羅啟豪啟動新一輪Busking Tour首場邀莫凱謙任嘉賓 唱新歌自揭一原因激到屋企人「嘔血」

《中年好聲音》超班靚聲王羅啟豪（Ramon），全新單曲《小鬼主意》剛在全球音樂串流平台上架，MV亦已於昨晚（9月9日）首播，MV中啟豪跳出平日斯文形象，飾演一名「黑仔」，由朝到晚頭頭碰著黑，畀老細逼迫、女友放飛機仲畀人淋水，搞鬼情節令人會心微笑！

觀看相關影片按連結：https://youtu.be/rRm2gqgtxWE

隨着《小鬼主意》正式推出，同時啟動新一輪「18區Busking Tour」 ，啟豪空降長沙灣最新大型商業地標，由著名建築所Rocco Design Architects與新晉建築師Collective Studio 合作設計，瓊林街83號配備綠意加階梯的空間美學，啟豪榮幸成為首位在該場地表演的藝人，更邀得莫凱謙（《殘酷一丁》莫生 ）擔任嘉賓，兩隻「小鬼」擦出熾烈音樂火花，強強聯手、全新場地、新鮮感爆燈！

啟豪成為首位於瓊林街83號演出嘅歌手。

啟豪於由著名建築團隊設計之場地四處打卡。

啟豪以是次18區Busking Tour第11站宣傳新歌《小鬼主意》。

邀請莫凱謙為嘉賓。

啟豪以新歌《小鬼主意》打頭陣，曲詞風格令人耳目一新，啟豪說：「小時候覺得好多限制，經常被催吃飯、做功課，以為長大就會好自由，誰知原來成人更多束縛，現在又想做回小朋友！」雖然啟豪小時候不算叛逆難教，但也曾令家人相當頭痛，他搞笑自爆：「我專注力不足，默書記極都記唔到，激到屋企人幾乎嘔血，好想『鍊』死我！我又成日同二家姐打交同鬧交，為咗分開我哋，屋企人本來想先送二家姐去英國讀書，點知我哋鬧還鬧，其實感情好好，結果我哋兩姊弟都係一齊去英國讀書！」

兩隻「小鬼」擦出熱烈音樂火花。

二人合唱《紀念日》。

為了配合新歌主題，啟豪今次重啟busking tour，特別邀請被全香港人見證成長的莫凱謙擔任嘉賓，啟豪解釋：「他六歲時參加《殘酷一丁》，轉眼間二十年過去，由『小鬼』變了成年人，我在網上看過他的片段，好叻仔，曲詞編監一手包辦，又識彈好多樂器，所以邀請他來當嘉賓。」今年廿七歲的莫凱謙，又想不想時光倒流？阿謙說：「參賽後開始拍電視劇，好快便要面對成人世界，現在廿七歲，我仍然當自己是小朋友，不是太想長大，因為好難捉緊最純真的快樂！」

啟豪唱出新歌表達小朋友想快啲大個覺得會好自由。

道出成人世界更多束縛及顧慮。

亦會懷念小朋友的無拘無束。

當年「莫生」以容祖兒的《習慣失戀》參賽《殘酷一丁》，震撼情景，至今啟豪依舊歷歷在目：「我當時在美國，他的演出簡直是一時佳話！今次busking，阿謙本來沒有選唱這首成名曲，但我忍不住要唱，阿謙便提議伴奏，他是全能音樂人，出來效果好好，有新火花！」除了《習慣失戀》，啟豪更與阿謙合唱《紀念日》，啟豪笑言：「期待日後與阿謙有更多音樂上的合作！」

莫生為觀眾帶嚟自己新歌《習慣一起》。

啟豪及莫生都時會當自己係小朋友。

全場大合照

啟豪與豪殼好好利用場地綠意加階梯空間的美學一同合照。

羅啟豪（Ramon）近日忙於籌備六月偕譚輝智合作的紅館《雙聲演唱會》，仍不忘在社交平台分享新搞作「羅啟豪音樂小劇場之《歌單中的密碼》」，Ramon說：「最近有音樂串流平台邀請我主持一個鐘頭嘅音樂節目，可以揀自己鍾意嘅歌、同聽眾傾吓偈，一收到呢個邀請就好開心，我真係有好多sidetrack或者滄海遺珠想同大家分享。」

羅啟豪忙於籌備六月紅館演唱會仍不忘創作小搞作。

Ramon靈機一觸，想到將所選的14首歌串連成一個故事，並以劇場版呈現網上最熱門劇情「撞跌對方耳機」去開展的愛情故事 ，可惜基於技術問題，直播時聽眾聽不清楚部分獨白，Ramon決定動手將整個小劇場重新錄製一次，並放在社交平台分享。

啟豪完成音樂小劇場好有滿足感。

Ramon表示，完成後好有滿足感，首先今次與團隊一起創作獨白，亦有運用AI幫助，啟豪坦言：「自己中文真係唔叻，而家入咗行真係要進步得快啲，AI幫自己創作之餘，亦有幫自己改善中文。」小劇場當中有好多精警或者感動嘅句子，問到是否自身經歷，Ramon說：「都有啲㗎，亦有啲係觀察身邊人嘅故事。」獨白包含迷惘、深情、激動、失而復得等各種情緒演繹，啟豪解釋：「其實自己都好有興趣演戲，但暫時未有機會，正好借住呢個音樂小劇場過吓戲癮，希望可以不定時咁做落去，當成係試鏡等導演監製睇吓我有冇演戲潛質！」Ramon外表斯文，心底裏卻渴望嘗試不同片種，甚至殺手、奸角等等反差極大的角色，他笑言：「總之我想演啲同自己完全唔同嘅角色，俾人知道其實我仲有其他面貌！」

羅啟豪以關淑怡舊作《告別戀曲》作爲音樂小劇場《歌單中的密碼》之開場歌曲並配以療癒系動畫。

今次選曲類型非常廣泛，由關淑怡、鄭秀文、許茹芸，到英文歌甚至衛蘭今年新歌《因爲你世界又多一份光亮》，以及許志安剛剛推出的《信天翁》，Ramon忙於預備演唱會都有時間聽新歌？他說：「入行前已習慣每一日都會上網，睇吓當日出咗乜嘢新歌或者新碟，而家確實係忙咗，但係都擺低唔到呢個熱愛，當日一聽到《信天翁》就好鍾意，諗過喺網上面翻唱，點知遇到呢個機緣，就一定要揀呢首歌，感覺仲特別！」

啟豪為新歌及演唱會宣傳，接受譚玉瑛及何基佑電台訪問。

在《雙聲演唱會》又會不會演繹《信天翁》及小劇場的歌單？Ramon說：「我同製作團隊開咗好多次會，希望帶嚟最精彩嘅成果畀每一位入場嘅觀眾，rundown 暫時要保持神秘感，可以講除咗會唱自己歌之外，順應近期八、九十年代經典廣東歌嘅熱潮，我同輝智會唱好多大家一定好鍾意嘅金曲，亦有一啲大家可能少啲聽，但係一聽就心諗：『係喎，唔記得咗呢首咁正嘅歌添！』我哋會用各自唔同得嚟又好夾嘅方法去演繹呢啲歌，有信心觀眾一定會好鐘意！」

「豪吧」在畫展場內所設餐廳特設演唱會主題餐飲。

有啟豪所喜愛之小鴨及水豚甜品布甸。

羅啟豪音樂小劇場之《歌單中的密碼》 介紹：

羅啟豪：「我鍾意聽歌尤其是sidetrack，鍾意到一個病態嘅地步，決定會不定期將我喜愛嘅歌曲製作成一個小劇場去分享俾大家，希望更多滄海遺珠被聽見、被欣賞，希望你會喺我分享嘅歌單裏面，搵到你都想循環播放嘅旋律 。」

啟豪形容自己喜愛sidetracks至病態地步。

歌迷會「豪吧」於進行中之畫展向歌迷送上劇場版獨白收藏卡坐紀念品。