍（Cath）、林奕匡（Phil）、PER SE、力臻、Michael C、KING吳崇銘、 Idol Girls「偶像女生一期生」及上月正式成團的IdG Bubbles，於香港中文大學聯合書院舉行尾站演出，五場School Tour圓滿落幕。

大合照

近日染上一頭金髮的Jason被力臻問到：「係咪我話你係我心目中嘅男金，你就染埋金髮？」Jason稱：「無錯！」力臻亦指向觀眾：「陳柏宇係我哋心目中嘅男金！」全場隨即歡呼聲四起。Jason除了獻唱新歌《不愛無壞》，更透露即將推出新作，呼籲樂迷拭目以待：「首歌兩個字，第一個字係『一』；第二個字係有個『二』喺入面。」Jason更將舊作《車匙》拿來開玩笑：「呢首歌有機會老過在場某啲學生。」他走到台下一邊唱一邊與學生擊掌。Jason亦有留意近日洪嘉豪以「陳Sir」稱呼他的報導，Jason稱：「我通常叫佢『洪仔』！」

Jason陳柏宇

Jason陳柏宇

現場時不時下起驟雨，曾被網民指出：「黃妍做親宣傳活動一定會落雨」的「雨神」 Cath笑說：「好驚呀，點解我出嚟又落雨，我係無辜㗎！」Cath冒著微雨獻唱新歌《其實我 不是那麼的純情》，更走到台下被同學重重包圍下合唱《天光前》，氣氛熱烈！

Cath黃妍

Cath黃妍

PER SE亦首次現場演繹最新出爐的歌曲《未存在的我》；Phil《高山低谷》前奏一起，全場觀眾隨即尖叫高呼，舉機拍攝Michael C亦趕及於尾站回歸，與力臻於School Tour首次合體「米臻」，唱出《做好戀愛的覺悟》，；而Idol Girls及IdG Bubbles的連環快歌熱舞，亦令台下學生熱血沸騰。

Phil林奕匡

PER SE

Michael C

米臻（Michael C x Lagchun力臻）

Idol Girls「偶像女生一期生」

IdG Bubbles

今年Sony Music亦大搞新意思，每站School Tour邀請不同歌手以「莊友」身份擔任嘉賓。例如早前於浸會大學及城市大學兩站就有JACE陳凱詠；而Beanies於樹仁大學則聯乘Sony Music歌手合唱。尾站中文大學邀請到The Hertz及蘇詠淳（Vincy）加入，The Hertz於理工大學首站時與Michael C合唱《泡泡》，用「Band Sound」震懾全場；這次夥拍力臻演繹《千世書》，帶來全新感覺。力臻及Vincy —— 兩位早前於日本「THE FIRST TAKE」亮相的歌手分別將「THE FIRST TAKE」演繹的作品《2882點85✈》及《Sora》帶來中大，展現實力。

JACE陳凱詠

Beanies

The Hertz

Lagchun x The Hertz

Vincy蘇詠淳

壓軸環節將氣氛推上全晚頂峰。配合「Y2K」主題，KING吳崇銘以DJ KING身份將一連串經典廣東歌重新編成電子版曲風，甫起歌便令聯合書院變成「Canton Disco Party」，現場氣氛熾熱，歌手們均走到台下與學生互動、自拍，促成全港最大型校園電子廣東歌派對。中大同學興奮高呼：「估唔到學校都可以變身Canton Disco！」

KING吳崇銘

DJ KING Canton Disco

DJ KING Canton Disco

藝人黃妍（Cath）、Michael C日前出席港鐵公司與香港電台第五台合辦的「長者港鐵安全運動」，與數十位「老友記」在香港站港鐵藝術舞臺見面，透過音樂向「老友記」宣傳鐵路安全訊息和分享乘搭港鐵時的有禮好行為。黃妍自爆與長者傾談甚有心得，甚至被對方嫌棄「囉嗦」：「佢哋好鍾意分享，因為以前讀書時做義工，去盲人安老院幫長者寫生命回憶錄，同佢哋講少少往事，就好多嘢同你分享。」

黃妍與Michael C日前出席港鐵公司與香港電台第五台合辦的「長者港鐵安全運動」。

與數十位「老友記」在香港站港鐵藝術舞臺見面。

黃妍現身港鐵站出席活動時，笑指車站充滿回憶：「大家成日話『最醜樣』嘅時候，就會遇到你嘅『前男友』，未入行嘅時候我試過收工時間，我冇化妝真係殘到嚇死人， 嗰時我好勁近視戴住副好厚嘅眼鏡，點知一行入車廂就見到個『ex』， 好彩佢冇抬高個頭見到我。（佢同新女友一齊？）佢自己一個。好彩！如果唔係我即刻擰轉面，即刻落車！」

黃妍

黃妍笑言現充滿自信，重遇舊愛都會主動打招呼，同場的Michael C慫恿黃妍「變身」性感，令她哭笑不得：「我唔明大家做乜咁想睇我著得性感？如果真係要少布啲嘅話，要預早通知我準備，唔好殺我一個措手不及！我成屋最性感嘅衫已經係運動嘅裝束，俾我慢慢嚟啦。（性感拍劇演戲得唔得？）唔得！」

黃妍

提到最後兩個月衝擊樂壇頒獎禮，黃妍大打「開口牌」希望可在頒獎禮中唱歌，即意味獲取「歌曲獎項」：「係身邊啲人同我講有啲機會，但唔係我可以控制嘅，我只可以唱好每一首歌 。（同炎明熹爭資源攞獎？）我又冇理過，死喇！哈哈哈哈，我係極度『佛系』！」

黃妍、Michael C

同場的Michael C就話自己教健身有助溝通，氹得Serrini父母歡心：「我就因為本身係健身教練，依家教Serrini父母做GYM，本來伯母 唔想嚟，所以我出動按摩環節幫佢鬆膊頭，搞到佢好relax、好開心。依家每一次都問『幾時按摩啊？』，我就要佢做完運動先得！」。Michael C仲斗膽叫黃妍做GYM修身，著她走性感路線突破自己：「其實佢仲好fit，只係做藝人要突破自己，嚟緊我自己都會去開一個結他音樂會，又會飛到去泰國閉關寫歌，希望到時有好好收穫，大家又會賞面攞我啲歌去唱。」

Michael C

Michael C