關智斌演唱會前大曬「完美腹肌」 阿Sa打風前直擊：大家唔使羨慕我！

即將於9月26及27日舉行演唱會的關智斌（Kenny），因為臨近開騷所以加倍勤力健身，務求以最Fit狀態登場。

Kenny 身材一向fit

日前（23日），Kenny的好姊妹蔡卓妍（阿Sa）在社交平台分享了一張「養眼福利照」——Kenny拉高背心，大方展露結實胸肌與「六嚿腹肌」，線條分明，令人眼前一亮。 阿Sa更搞笑「親手驗貨」，幫忙拉高Kenny背心，並留言調侃：「好彩我今日堅持打風前去做尖（美容），先至冇錯過咁完美嘅腹肌！大家唔使羨慕我，26、27號你哋都有得睇～」同時提醒粉絲：「呢兩日大家都要stay safe & stay dry！」

阿Sa在社交平台分享了一張「養眼福利照」

拉高Kenny背心

「六嚿腹肌」，線條分明

Kenny弗爆身形加上阿Sa的「貼心宣傳」，令粉絲即刻熱血沸騰，紛紛大呼：「太養眼啦！」、「演唱會一定要搶飛！」

距離「英皇娛樂25+HAPPY BIRTHDAY慶典」的「25+英皇群星演唱會」有一個月時間，英皇藝人繼續瞓身宣傳，繼早前軒仔張敬軒孖Gin Lee李幸倪、Twins殺入麥當勞之後，今次輪到關智斌（Kenny）跟樂隊Locksmiths開鎖佬接力落區派奶茶，再次迫爆麥當勞。

關智斌與樂隊Locksmiths開鎖佬接力落區派奶茶。

Kenny一出現，即引來顧客瘋狂包圍拍照，fans跟顧客都忍不住大讚Kenny零死角，而一向超錫fans的他亦有求必應，跟他們逐個自拍。而樂隊Locksmiths開鎖佬五位成員亦不輸蝕，青春活力的他們一邊派奶茶一邊跟顧客selfie搞氣氛，加上剛剛推出新歌《煩惱事九成都不會發生》，翌日就可以見到fans派奶茶，所以特別興奮。

關智斌

關智斌

提到即將於啟德舉行的「25+英皇群星演唱會」，Kenny忍不住漏口風，「嚟緊啟德個show我兩日都會出現嘅，我仲聽聞……到時Twins會有一位限定版新成員加入，我唔話你知住，但大家到時記得睇清楚，可能嗰個就係我呢！」

關智斌

而Locksmiths開鎖佬五子亦十分興奮，「第一次派奶茶，初頭以為好簡單，原來都幾忙，哈哈。嚟緊啟德演唱會，我哋會盡力表演，呢排都好努力練習，唔知係咪打鼓或者彈結他嘅練習強度太高，頭先派奶茶都有啲手震，哈哈。」

關智斌與樂隊Locksmiths開鎖佬