與湯君耀楊文蔚出席手錶品牌新店開幕典禮 林德信自爆同太太同為好「飾」之人

林德信、湯君耀及前香港運動員楊文蔚今日（10月22日）出席品牌SAINT BONES VIENNA新店開幕典禮。三人戴上品牌的腕表與銀器首飾後，更顯獨有氣質。林德信對手上的金色腕表十分滿意、全因風水師傅叮囑他要多佩戴金色飾物。

品牌SAINT BONES VIENNA舉行新店開幕典禮。

林德信、前香港運動員楊文蔚、湯君耀

訪問時，林德信特意換上SAINT BONES VIENNA另一款腕表，並透露品牌的腕表全都是手工製，故此十分獨有。林德信亦喜愛購買飾物，他認為能夠買到合適的飾物是一種緣份，由於太太亦是好「飾」之人，所以二人會不時交換配戴。雖然金價近日屢創新高，但林德信表示依然會聽從風水師傅意見「多戴金」，問到風水師傅可有建議「添丁」，林德信說：「好呀！Why Not？不過順其自然啦，但要努力啲做嘢。」

林德信

提到早前與兩歲囡囡林明齊齊在紅館舞台為林子祥慶生，他說：「好開心，因為我細個最深刻印象，就係喺紅館後台周圍走，上星期Daddy開演唱會，我見個女周圍走、玩得好開心，係好感動。到之後抱埋囡囡上台，係佢第一次上台，又係爺爺生日，對佢嘅嚟講係一個好難忘嘅成長記錄。」林德信大讚囡囡當晚表現滿分，加上妹妹由外國飛返香港，三代同堂慶生，故此十分難忘。

林德信、湯君耀

湯君耀今日佩戴的一款戒指，與身上的灰色格仔外套十分配襯，他表示平時打扮以黑白或淨色為主，但加上SAINT BONES VIENNA飾物後，即時提升了個人品味，亦不會顯得太頹。湯君耀日前推出新歌《Friendship Only》，他認為是圓了心願，「朋友同爸爸聽完都好鍾意，嚟緊都會朝歌手方向發展，已經籌備緊第二首歌，應該會係舒情歌。」

湯君耀

前香港運動員楊文蔚表示十分喜歡SAINT BONES VIENNA的戒指，尤其手上一款，因其復古感而甚得她歡心，「無論係今日causal wear或襯晚裝都好適合，非常百搭。」不過，楊文蔚近來留意較多一定是金器，她笑言與夫婚夫早已入手不少，「開始籌備明年嘅婚禮，啱啱揀好婚紗、而家揀緊地方，因為會喺外地舉行，所以都會有好多短trip去睇場地。」

楊文蔚

歌手林德信（Alex）6月10日到新城廣播接受歐陽德勛主持的《沿途有我》訪問，歐陽德勛在節目開場時表示，與Alex已多年未見，但一直留意他的動態。「當時佢就係一個好瀟灑嘅Single Man，單身一個靚仔，後來突然間收到佢結婚消息，大個仔喇，我估佢應該好快會做爸爸，又畀我估中咗，唔使好耐就真係做咗爸爸。」

林德信（Alex）接受新城廣播《沿途有我》訪問。

被問及成為爸爸及丈夫後的感受，Alex坦言自己的轉變過程與其他朋友不同。「我覺得我嘅感受同其他做咗爸爸嘅朋友好唔同，好多朋友話BB一出世成個生活變晒，但反而我呢個轉變嘅時間好長。我覺得到今日，我仲係度吸收、消化緊呢件事，可能因為我本身性格都比較慢熱。」

Alex爆兩歲女兒愛聽《十分十二吋》、《阿里巴巴》。

談到兩歲的女兒，Alex笑言她遺傳了家族的音樂天份。「佢好細個已經好鍾意聽快歌，如果播慢歌氹佢瞓覺，佢唔鍾意。佢鍾意《十分十二吋》、《阿里巴巴》呢啲好快嘅Disco歌，好細個就已經識得跟住拍子又跳又叫。」
Alex以獨立歌手身份發展已經差不多六年，他透露今年計劃推出專輯，靈感來自一個家庭循環：「我爸爸（林子祥）以前有一張專輯叫《最愛》，個封面係佢抱住1歲嘅我。嗰陣佢39、40歲，我1歲。而家呢個循環啱啱返嚟，我40歲，我個BB而家2歲。我好想做返呢件事，專輯個封面就係林德信抱住個女，儘量將個pose重現番出嚟。」

Alex演音樂劇讀父親林子祥家書。

上月在西九龍戲曲中心大劇院完成了一場音樂劇《3026：音樂環遊記》的Alex，介紹故事背景設定在1000年後，AI毀滅了所有音樂和文化，他飾演的角色進入戲曲中心，與被AI刪除記憶的音樂人一同透過經典廣東歌找回回憶。他特別提到劇中重新演繹父親的經典金曲《分分鐘需要你》時，獲得了全新的理解。導演引導他思考：「如果你真係冇晒音樂，音樂唔再存在，你冇咗生活、呢個身份，或者你會珍惜啲咩？」

後來他找到一封父親小時候寫給他的手寫信。「佢寫嘅全部都係好無聊嘅嘢，『你而家返學點呀？最近讀書點呀？考試成績點呀？』、『我喺意大利行路嘅時候會諗起你』。我讀出嚟嘅時候，個個都覺得呢啲嘢好無聊，但係最珍貴。」他續說：「佢哋就係咁啟發到我，用一個全新嘅角度去唱《分分鐘需要你》。就係你係一個好細個嘅小朋友，好渴望你爸爸喺咁無聊嘅時候陪住你。我從來冇諗過可以咁樣唱。」

唱《分分鐘需要你》感觸走音。

Alex坦言當晚險些唱不下去：「我嗰晚差啲講唔出封信，我讀唔出……唱歌音都亂晒、走音，但係有真實嘅感覺。」當晚全家人都在場，包括爸爸林子祥，令他情緒更加波動。「我感覺到爸爸喺出面，感覺到所有家人喺出面，差啲崩潰。不過點都要講完對白、唱完先，忍住先。」

重溫節目，請於6月10日晚上九時登入知訊台《沿途有我》：https://www.metroradio.com.hk/MetroInfo/