Coffee林芊妤夢幻粉紅Look迎36歲生日預告今個星期公布第二胎性別

娛圈事

Coffee林芊妤夢幻粉紅Look迎36歲生日預告今個星期公布第二胎性別

2025年09月22日 19:30 最後更新：20:17

林芊妤（Coffee）早前宣布懷第二胎，現懷孕八個月，昨日（9月21日）是她36歲的生日，她就預早一日舉行生日會，順便舉辦Baby Shower和Gender reveal，並預告今個星期會公布第二胎的性別。

Coffee在IG晒出生日會的靚相，可見生日會是在酒店舉行， Coffee一身粉紅色紗裙，巧妙將孕肚藏起，讓Coffee看上去宛如少女一樣，相當夢幻！ Coffee開心留言：「Happy birthday to me!!!!孕期特別懶惰既我決定一次過慶祝晒三樣嘢?Birthday staycation + Baby Shower + Gender reveal ?但我發現琴日實在影左太多太多靚相啦，所以今日（9月21日）等我出左生日相先～然後我先開始處理大量嘅影片同相片。」

點擊看圖輯

Coffee昨日迎來36歲生日，她預早一日舉行生日會，順便舉辦Baby Shower和Gender reveal。

Coffee林芊妤IG圖片

更多相片

Coffee昨日迎來36歲生日，她預早一日舉行生日會，順便舉辦Baby Shower和Gender reveal。

Coffee林芊妤IG圖片

View this post on Instagram

A post shared by 🧘🏻‍♀️C O F F E E L A M🧘🏻‍♀️ (@coffee89921)

Coffee又預告今個星期會同大家分享Baby showe，「當然仲有就係公佈大家期待既gender reveal!!! 今個星期要洗大家版面啦？同事都正在努力剪輯YouTube影片中？！！Looking forward? 好啦媽媽攰啦～今日生日正日要靜靜地休息吓，多謝大家所有嘅生日祝福？！！！同埋都多謝琴日所有冒着大雨出席嘅朋友本身都好驚打風好彩只係落大雨？」

往下看更多文章

Coffee林芊妤為囡囡大搞1歲生日派對一家四口盛裝現身被朋友笑隆重過自己結婚

37歲的林芊妤（Coffee）於2018年與圈外男友翟志榮結婚，翌年誕下囝囝翟德彥（彥彥），去年11月初迎來二胎囡囡Rea，湊成一個「好」字，榮升幸福的四口之家！Coffee不時在社交平台分享湊B日常，轉眼間囡囡Rea已經1歲大，向來重視家庭的Coffee日前就為囡囡大搞1歲生日派對，熱鬧程度更比她當年結婚更為隆重！

Coffee當年只在親友見證下低調完婚，但對仔女的慶祝活動向來親力親為又費盡心思，今次囡囡Rea的1歲生日，她更是隆重其事！Coffee在IG晒出生日派對當日的照片，可見一家四口齊齊盛裝上陣，大仔彥彥全程對妹妹呵護備至，一家四口互動非常有愛。

View this post on Instagram

A post shared by 🧘🏻‍♀️C O F F E E L A M🧘🏻‍♀️ (@coffee89921)

面對朋友取笑「你個囡個1歲生日會仲隆重過你結婚嗰陣時」，Coffee毫不掩飾身為母親的驕傲與儀式感：「無錯呀，因為自從我8年前做左人媽媽之後，先知道慶祝小朋友既生日有幾咁重要，因為媽媽根本就係最神奇最偉大既魔術師，你哋諗吓呢件事幾咁神奇，小朋友嘅眼耳口鼻、所有器官、皮膚、血液、手手腳腳，全部都係我既身體入面由一粒蝌蚪開始做出嚟，佢地仲會隨着時間慢慢進化，雖然最後製成品都係成個我老公咁嘅樣。」

Coffee亦娓娓道出懷孕學哺乳的辛苦，「但究竟嗰九個月入面我身體經歷咗啲乜？根本就係打咗一場只有自己先知既硬仗，而且生完出嚟仲要繼續棉乾碎濕咁日湊夜湊，餵人奶又將自己所有骨膠原啊血啊精華奉獻晒俾佢地，真係諗起都覺得自己偉大到想喊，再加上過咗一歲就好似跨過咗一個大嘅關口，單純諗吓就已經覺得1歲生日好需要大搞特搞慶祝下，跟住再同自己講返聲，辛苦晒！我已經做得好好同好叻架啦！！！」字裏行間道盡由新手媽媽至成為兩孩之母背後的辛酸和感動。