女團COLLAR成員陳泳伽（Winka），繼之前推出《今期不流行》後，9月18日推出年度第二支個人單曲《要有光》，今次歌曲極具正能量，主打在黑暗中更要尋找光和聚集同行夥伴的重要性。為配合歌曲主題，Winka更破天荒找來自小陪她成長的圈外好友，參與歌曲「伴唱」，令歌曲倍添意義。
女團COLLAR成員陳泳伽（Winka）推出年度第二支個人單曲《要有光》。
歌曲主題是在黑暗中更要尋找光和聚集同行夥伴的重要性。
《要有光》由黃偉文填詞、謝國維與Y.Siu及Winka一起監製、Y.Siu和KW朱敏希作曲，歌曲以帶出一束光沒力量、一種色寂寞地的訊息，宣揚幾束光滙合做更光亮、幾種色聚集做更閃耀，意旨「夥伴」的重要力量，Winka表示：「就好似歌詞『若大任，未可阻擋，但獨力，未可擔當，快與我聯手的發光』，意思一個人嘅力量有限，我哋要去搵身邊嘅夥伴，一齊努力同行、互相扶持，就好似我喺COLLAR呢幾年嘅生活，令我覺得一個人唔係最好，就如歌曲所講嘅族群撐着，才變壯。」
點擊看圖輯
女團COLLAR成員陳泳伽（Winka）推出年度第二支個人單曲《要有光》。
歌曲主題是在黑暗中更要尋找光和聚集同行夥伴的重要性。
Winka找來自小陪她成長的圈外好友參與歌曲「伴唱」。
Winka找來自小陪她成長的圈外好友參與歌曲「伴唱」。
有「夥」就有光！
MV狂跑零難度
Winka續說，原定年度第二首單曲是以情歌方向為題，但最終在云云Demo中，揀選了這首歌，最奇妙之處，可以跟她的好朋友Y.Siu合作，她謂：「起初聽Demo，唔知首歌邊個創作，後來先知揀咗好朋友Y.Siu首歌，呢個朋友係Busking嘅時候陪伴我一直成長，之後入咗行，大家冇乜機會喺工作上遇到，但今次終於真正合作，超級開心。」
COLLAR演唱會後Winka速推單曲。
新歌MV加入了不少電腦特技效果。
今次新歌最大特色，莫過於Winka找了一班圈外「夥伴」為歌曲「伴唱」，她說：「係搵咗一班由細到大一齊成長嘅best friend去幫忙伴唱，呢一樣嘢，對我嚟講，亦都係最最最最大嘅意義。」提到新歌MV加入了不少電腦特技效果，未知對Winka可有大挑戰？她表示：「咁多個MV嚟講，今次嘅拍攝係最輕鬆一次，只係不停瘋狂咁跑，雖然好多人覺得跑會好攰，但對我嚟講，跑步一啲都冇難度，唔需要去思考好多嘢，成件事好直接，對我嚟講好舒服。」至於講到COLLAR演唱會後，Winka火速投入工作籌備單飛歌曲，她直言體能及精神已迅速回復，更笑指已適應跟舊患相處及照顧，完成MV拍攝後，她會去旅行叉足電才重投工作懷抱，稍後她會將所有啟發分享給大家。
Winka傳遞伙伴同行力量。
拍MV狂跑都冇氣喘！
香港遊樂場協會麥花臣場館年度音樂盛事 「麥花臣節2026」於1月14日假 P’Artiste 舉行記者會，隆重公佈今屆音樂盛會的完整演出陣容！每年麥花臣場館於一月至四月期間舉辦年度「麥花臣節」，以「Chill住入場睇 Live Show」為主題打造音樂盛宴，大會特意為各單位準備以輕鬆為主題的「扭蛋」，讓入場觀眾有置身嘉年華的氣氛。
麥花臣節2026
一眾歌手合照
大合照
眾人一同出席「麥花臣節2026」記者會
今年的全陣容單位包括頭炮壓陣的農夫，其公司「農作天下」首次以主辦單位身份開騷 — 廣東話棟篤笑大賽「港笑」，重磅回歸為傳承棟篤笑文化，門票早已宣布全部售罄。兩人更發揮搞笑本色，在扭蛋內放入480元現金，C君笑謂：「我哋率先做返香港棟篤笑嘅傳統─回水！」提到香港棟篤笑始祖、與農夫亦師亦友的黃子華，他們說：「佢都好支持，亦都好想嚟，不過而家忙緊拍電影，所以嚟唔到。但係有好多前輩走嚟同我哋講，唔好淨係掛住推廣，都要搵吓錢，即係大家都計到個騷，唔係好賺錢，仲要花好多心力。」
新世代結他手及音樂人 Teddy Fan直言今次屬「打大佬」級演出，笑謂雖然有很多好友，但活動上「全部唔提」，他表示：「我費事大家淨係睇佢哋，唔睇我。其實我唔算係個鍾意音樂嘅人，但係我好鍾意表演，今次放個結他pick入扭蛋，因為結他幫我做到自己鍾意嘅嘢。有時為咗自己鍾意嘅嘢，都係頂硬上，堅持去做一定有成績。今次個騷一定會好『行』，大家會跳到好攰嘅，拭目以待啦！」
初次solo登上舞台演出的Tiger，表示將會編排cover不同曲風的歌
新世代結他手及音樂人 Teddy Fan直言今次屬「打大佬」級演出
農夫放現金入大會扭蛋，笑言率先回水
Gordon Flanders
Marf表示對個唱已有很多構思
初次solo登上舞台演出的Tiger@MIRROR，將以全新舞台魅力展現實力，又表示將會編排cover不同曲風的歌，希望為觀眾帶來驚喜，他把有份參與的劇集《存酒人》的紀念品放入扭蛋：「拍呢個劇，令我大開眼界，同埋想提醒大家堅持！」他又感謝麥花臣的邀請，自嘲從未想過開個人騷：「我得四首歌咋，一個騷要唱兩個鐘，每首歌我要唱四次，所以今次個騷會有好唔同嘅做法，大家期待吓。」
同樣，首度以個人身份開騷的Marf@COLLAR，繼續以型格魅力演出，透露將度身訂造歌單rock爆舞台，Marf為扭蛋準備的禮物相當有心思，她說：「我會準備三封手畫嘅信，包括：喜、怒、哀，同埋呢個貓貓玉掌嘅燈，我平時好鍾意用啲好大嘅袋，成個黑洞咁，所以有呢個燈就好有安全感。」
最後是將推出新歌的Gordon Flanders，因為曾在日本讀書，經常會用浸腳包放鬆身心：「所以我特登為大家準備呢個浸腳包，畀大家放鬆吓身心。」去年許下的願望成真，今年成功開個人騷，憑其風格鮮明的作品與渲染力，相信能為演出增添驚喜。由農夫率領多位新世代實力唱將接力演出，以耳目一新的 solo 表演和 Chill 爆氛圍，合力打造今年最具話題的現場音樂體驗。
除了歌手單位以外，大會更特別安排「MusicSus 延音–青少年街頭音樂表演擴展計劃」的青年學員，於各場演出中擔任暖場嘉賓，記者會上即席為歌手與延音學員進行配對，讓15至24歲的追夢青少年獲得公開演出的機會，為本地音樂注入滿滿新世代活力。這項由香港遊樂場協會（HKPA）支持的計劃，不僅為年輕音樂人提供優質平台發掘潛力之「聲」，更推廣「Chill住入場睇Live Show」的音樂文化，讓觀眾感受純粹的Live魅力與藝術熱血！
為讓入場觀眾更投入「Chill住入場睇Live Show」的體驗，於場外 Wellness Corner 特別設置扭蛋機互動區，扭蛋內隨機藏有由遊協旺角青少年綜合服務中心「Uown Art & Cafe樂眠咖啡室」藝術組青年、上葵及青衣青少年綜合服務中心親製的小手作，包括：手繪祝福風鈴、手鏈、香水膏、滴膠匙扣、流體熊吊飾、甜滋滋糖果及捏捏樂，完美呼應音樂節的至 Chill 氛圍！
今年麥花臣節相當熱鬧，實有賴一眾陣容鼎盛的支持機構，包括旺角 T.O.P.商場、ChargeSpot、允記集團、The Club及KKBOX，為觀眾提供多項優惠，一同凝聚音樂動力。為了讓更多樂迷零距離投入「Chill住入場睇Live Show」的火熱氣氛，麥花臣節每場演出將推出限定免費門票，有興趣人士只需登入麥花臣場館Instagram（@macpherson_stadium）回答指定問題，即有機會贏取免費麥花臣節門票，入場感受本地音樂Live的力量。機會難得、不容錯過！
