燒味店驚現「爆肌巨鼠」爬鴨頭 網民嘆「好生猛」戲稱：鼠鵝雙拼收貴啲

食安問題再響警號！有網民日前經過一間燒味店時，驚見櫥窗內懸掛的燒鴨旁，竟有一隻體型碩大、肌肉線條分明的老鼠爬上鴨頭，照片隨即引發熱議。

有網民日前經過一間燒味店時，驚見有老鼠爬上鴨頭！資料圖片

巨鼠攀鴨頭肌肉畢現

照片由網友在Facebook群組「香港乳豬乳鴿關注組」發布，可見一隻老鼠正攀附在懸掛的鴨頭上，身形健碩如「日日健身」。發文者提醒食客「自己決定幫唔幫襯」，引發對燒味店衛生管理的關注。

老鼠正攀附在懸掛的鴨頭上，身形健碩如「日日健身」。FB圖片

網民淡定戲謔：全港燒味店都有老鼠​​

帖文引來網友兩極反應，有人直言「全港燒味店都有老鼠，只係見唔見到」，並戲稱「鼠鵝雙拼要收貴啲，因為隻鼠好生猛」。

有人直言「全港燒味店都有老鼠，只係見唔見到」。AI生成圖

網民重點在「肌肉」？

不少網民將注意力放在老鼠的體型上，留言指「痴線，啲肌肉勁過我啲貓」、「佢日日引體上升」、「淨係食鴨胸肉同keep住健身」，更有人形容其為「五星級大鼠」。

不少網民將注意力放在老鼠的體型上。AI生成圖

日前有網民在社交平台分享自己「執垃圾」奇遇記，事主在大廈垃圾桶內，發現大量遭丟棄的海味及臘味，包括名貴罐頭鮑魚 、乾瑤柱、臘腸膶腸等。事主未有猶豫，甚至懶理不少食品已過期，直接撿走並開袋食用，更直言：「正常人係睇限期，我就係睇食物質素！」

fb圖片

《愛回家》劇照，示意圖片

事主在Facebook群組「Oh Yes!有野執(報料群組)」撰文，指自己意外在垃圾桶發現一袋海味，內有6罐鮑魚及1罐海螺片，事主隨後又在垃圾桶旁再發現另一批海味臘味，包括盒裝及袋裝的鮑魚、鮑魚汁、鮑魚麵、乾瑤柱及臘腸膶腸。其中一袋鮑魚包裝上標示的「此日期前最佳」日期為2024年11月24日，意味著已過期超過一年，不過事主似乎毫不介意，直接開關開袋享用。

fb圖片

fb圖片

fb圖片

帖文曝光掀起網民熱烈討論，不少網友指事主「今次發達了」，並紛紛猜測「可能兩公婆鬧交，我掉咗都唔畀你個衰佬食」，不過大多數網民則關注食品安全，指照片中乾瑤柱表面有白色粉末，懷疑是否發霉，而有網民就解釋：「唔係發霉啊！係擺得耐，嗰啲係鹽嚟㗎！」，亦有網民提醒「臘腸若存放過久可能產生油膉味，罐頭食品若變壞則會膨脹」

fb圖片

《愛回家》劇照，示意圖片

而被指「執到寶」的事主就堅持自己的「食物質素論」，表示「正常人係睇限期，我就係睇食物質素！」，他又指自己曾撿獲一罐過期12年的罐頭，但「唔敢食，留返餓死先食」