聲秀｜「樂壇社工」張敬軒畀面蘇永康借出Studio + 愛將Yoroko親自指導Jenny肢體動作

結合無綫三大經典歌唱比賽《新秀歌唱大賽》、《超級巨聲》及《聲夢傳奇》的歌唱大賽《AlipayHK呈獻：聲秀》，逢周日晚8點翡翠台播映，節目由陳懿德主持。

徐惠晴Vanessa、柯雨霏Ophelia、陳卓怡Hoonry以探戈演繹《孤獨探戈》

Hoonry表演一字馬

Ophelia、Vanessa大跳椅子舞

Hoonry擔任「組媽媽」幫二人執舞

Hoonry喊晒咁究竟發生咩事？

本周日（9月7日）播出的第七集《聲秀》，7大導師（排名不分先後）：蘇永康、譚耀文、劉浩龍、吳浩康、泳兒、鍾舒漫和胡鴻鈞率領組員進行新一輪比賽—「向新秀致敬」。本輪比賽分為兩個回合，第一回合是團體對戰，所有學員需合作完成一位指定新秀歌手的表演；第二回合是個人對戰，每組派出一名學員獨立作賽。今集五位評審（排名不分先後）陣容是：舒文、陳奐仁（Hanjin）、郭偉亮（Eric Kwok）、T-Ma及嚴勵行（Johnny Yim）。

今集演唱歌單如下：冼奕瑜Jasmine、司徒泆Haru《紅唇的吻／好戲在後頭／華麗舞台》草蜢Medley；布子殷（布子）、蕭凱恩 Michelle、胡港豐Andrew《一個人飛／失魂記》李克勤Medley；穎喬Ziva、周智敏Emily、張津銘《少女的祈禱／野孩子／小城大事／勇／飛女正傳》楊千嬅Medley；陸卓謙Jeffrey、林錦興（小林）《爛泥／昨遲人／我的天我的歌》許志安Medley；胡子貝Matt、甄敏芳Jenny、馮熙燮Ryan《我們的主題曲／我們都是這樣長大的／Chotto等等》鄭秀文Medley；林潔心Bibi、陳芮萮（阿寶）《友情歲月》鄭伊健；徐惠晴Vanessa、柯雨霏Ophelia、陳卓怡Hoonry《孤獨探戈／裙下之臣》陳奕迅Medley。

Matt一邊彈琴一邊獨唱打頭陣，配以Ryan的完美和音

甄敏芳Jenny以一身性感魚網絲襪+短裙仔亮相

三人重新演繹鄭秀文Medley

蘇永康勁欣慰

表演期間一度令Johnny Yim「點曬頭」

今集搶焦位落在兩大「顏值擔當」，泳兒組的柯雨霏Ophelia及蘇永康（阿公）組的甄敏芳Jenny身上，二人同樣首度挑戰跳舞兼帶來驚喜突破。先說平時望落斯斯文文的乖乖女Jenny，她與組員胡子貝Matt、馮熙燮Ryan重新演繹鄭秀文Medley；為了讓觀眾看到不一樣的Jenny，阿公請來有「樂壇社工」之稱的張敬軒借出studio 之餘，軒仔更派出聲色藝俱全的愛將Yoroko親自指導Jenny肢體語言，盡全力為其擺脫「木獨Feel」。向來出心出力的阿公，又同時請來爵士鋼琴演奏家親自為Matt指導彈琴技巧，相當有心。

表演時，Matt一邊彈琴一邊獨唱打頭陣，之後配以Ryan的完美和音，一度令Johnny Yim「點曬頭」。以一身性感魚網絲襪+短裙仔造型亮相的Jenny，經過Yoroko調較後脫胎換骨，不但自信爆棚，而且表情和情緒均完美到位，成功炒熱全場氣氛。雖然Jenny在台上女性魅力爆燈，但她事後含羞表示其實是首度嘗試性感造型，證明表演時有多豁出去。評審T-Ma高度評價三人表現：「我好feel到你哋嘅confidence。Matt你開始彈琴嗰陣你好control到個stage」、「Ryan好好聽把聲」、「Jenny great job！」

張敬軒亦借出愛將Yoroko親自指導Jenny的肢體語言

蘇永康請來爵士鋼琴演奏家為Matt指導彈琴技巧

三人獲評審T-Ma高度評價

冼奕瑜Jasmine、司徒泆Haru草蜢Medley

布子殷（布子）、蕭凱恩 Michelle、胡港豐Andrew李克勤Medley

至於無論聲線與笑容均相當甜美的Ophelia，與組員徐惠晴Vanessa及「跳舞擔當」陳卓怡Hoonry，以跳舞形式演繹陳奕迅Medley。排練期間，Ophelia笑言自己「四肢唔協調」：「跳舞基本上係我呢世人最驚嘅嘢。」幸好有「組媽媽」Hoonry親自幫二人執舞。正式表演時，Ophelia成功拋下純情包袱，以一身大膽探戈造型登場，以大露背裝束與Vanessa合跳椅子舞。年僅17歲的Vanessa在台上自信滿分，毫無怯場，表現亮眼。三人期間還大跳探戈，Hoonry更輕鬆拉出一字馬搶眼球。評審嚴勵行（Johnny Yim）大讚三人：「勇氣可嘉、好努力，不過個表演本身真係好有難度。」今集另一焦點，是不止一組勇奪九字頭高分！究竟有多少組奪得如斯佳績？敬請鎖定本周日晚播出的《聲秀》！

穎喬Ziva、周智敏Emily、張津銘 楊千嬅Medley

陸卓謙Jeffrey、林錦興（小林）許志安Medley

林潔心Bibi、陳芮萮（阿寶）鄭伊健的《友情歲月》

昨晚（3月28日）的澳門倫敦人被王菀之（Ivana）的歌聲與笑聲填滿，《『合體』王菀之演唱會2026澳門站》全場爆滿，與五千觀眾一起度過了一個既療癒又充滿驚喜的難忘夜晚。

王菀之在澳門倫敦人舉行《『合體』王菀之演唱會2026澳門站》。

演唱會一開始，王菀之就用她獨有的空靈嗓音，一連氣唱了二十多首歌，讓歌迷聽出耳油。唱完一連串的經典作品後，終於停下來與觀眾聊天，一開口就展現了她的幽默本色，「現場，原來你地唱歌咁好聽！我好想有個Choir 要幾千人一齊唱，不如你地都報名吖！唔啱音唔啱拍子，就企後少少，我講真，我真係想有個大Choir ！」這番話一出，全場觀眾立刻報以熱烈的歡呼和一聲整齊響亮的 「好呀！」 場面既溫馨又搞笑！

王菀之

王菀之

王菀之接著調皮地提到：「其實有睇過紅館騷，都知道唱完《小俠》係完㗎啦，其實完咗㗎啦，哈哈。」此話一出，現場觀眾當然不肯放過她，隨即狂叫「Encore！」聲音震破場館。王菀之故作正經地笑道：「我唔係呢啲人嚟㗎，哈哈！咁近距離分享音樂，所以大家應該好熟㗎啦。」 話音剛落，觀眾的歡呼聲再次不絕於耳。她隨即宣布：「以下呢part，我哋真係真係咁玩，點唱！」現場隨即陷入一片歡樂的沸騰之中，不停大叫想聽的歌名，而王菀之亦滿足歌迷，唱了《幸福》《想愛不相愛》《月亮說》等歌，令大家開心不矣。

王菀之

王菀之

在點唱環節中，王菀之突然自嘲：「其實我點解講錯嘢，因為我個人好慌……你估我一個人企係到講嘢好容易？不如唔好我自己一個講啦，請佢上嚟同我講啦！」就在這時，全場燈光一轉，神秘嘉賓張敬軒突然登場，隨即令全場觀眾瞬間陷入瘋狂，尖叫聲此起彼落。

張敬軒擔任嘉賓。

軒公走到台上，二話不說，突然一把將Ivana整個人抱起來，這個驚喜不單讓之舉讓Ivana驚呼，也全場觀眾瞬間「暴動」，歡呼聲幾近炸場。軒公抱著她笑道：「你又重咗！」Ivana幽默回應：「你可能係第一個做到呢個動作嘅男人。」軒公隨即補了一句：「唔怕，我帶咗腰封，哈哈！」 引得全場哄堂大笑。

張敬軒一把將Ivana整個人抱起來！

放下Ivana後，軒公深情地對她說：「我好開心，啱啱喺台下聽你唱歌，真係起雞皮，好好聽。」Ivana 立刻回應：「我哋唔會講假話㗎，難聽我哋會話，下次再見。」軒公接著認真地說：「我成日覺得點解你個舞台好似有個魔力，我好善慕今晚每一位觀眾，睇菀之show係一個好療癒嘅晚上。佢嘅表演，佢嘅樂隊，台下standby，我都有被你音樂擁抱住嗰個感覺。識你咁多年，都係咁冇變過。你話自己好慌，恭喜你終於知自己係方形啦。」Ivana笑著接話：「我哋上一次紅館合體時，係冇講嘢，今日講嘢啦所以。」軒公故作驚訝：「講咩？拜年？呢個場我好熟，呢度好老嚟㗎，開騷一不離二，二不離三，三不離四，我都好似就番嚟喇。」隨即又引起觀眾歡呼。

王菀之、張敬軒

王菀之、張敬軒

接著突然話鋒一轉，軒公對著Ivana說：「我想話呢，我幾時可以脫離嘉賓身份，變成同你一齊再開騷呢？」語畢再次引爆全場，觀眾的歡呼聲如雷貫耳。軒公感嘆：「我哋對上合體就嚟……十年啦！」Ivana點頭：「十年。我哋仲健在係一個福氣……」軒公道：「如果呢個十年唔開，我哋就六十歲啦。」Ivana眼睛一亮：「你算唔算依家邀請我呀？」軒公興奮地說：「我哋今晚不如當係一個小小預演吖！」隨後，兩人在全場觀眾的見證下，合唱了經典歌曲 《手望》，為這個「預演」留下了最動人的一刻，也讓現場歌迷聽得如癡如醉。

王菀之、張敬軒

王菀之、張敬軒

張敬軒、王菀之

騷後受訪，Ivana表示：「我覺得今晚算係very good show啦。」對於張敬軒在台上公開邀請她合體開騷，Ivana笑言：「好感激佢嚟，佢都好忙㗎，啱啱身體又唔舒服，剛剛好番冇耐，多謝佢嚟澳門支持我啦。合體再做騷呢....嘻，多謝佢邀請，不過我唔知喎，我諗下先啦。」 Ivana同時透露接下來的巡迴計劃，「嚟緊巡迴下一站4/26澳洲悉尼，澳洲係一個live house到做，好chill同好近。澳洲限定。之後5/16就上海站啦。」

王菀之