MIRROR小隊FING小組宣布11月亞博開騷 延續街舞熱血答謝樂迷

全城集氣成功！繼今年6月《Manifest | W.T.F. Live》大獲好評後，MIRROR「FING小組」成員Alton x Anson Kong x Frankie x Lokman強勢宣布回歸舞台，將於11月5日假亞洲國際博覽館10號展館舉行《PayKool 齊齊撐: Manifest | W.T.F.2 Live 2025》！四子承諾以更強能量、更爆舞台，與樂迷再續「WE TOGETHER FOREVER」之約，徹底燃燒亞博館！

MIRROR小隊FING小組11月燃燒亞博10號館。

Lokman

Frankie

是次演出由 MakerVille 主辦，演唱會資料如下：
《PayKool 齊齊撐: Manifest | W.T.F.2 Live 2025》
日期：2025 年 11 月 5 日
時間：8:15pm
場地：亞洲國際博覽館10號展館
票價：$1,180 / $980 / $680

主辦及經理人公司：MakerVille
齊齊撐：PayKool Visa Card
陪你FING：Katch 音樂娛樂平台
優先訂票：PayKool Visa Card | MIRROR Official Fan Club
Dancing on air：叱咤903
夜粥拍檔：MOOV

票務平台：Klook
發售日期：2025年9月15日 中午12時正
網上購票：https://s.klook.com/mirrorwtfing2025
*不設售票處售票

Anson Kong

Alton

四子誓要DUM爆舞台！

「FING小組」今年6月的首場演出以街舞文化為核心，全晚跳唱，演繹《FING!》及《DUM!》等小組作品，並重新詮釋多首樂壇經典，如《男子組》、《昨遲人》、《取消資格》等，舞台魅力與體能極限挑戰贏盡口碑。演出尾聲以《Easy》與《大丈夫》將氣氛推至高峰，四子真情流露，台上台下淚水與汗水交織，成為樂迷心中的難忘時刻。

縱然完騷將近3個月，四子還是記憶猶新，Lokman 坦言：「排W.T.F呢個Show真係好辛苦，不過辛苦完之後嘅感動，令我哋都想排多次！」AK 興奮表示：「多謝三位兄弟！我玩得好開心，不如我哋排多一次？」Frankie 難得激情喊話：「玩一次點會夠？我覺得可以玩多次囉！仲要係充滿回憶嘅亞博Hall 10！」Alton 則感性分享：「雖然有時開完會都冇答案，但路行行下，Part 2就嚟啦！」四子異口同聲表示宇宙真係聽到大家的願望！今次演唱會會玩得更大、跳得更狠，說：「唔理你上次有冇入嚟睇，今次都一定要一齊入嚟瘋狂跳一晚！」

《PayKool 齊齊撐: Manifest | W.T.F.2 Live 2025》海報

ViuTV原創劇《預防100種牙漬嘅 Darlie 呈獻 COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

MIRROR成員邱士縉（Stanley）為角色練習咬字。

在《COURT!》中，MIRROR成員邱士縉（Stanley）、陳子豐、朱鑑然分別飾演不同的律政人員，以各自擁有的身份分享對故事的看法。Stanley飾演的Peter是一名法官，Stanley表示：「佢對真相係非常之追求，好正義，另一方面都執著嘅，執著要搵到事實嘅真相，佢認為法庭呢個地方就係可以搵到事實嘅真相，還原返事情嘅經過，畀返受害人或被告嘅一個清白。」他看畢劇本後有另一番感受，「覺得法庭其實唔係一個追求真相嘅地方，佢只係一個盡量用持平嘅司法方式去維持返呢個社會嘅秩序，我都好Appreciate呢個世界如果有多啲Peter呢種類型嘅法官嘅話，可能成件事會再完整啲。」

Stanley表示榮幸與銀河合作：「佢哋個大名都聽過好多次，好榮幸可以同佢哋合作，亦都見到佢哋劇本嘅優秀，見到佢哋對戲劇嘅追求，我覺得係學到好多嘢。今次嘅角色係一個法官，比我平時講嘢更加字正腔圓，更加清晰，更加要冇懶音，呢方面我都有再練習多啲咬字再清晰啲。對白要好熟，都係好大嘅挑戰。」他自爆拍攝趣事，「我哋身處喺法庭景，法庭因為場地關係，就會拍咗啲律師先，拍好長嘅律師對話，轉機位要時間，之後先會轉嚟我呢邊法官個位，好多時佢拍呢邊嗰陣我就喺度瞓覺。」

朱鑑然對劇本嚴陣以待。

陳子豐今次飾演一名法官，為Stanley嘅上司及師兄，「同Stanley一齊成長，我哋嘅師父比較錫Stanley，但我係有丁點兒嘅妒忌。」他有感與Stanley合作很好玩、很順暢，「都期待咗好耐，我哋第一次合作係好多年前嘅《大叔的愛》，但好少對手戲，等到咁多年之後嘅今日，雖然我戲份唔係好多，但我主要嘅對手就係Stanley。有幾場戲嘅情緒都有啲起落，同佢之間都有啲緊張、衝突，呢幾日都好緊張，好似好熟悉Stanley呢個人，會擔心做出嚟舒唔舒服。到今日就覺得有火花，係幾好睇，希望大家鍾意。」

雖然角色是一名法官，不過他今次沒有法庭戲，「慶幸喺呢部戲入面冇法庭戲，因為對白會好長，知道之後即刻鬆一口氣。」他對劇本感到驚訝，並透露：「劇本寫咗一宗非禮案，心諗寫到咁拍唔拍到出嚟㗎？」

陳子豐演法官做Stanley上司。

劇中一位精明能幹的年輕律師Mark由朱鑑然飾演，他說：「頭腦轉數快，好鍾意打扮，好注重自己衣著，同劇組Create咗一個好身光頸靚嘅角色。」拍攝煞科戲當天的他有感：「開心嘅時光過得特別快，我係盡咗力去準備Mark呢個角色。我台詞嘅功力或表達一向係比較差，對劇本係真係嚴陣以待， 係咁唸係咁唸，我覺得呢個係上天畀我好大嘅一個挑戰，就知道我係時候再做好啲，亦令我好雀躍，好愛呢個挑戰。我就專攻呢樣嘢，唸到我覺得個台詞令我慣常講嗰句說話，然後發現當Action時就會不經意、好順咁講咗句台詞。」

他大讚今次的劇本：「台詞、劇本係游乃海先生寫，個順暢度、精準度係令我讀一次已經清楚記得，知道晒所有角色嘅功能，同埋同邊個嘅關係，所以我覺得呢個劇本真係寫得非常之犀利。」

Stanley趁轉機位補眠。