娛圈事
現年29歲的「東張女神」何沛珈（Roxanne）近年人氣急升，除了憑主持《東張西望》成功入屋，更在劇集《反黑英雄》中飾演陳山聰女友而備受關注，演技獲讚進步。一向活躍於社交平台的她，近日再以一身時尚造型引發熱議，大晒窈窕身形，獲網民激讚索爆！
「東張女神」 何沛珈又晒靚相！
在 Instagram 查看这篇帖子
何沛珈日前在IG上傳一輯自拍照，見她身穿緊身連身衣，搭配牛仔長褲，手持相機對鏡狂擺甫士，盡顯纖腰長腿的完美比例。貼身剪裁完美勾勒其玲瓏曲線，加上她自信滿滿的表情，火辣程度爆燈！何沛珈亦幽默留言：「Mirror is my best buddy for capturing today’s look 💖（鏡子是捕捉我今日造型的最佳夥伴」。
對是日造型相當滿意！
窈窕曲線獲讚！
藝人何沛珈於8月1日舉行生日粉絲見面會，當日正是她正日生日，特意選這一天跟一眾支持者慶祝，亦是她入行以來首次在生日正日跟粉絲一齊過生日，別具意義。當日現場約有30位粉絲到場，人數之多讓原本以為只有十個人左右的何沛珈本人也感到十分意外，令壽星女非常感動。
何沛珈日前舉行生日粉絲見面會。
名為Fan Meet 實為「答謝會」
何沛珈表示今次活動性質似「答謝會」多於生日派對：「揀正日嗰日，係因為呢個日子對我嚟講好重要，加上係第一次可以喺自己生日正日同大家一齊慶祝，所以特登揀咗呢一日。」
為答謝粉絲一直以來的支持，何沛珈特別準備咗8份禮物作抽獎之用，當中包括她最鍾意的零食、即影即有相機、月餅等，希望可以少少禮物答謝粉絲。活動期間更設有「任影唔嬲」環節，粉絲可以盡情同何沛珈合照留念。現場大家更一起合唱生日歌給何沛珈聽，全場氣氛溫馨感人。
以往何沛珈都是主持、演戲和綜藝節目為主，不過近來有不少登台唱歌工作的機會，何沛珈今次都特別以歌會友，贏盡全場掌聲。
何沛珈今次都特別以歌會友
契仔契女、爹哋齊現身
今次活動其中一個最特別的安排，何沛珈的契仔、契女同屋企人都有到場出席。何沛珈坦言，家人平日甚少有機會見到自己工作時嘅一面：「今次雖然唔算係正式工作，但難得可以俾佢哋見到，原來有咁多人咁錫我、咁愛我，我爹哋見到都好感動。」
何沛珈的契仔、契女同屋企人都有到場出席。
何沛珈的契仔、契女同屋企人都有到場出席。
粉絲逐一送心意禮物
活動上，每一位到場嘅粉絲都準備咗禮物送畀何沛珈。對此何沛珈直言其實內心相當矛盾：「我其實唔想佢哋使錢送禮物俾我，但當親手收到嘅時候，真係好感動，因為入面充滿住佢哋嘅心意。」當中令何沛珈印象最深嘅一份禮物，係一位粉絲將佢嘅樣子印在朱古力上，創意十足；而最令佢感動嘅，則係何沛珈契仔親手畫嘅一張卡。何沛珈笑言：「畫工雖然唔係大師級，但係那份心意真係令我好感動。」她亦透露一個小小心願：「如果將來我有能力嘅話，希望下次可以為每一位嚟到嘅粉絲都準備一份禮物。」
何沛珈
今年最大禮物：《非份之罪》大受好評 力推新劇《夫妻的博弈》
除了粉絲見面會以外，何沛珈亦分享咗今年自己最大嘅「禮物」，就係新劇《非份之罪》出街，並得到很多觀眾嘅喜愛：「真係冇想過大家會喜歡我嘅演出，我也收到很多網友嘅留言，好受寵若驚。」何沛珈同時亦借此機會力推自己嘅最新作品：「希望大家可以多多關注嚟緊嘅新劇《夫妻的博弈》，希望可以得到好嘅收視。」
何沛珈
生日願望：節目高收視、身體健康 感情事順其自然
被問到今年生日願望，何沛珈分享咗兩個心願：第一，希望自己有份參與嘅所有節目都可以高收視、多人收看；第二個願望則相對簡單樸實——希望身邊所有人都身體健康。
至於感情狀況，參加《女神配對計劃2》的何沛珈透露心聲，坦言現階段更希望覓得一位可以長遠一齊行落去嘅伴侶：「而家嘅我已經29+1，唔會好似以前咁心急、咁衝動，反而希望可以慢慢嚟，搵一個真係可以長久行落去嘅人。」何沛珈感謝一直支持自己嘅粉絲，並期待未來可以帶嚟更多精彩內容同大家分享。
何沛珈
