「放題神偷」中年男女打邊爐又食又拎 生蠔肥牛蝦蟹狂掃落袋 高EQ職員踢爆咁應對

食自助餐同放題不可以「又食又拎」是基本常識，不過，近日本港有火鍋放題店，遇到厚顏無恥的貪小便宜食客，肆無忌憚地帶走食物，將店家的無限任食變咗「無限任拎」。

網上視頻截圖

不少食肆都會在食品櫃同飲品櫃張貼告示，提醒客人不准帶走店內食品同飲品，但近日有網上影片瘋傳，荃灣廣場一間火鍋店職員當場踢爆一對中年男女食客「又食又拎」，並極高EQ的要求二人將環保袋的食物全部交還。

網上視頻截圖

網上視頻截圖

該段影片長約2分鐘，只見到一名男職員手持托盤走近一張二人檯，客氣向男女顧客表示：「CCTV打電話落嚟，見到係咪唔覺意攞咗啲嘢食落個袋？」。涉事男女拒絕承認，職員再非常禮貌的勸喻：「麻煩攞返出嚟，因為睇住我做緊嘢，攞返出嚟就簡單啲，因為食物衞生啦始終都，食到全部可以係度食」。

網上視頻截圖

網上視頻截圖

涉事男子開始淆底，強扮淡定、表情克制地從身旁一個黑色環保袋中，取出一個膠袋，袋內裝滿海產品，連職員亦忍不住感歎：「咁大袋！」。不過這似乎只是冰山一角，職員察覺到男女還藏起有其他食材，催促道：「嗰啲攞返出嚟」，男子繼續否認，強辯其他食物不是店方所有。

網上視頻截圖

網上視頻截圖

網上視頻截圖

網上視頻截圖

網上視頻截圖

有備而來的職員語氣堅定：嗰啲牛肉應該係我公司，唔好意思，攞埋出嚟，仲有啲蝦呀，不如成盒攞出嚟好嗎？始終都要保障返顧客，食幾多唔緊要，我哋大把時間，但就唔可以攞走，因為張貼晒出嚟，麻煩晒。」男子聞言，徒手從袋中抓出一大把肥牛，放在檯上，由於過度緊張，涉事男子更直接用剛剛抓完生肥牛的雙手，抹面掃頭。

網上視頻截圖

網上視頻截圖

在該職員的再三要求下，兩男女最終交出整個黑色環保袋，職員見狀大為震驚，「成袋呀？」隨後以托盤將食材全部取走，並放在推車上整理，驚揭整個環保袋內全是店內打邊爐食材：「啱啱向A49，見到個客盜取比較多嘅食材拎走」。據其鏡頭所見，環保袋內的食材以大膠盒盛載，內有蝦、生蠔、鮑魚、蟹、魚片、肥牛等。

據悉事發於荃灣「千海水產」火鍋店，主打即撈鮮活海鮮，顧客可以享用鮑魚、蝦、貝、蟹等生猛海鮮。影片曝光後在網上瘋傳，網民直斥男女行為失禮且肉酸，亦大讚該名男職員極度有禮貌，表現非常專業：「肉酸到爆」、「攞咁多誇張咗啲喎，起碼整到兩餐」、「攞返屋企再打過火煱，好核突囉」、「好明顯係慣犯」、「嗰位員工嘅處理手法同語氣都幾專業」、「職員講嘢十分大方得體」。

日前有網民在社交平台分享自己「執垃圾」奇遇記，事主在大廈垃圾桶內，發現大量遭丟棄的海味及臘味，包括名貴罐頭鮑魚 、乾瑤柱、臘腸膶腸等。事主未有猶豫，甚至懶理不少食品已過期，直接撿走並開袋食用，更直言：「正常人係睇限期，我就係睇食物質素！」

fb圖片

《愛回家》劇照，示意圖片

事主在Facebook群組「Oh Yes!有野執(報料群組)」撰文，指自己意外在垃圾桶發現一袋海味，內有6罐鮑魚及1罐海螺片，事主隨後又在垃圾桶旁再發現另一批海味臘味，包括盒裝及袋裝的鮑魚、鮑魚汁、鮑魚麵、乾瑤柱及臘腸膶腸。其中一袋鮑魚包裝上標示的「此日期前最佳」日期為2024年11月24日，意味著已過期超過一年，不過事主似乎毫不介意，直接開關開袋享用。

fb圖片

fb圖片

fb圖片

帖文曝光掀起網民熱烈討論，不少網友指事主「今次發達了」，並紛紛猜測「可能兩公婆鬧交，我掉咗都唔畀你個衰佬食」，不過大多數網民則關注食品安全，指照片中乾瑤柱表面有白色粉末，懷疑是否發霉，而有網民就解釋：「唔係發霉啊！係擺得耐，嗰啲係鹽嚟㗎！」，亦有網民提醒「臘腸若存放過久可能產生油膉味，罐頭食品若變壞則會膨脹」

fb圖片

《愛回家》劇照，示意圖片

而被指「執到寶」的事主就堅持自己的「食物質素論」，表示「正常人係睇限期，我就係睇食物質素！」，他又指自己曾撿獲一罐過期12年的罐頭，但「唔敢食，留返餓死先食」