不時有市民被目擊以地鐵列車運送一些大型傢俬或電器，引來網民的評擊。日前又有樓主發文稱在灣仔站見到竟然有乘客乘搭地鐵以搬運雙人床褥，他更以相為證，網民都紛紛斥責，揶揄「遲早運埋棺材」！
網上圖片
床褥頂到車廂天花 佔用不少空間
有港男日前於Threads發文表示，「今日灣仔站見到奇景，想知有無見過比床褥更大嘅物件？」。相中所見，有一張雙人床褥靠泊在港鐵最尾車廂內的扶手上，而床褥似乎已頂到車廂的天花，佔了車廂內不少空間，相當誇張。而相中所顯示的路線圖，是港島綫前往銅鑼灣方向。
網上截圖
網民質疑是否是AI生成圖
由於場面實在誇張，令一些網民質疑相片是否是人工智能(AI)所生成，但樓主回應「張相喺真嘅， 唔喺Gen出嚟」，有網民亦留言撐到「乜鬼都話AI，你話P圖都仲有可能，AI生成嘅話左右兩邊路線圖一定錯哂」。另有人就質疑左方玻璃車門外的廣告「張相九成九係AI整出來」，但有網民就認得此圖的確是一間保險公司於港鐵發放的廣告。
網上截圖
網友：其實應請職員請返佢落車
不少網民力批乘客以港鐵運送床褥，「搬上搬落都辛苦啦，點解唔call van仔？」、「call架貨van都冇錢，一世俾人睇唔起！」、「點搬入去，咁都俾佢偷雞」、「吓，入到閘？」、「有闊閘機之後，地鐵運輸變得好容易」。有網民就覺得樓主應向職員反映，「其實應該搵人按鐘，請職員請返佢落車」。
網民揶揄：搬屋、搬廠、搬寫字樓，搵地鐵啦！
另有網民揶揄「搬都搬了，唔爭在瞓埋，全躺軟卧」、「遲啲應該會有人用地鐵出殯」、「你以為床褥其實係棺材」、「遲早運埋棺材」、「佢係好彩職員見唔到」、「搬屋、搬廠、搬寫字樓，搵地鐵啦！」、「仲笠住張床單 幾愛乾淨」。
網上截圖
港鐵回應：未有處理該事件的記錄
港鐵向傳媒表示，有留意到該張網上圖片，並十分重視。經向相關車站及港鐵人員查詢，未有處理該事件的記錄，或收到乘客報告有關情況。
又指港鐵一直致力為乘客提供安全、舒適的乘車環境，行李規章對每名乘客攜帶物件的尺寸有規定， 目的是不希望對其他乘客造成不便及滋擾。所以呼籲乘客為己為人，應遵守相關規定，職員亦會不時巡視，若留意到乘客攜帶不合規章的物件，會要求有關乘客離開港鐵範圍及發出書面警告。如有需要，職員亦會向違規乘客發出擬檢控通知書，並由公司法律部門跟進。若乘客見到有懷疑違規的情況，應盡快通知車站職員，讓職員可即時作出適切跟進。
