出爐友誼＋最上鏡小姐李尹嫣出PO發表感言自揭有超級拖延症兼更注重線下互動

娛圈事

出爐友誼＋最上鏡小姐李尹嫣出PO發表感言自揭有超級拖延症兼更注重線下互動

2025年09月09日 11:00 最後更新：11:06

全城矚目選美盛事《2025香港小姐競選決賽》於日前圓滿結束，李尹嫣（Victoria）雖無緣三甲，但連奪「友誼小姐」及「最上鏡小姐」，她近日在社交平台發文分享當選後的感受。

李尹嫣晒出一系列決賽當晚的靚相，並留言：「大家好，我係2025年香港小姐競選最上鏡及友誼小姐，李尹嫣。其實都仲未完全習慣呢個新名銜，覺得一切都來得太快啦。呢幾日都有好多人問我點解仲唔出post，其實我係一個超級拖延症嘅人，再加埋我更注重線下互動，所以平時都唔用社交媒體，而我好多好多嘅感受我都唔係咁識得整理成文字比大家。」

點擊看圖輯

本網記者攝

李尹嫣IG圖片

李尹嫣感謝係參選期間支持她的每一個觀眾、網民、家人、佳麗、朋友、親戚，以及工作人員，「你地嘅每個稱讚同提點，都成為左我呢兩個月越做越好嘅動力。而多得大台呢兩個月嘅訓練，6月企係台到都仲會怯場，無法發揮嘅我，今年竟然可以成為雙料得獎佳麗，在決賽當晚可以淡定發揮，同表演嘉賓互動，真系好感恩同滿足。亦要多謝四位最上鏡小姐評判肯定我決賽嘅表現，係我朝著成為一名全方位藝人嘅最大推動力。仲有佳麗們所投出的友誼小姐獎項都係對我待人處事的一大認同，在參選期間所結下的緣分我此生難忘。」

最後，李尹嫣表示非常期待與接下來的一年與三甲佳麗陳詠詩（Stacey）、施宇琪（Angela Stanton）及袁文靜（Jane）出席不同的場合，「一齊展現香港小姐美貌與智慧並重之餘，更為社會嘅公益發展出一份力。」

往下看更多文章

李尹嫣未卸任港姐即闖《魔音女團》感性告白：同全世界講我想做表演者

2025年港姐友誼小姐兼最上鏡小姐李尹嫣（Victoria），日前以灰色背心襯牛仔闊腳褲造型現身《魔音女團》記者會，青春活力十足。她感性發文，坦言未卸任就有機會成為練習生非常感恩：「令我更加確定自己對表演的喜愛同熱誠。」她更勇敢宣告：「今次參加節目，我想同全世界講，我想做表演者！」雖然知道前路不易，仍問粉絲：「你會支持我嗎？」獲網民紛紛留言打氣，支持她勇敢追夢，期待她在女團選拔中的表現。