關智斌演唱會前大曬「完美腹肌」 阿Sa打風前直擊：大家唔使羨慕我！

即將於9月26及27日舉行演唱會的關智斌（Kenny），因為臨近開騷所以加倍勤力健身，務求以最Fit狀態登場。

Kenny 身材一向fit

日前（23日），Kenny的好姊妹蔡卓妍（阿Sa）在社交平台分享了一張「養眼福利照」——Kenny拉高背心，大方展露結實胸肌與「六嚿腹肌」，線條分明，令人眼前一亮。 阿Sa更搞笑「親手驗貨」，幫忙拉高Kenny背心，並留言調侃：「好彩我今日堅持打風前去做尖（美容），先至冇錯過咁完美嘅腹肌！大家唔使羨慕我，26、27號你哋都有得睇～」同時提醒粉絲：「呢兩日大家都要stay safe & stay dry！」

阿Sa在社交平台分享了一張「養眼福利照」

拉高Kenny背心

「六嚿腹肌」，線條分明

Kenny弗爆身形加上阿Sa的「貼心宣傳」，令粉絲即刻熱血沸騰，紛紛大呼：「太養眼啦！」、「演唱會一定要搶飛！」

泳兒近日為宣傳新歌《老殘遊戲》邀請圈中好友拍片助陣，最新一集請來同門師姐蔡卓妍（阿Sa）現身。影片開場，泳兒即大讚阿Sa是公司內「Top of the Top」的童顏代表，阿Sa聞言即笑說：「大家畀面啫。」

泳兒即大讚阿Sa是公司內「Top of the Top」的童顏代表

阿Sa聞言即笑說：「大家畀面啫。」

被問到會否因長相太童顏而感到困擾，阿Sa坦言年輕時確實曾經覺得煩：「細個成日都好似趕住要大個，好鄙視啲學生角色，做到想嘔。但依家回頭睇，就覺得點解嗰陣唔多做啲，因為依家做唔返啦！」她又透露，自己在35歲後花了兩年時間去適應「慢慢老去」的現實，心境轉變極大。

表示童顏外表令以為的她不停接學生角色，做到想嘔

談到保養秘訣，阿Sa笑言除了多飲水、多瞓覺、做運動外，自己還有「獨門秘方」──睇言情小說！她開心解釋：「霸道總裁嗰啲就係言情小說呀！」泳兒聽到即興奮附和，表示自己亦是忠實書迷。兩人一拍即合，邊笑邊討論劇情，互動自然又搞笑，笑爆一眾網民。

阿Sa的保養「獨門秘方」係看言情小說