歌手林欣彤（Mag）近年鮮有露面，但她今日（9月24日）凌晨突然在IG進行直播，驚慌地表示自己生命受到威脅，並向網民求救。
林欣彤IG圖片
直播中，Mag聲線抖震，明顯處於極度驚慌的狀態，她先影住一名穿著黑色外套、留有鬍子的男子，並疑似說出男子的名字，「出咗現，我喺靈裡面我聽到佢做緊乜㗎。得返我哋兩個人知道！得返我哋兩個人知道！」她又連番呼籲網民將影片儲存低做紀錄，更表示：「總之我有咩事死咗唔緊要，你認住邊個係殺人兇手！認住佢！」又不重複：「佢想殺死我！」但就有另有一把聲音問：「What are you doing?（你在做什麼？）」
影片截圖
鏡頭有一秒影到Mag，可見她非常惶恐，而且喘着氣，亦拍到周遭的環境，地點似乎外國的醫院，有數多醫護人員在旁，而該名男子則獨自坐在角落，對方表現冷靜，更叫Mag都要冷靜，之後直播就突然中止。
影片截圖
影片截圖
影片截圖
影片截圖
不少網民知過直播片段後都表示擔心Mag的安全，紛紛在其IG留言請求她報平安。事後，Mag經理人回覆查詢，指Mag現時身在英國，是安全的，她好擔心媽媽及狗狗，原本她以為可以盡快在颱風前返港，但最後未能上機，所以情緒激動，故安排她入醫院急症室。
林欣彤IG圖片
「唱作王子」馮允謙（Jay）全新派台廣東歌作品《Break Me Down》上架，MV超有電影感，為隆重其事，邀請逾百Fans在尖沙咀MCL K11 Art House戲院，一齊欣賞MV首播。之後Jay和導演Sheng Wong與Fans互動，解答謎團，由DJ阿酸擔任主持。入場Fans得到MV中Jay簽的誓約，開場前他親自逐張簽名、畫專屬Logo及紅色火漆印章，儀式感滿滿。
逾百Fans一齊欣賞MV首播
「唱作王子」馮允謙（Jay）
馮允謙（Jay）全新派台廣東歌作品《Break Me Down》上架
馮允謙（Jay）全新派台廣東歌作品《Break Me Down》上架
之前Jay主演電影《得寵先生》已登上大銀幕，但首次在戲院大銀幕睇自己的MV，而且與Fans一同見證，感覺不一樣的興奮，笑言「好威」。他說：「好開心，好耐無見我啲Fans，第一次同佢哋一齊睇MV，即時聽到佢哋嘅反應。」他笑問：「我有冇演技大爆發？」
新歌《Break Me Down》由Jay作曲、周耀輝填詞、葉澍暉編曲、周錫漢監製
新歌《Break Me Down》由Jay作曲、周耀輝填詞、葉澍暉編曲、周錫漢監製
新歌《Break Me Down》由Jay作曲、周耀輝填詞、葉澍暉編曲、周錫漢監製
Jay跟Fans自拍
新歌《Break Me Down》由Jay作曲、周耀輝填詞、葉澍暉編曲、周錫漢監製。Jay說：「呢首歌題材有關『重生』，今年係我入行第15年，寫過好多歌，好想有啲突破，發掘自己音樂上有咩好想做而又未做？諗咗好耐就寫咗呢首歌。」新歌將「Jay式曲風」推上另一個境界，他說：「呢首歌dark dark地又有啲beat，寫嘅時候我已經好有畫面，諗定開騷點樣去表演呢首歌，我有好多諗法，大家期待吓！」
「今次MV導演Sheng有好多ideas，故事好有創意，好多嘢想拍，原本要用兩日時間，但我哋縮短為一日拍晒。今次MV故事好特別，我唔只一個角色，係有幾個Jay。個故事跳來跳去，好有趣，可能睇第一次get唔到，唔緊要，keep住睇幾次就get到。」MV中Jay為逃避殺手追捕，走入街市，打翻菜攤又躲入豬肉檔，同時Jay亦是殺手，還有一個Jay被困密室中瘋狂尖叫，加上鬧市飛車和爆破畫面，劇情緊張刺激。
今次MV邀請身手敏捷的王靖瑩（Charlie），飾演Jay逃亡時的拍檔，兩人一身戰鬥格打扮，加上臉上的傷妝，非常有型！他們跑到大廈天台樓，還攀上儲水庫的頂層，Charlie大讚風景美麗，周圍高樓大廈很有香港特色，但Jay坦言好驚，說：「我有畏高，好怕玩過山車嗰啲，但曾經因為工作需要跳降傘，我大嗌唔到，壓住喺入面好辛苦。人哋話玩完一次就會克服，但我唔係，依家仲驚！」
